പ്രീമിയം സ്മാർട്ട്ഫോൺ വിപണിയിൽ തരംഗമായി ഗൂഗിളിന്റെ ഫ്ലാഗ്ഷിപ്പ് മോഡലായ പിക്സൽ 10 (Google Pixel 10). ഇന്ത്യയിൽ വൻ വിലക്കുറവിലാണ് ഫോൺ ഇപ്പോൾ ലഭ്യമാകുന്നത്. പ്രമുഖ ഇ-കോമേഴ്സ് പ്ലാറ്റ്ഫോമായ ആമസോണിലൂടെ വൻ ഡിസ്കൗണ്ടോടെയാണ് ഈ സ്മാർട്ട്ഫോൺ ഇപ്പോൾ വിൽക്കുന്നത്. ബാങ്ക് ഓഫറുകളും എക്സ്ചേഞ്ച് ആനുകൂല്യങ്ങളും കൂടി ചേരുമ്പോൾ ഉപഭോക്താക്കൾക്ക് കൂടുതൽ ലാഭത്തിൽ ഫോൺ സ്വന്തമാക്കാം.
ഇന്ത്യയിൽ 79,999 രൂപ പ്രാരംഭ വിലയിലാണ് ഗൂഗിൾ പിക്സൽ 10 ലോഞ്ച് ചെയ്തത്. എന്നാൽ നിലവിൽ ആമസോണിൽ 16,229 രൂപയുടെ നേരിട്ടുള്ള വിലക്കുറവോടെ 63,770 രൂപയ്ക്കാണ് ഫോൺ ലിസ്റ്റ് ചെയ്തിരിക്കുന്നത്.ഇതിനുപുറമെ, എച്ച്എസ്ബിസി (HSBC) ക്രെഡിറ്റ് കാർഡ് ഉപയോഗിച്ച് വാങ്ങുന്നവർക്ക് 3,000 രൂപയുടെ അധിക ഇളവും ലഭിക്കും. ഇതോടെ ഫോണിന്റെ ഫലപ്രദമായ വില 60,770 രൂപയായി കുറയും.
അതേസമയം ഒറ്റത്തവണയായി തുക നൽകാൻ ബുദ്ധിമുട്ടുള്ളവർക്കായി പ്രതിമാസം 2,242 രൂപ മുതൽ ആരംഭിക്കുന്ന നോ-കോസ്റ്റ് ഇഎംഐ സൗകര്യം ആമസോൺ ഒരുക്കിയിട്ടുണ്ട്. പഴയ സ്മാർട്ട്ഫോൺ കൈമാറി പുതിയത് വാങ്ങുന്നവർക്ക് ബൈബാക്ക് പദ്ധതിയിലൂടെ 35,900 രൂപ വരെ അധിക ലാഭം നേടാം. (എക്സ്ചേഞ്ച് മൂല്യം പഴയ ഫോണിന്റെ മോഡലിനെയും അവസ്ഥയെയും ആശ്രയിച്ചിരിക്കും).
6.3 ഇഞ്ച് വലിപ്പമുള്ള 120Hz റിഫ്രഷ് റേറ്റുള്ള ഡിസ്പ്ലേ. എടുത്തുപറയേണ്ടത് ഇതിന്റെ 3,000 നിറ്റ്സ് ബ്രൈറ്റ്നസ്സാണ്, ഇത് സൂര്യപ്രകാശത്തിലും മികച്ച ദൃശ്യാനുഭവം നൽകും.ഗൂഗിളിന്റെ ഏറ്റവും പുതിയ ടെൻസർ G5 (Tensor G5) പ്രോസസറാണ് ഇതിന്റെ കരുത്ത്. 12 ജിബി റാമും 256 ജിബി വരെ സ്റ്റോറേജും ഫോണിലുണ്ട്.48 എംപി പ്രധാന ക്യാമറ, 13 എംപി അൾട്രാവൈഡ് ക്യാമറ, 10.8 എംപി ടെലിഫോട്ടോ ക്യാമറ എന്നിവയടങ്ങുന്ന ട്രിപ്പിൾ റിയർ ക്യാമറയും, 10.5 എംപി ഫ്രണ്ട് ക്യാമറയുമുണ്ട്. 30W വയേർഡ് ഫാസ്റ്റ് ചാർജിംഗും 15W വയർലെസ് ചാർജിംഗും പിന്തുണയ്ക്കുന്ന 4,970mAh ബാറ്ററി.
മികച്ച ആൻഡ്രോയിഡ് അനുഭവവും, പ്രീമിയം ക്യാമറ പെർഫോമൻസും, അത്യാധുനിക എഐ (AI) ഫീച്ചറുകളും ആഗ്രഹിക്കുന്നവർക്ക് നിലവിലെ ഓഫറിൽ തിരഞ്ഞെടുക്കാവുന്ന ഏറ്റവും മികച്ച ഡീലുകളിൽ ഒന്നാണ് ഗൂഗിൾ പിക്സൽ 10.
