സംസ്ഥാനത്ത് സ്വർണവിലയിൽ വീണ്ടും നേരിയ ഇടിവ് രേഖപ്പെടുത്തി. ഇന്ന് ഒരു ഗ്രാം സ്വർണത്തിന് 35 രൂപയാണ് കുറഞ്ഞത്. ഒരു പവൻ സ്വർണത്തിന് 280 രൂപയുടെ ഇടിവുണ്ടായതായി കേരള ഗോൾഡ് മെർച്ചന്റ്സ് അസോസിയേഷൻ പുറത്തുവിട്ട കണക്കുകൾ വ്യക്തമാക്കുന്നു.
വിലക്കുറവോടെ 22 കാരറ്റ് ഒരു ഗ്രാം സ്വർണത്തിന് 14,275 രൂപയും, ഒരു പവൻ സ്വർണത്തിന് 1,14,200 രൂപയുമാണ് ഇന്നത്തെ നിരക്ക്. മുൻ ദിവസങ്ങളെ അപേക്ഷിച്ച് പവന് വലിയ രീതിയിലുള്ള കുറവ് വന്നിട്ടില്ലെങ്കിലും ഉപഭോക്താക്കൾക്ക് നേരിയ ആശ്വാസം നൽകുന്ന ഇടിവാണ് വിപണിയിലുണ്ടായിരിക്കുന്നത്.
സ്വർണത്തോടൊപ്പം സംസ്ഥാനത്ത് വെള്ളിവിലയിലും കുറവ് രേഖപ്പെടുത്തിയിട്ടുണ്ട്. ഒരു ഗ്രാം വെള്ളിയുടെ വില 275 രൂപയും, 10 ഗ്രാം വെള്ളിയുടെ വില 2,750 രൂപയുമാണ് ഇന്നത്തെ നിരക്ക്.
ഈ മാസത്തെ സ്വർണ നിരക്കുകൾ (പവൻ വില):
ജൂൺ 1: 1,14,560 രൂപ
ജൂൺ 2: 1,14,560 രൂപ
ജൂൺ 3: 1,14,560 രൂപ
ജൂൺ 4: 1,14,480 രൂപ
ജൂൺ 5: 1,14,200 രൂപ
