തിരുവനന്തപുരം: തലസ്ഥാനത്ത് യൂത്ത് കോൺഗ്രസ് നടത്തിയ മാർച്ചിനുനേരെ ആക്രമണം അഴിച്ചുവിട്ട് എസ്എഫ്ഐ പ്രവര്ത്തകര്. മുഖ്യ തിരഞ്ഞെടുപ്പ് കമ്മിഷണർ ഗ്യാനേഷ് കുമാർ രാജിവയ്ക്കണമെന്നാവശ്യപ്പെട്ട് യൂത്ത് കോൺഗ്രസ് നടത്തിയ സെക്രട്ടേറിയറ്റ് മാർച്ചിനിടെയാണ് എസ്എഫ്ഐ ആക്രമണം അഴിച്ചുവിട്ടത്.
മാർച്ച് തുടങ്ങുന്നതിന് മുന്നോടിയായി കേരള യൂണിവേഴ്സിറ്റി ഹോസ്റ്റലിന് സമീപത്തേക്ക് യൂത്ത് കോൺഗ്രസ് പ്രവർത്തകർ എത്തിച്ചേരുന്നിനിടെയായിരുന്നു ആക്രമണം.യൂത്ത് കോൺഗ്രസ് പ്രവർത്തകർക്കു നേരെ കല്ലും ബിയർ കുപ്പികളും ഉൾപ്പെടെയുള്ളവ എസ്എഫ്ഐ പ്രവര്ത്തകര് വലിച്ചെറിയുകയായിരുന്നു. മന്ത്രി ഒ.ജെ. ജനീഷ്, ഷാഫി പറമ്പിൽ എം.പി ഉൾപ്പെടെയുള്ളവർ നയിച്ച മാർച്ചിനു നേരെയാണ് ആക്രമണമുണ്ടായത്.
കല്ലേറിലും സംഘര്ഷത്തിലും നിരവധി പ്രവര്ത്തകര്ക്കും പോലീസുകാര്ക്കും പരുക്കേറ്റിട്ടുണ്ട്. സ്ഥലത്ത് സംഘര്ഷാവസ്ഥ തുടരുകയാണ്. സ്ഥിതിഗതികള് നിയന്ത്രണവിധേയമാക്കാന് പോലീസ് ലാത്തിച്ചാര്ജ് നടത്തി.
തലസ്ഥാനത്ത് എസ്എഫ്ഐ അതിക്രമം; യൂത്ത് കോണ്ഗ്രസ് മാർച്ചിന് നേരെ കല്ലേറ്, നിരവധി പേര്ക്ക് പരുക്ക്
Jaihind TV News Report
Jaihind TV Web Desk
1 min read
58 reads
