Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

നിയമസഭാ കക്ഷി ഉപനേതൃ സ്ഥാനം സിപിഐക്ക് നൽകില്ല; നിലപാട് കടുപ്പിച്ച് പിണറായി

നിയമസഭാ കക്ഷി ഉപനേതൃ സ്ഥാനം സിപിഐക്ക് നൽകില്ല; നിലപാട് കടുപ്പിച്ച് പിണറായി

തിരുവനന്തപുരം: നിയമസഭാ കക്ഷി ഉപനേതൃ സ്ഥാനം സിപിഐക്ക് നൽകില്ലെന്ന നിലപാട് ആവർത്തിച്ച് പ്രതിപക്ഷ നേതാവ് പിണറായി വിജയൻ. ഉപനേതൃ സ്ഥാനം ലഭിച്ചില്ലെങ്കിൽ നിയമസഭയിൽ പ്രത്യേക ബ്ലോക്കായി ഇരിക്കണമെന്ന ആവശ്യം സിപിഐ സംസ്ഥാന കൗൺസിൽ യോഗത്തിൽ ശക്തമായി ഉയർന്നതിന് പിന്നാലെയാണ് പിണറായി നിലപാട് വ്യക്തമാക്കിയത്.

ഉപനേതൃ സ്ഥാനത്തിന്റെ കാര്യത്തിൽ സിപിഐയുടെ ആവശ്യത്തിന് വഴങ്ങില്ലെന്ന് പിണറായി വ്യക്തമാക്കി. സിപിഐയുടെ നിലപാട് പൂർണമായും തള്ളിക്കൊണ്ടാണ് പ്രതിപക്ഷ നേതാവിന്റെ പ്രതികരണം.

പിണറായി നിലപാട് കടുപ്പിച്ചതോടെ സിപിഐയും ആവശ്യത്തിൽ വിട്ടുവീഴ്ചയ്ക്കില്ലെന്ന സൂചനയാണ് നൽകുന്നത്. എൽഡിഎഫ് എന്നാൽ സിപിഎം മാത്രമെന്ന നിലപാട് അംഗീകരിക്കാനാകില്ലെന്ന് സിപിഐ സംസ്ഥാന സെക്രട്ടറി ബിനോയ് വിശ്വം കഴിഞ്ഞ ദിവസത്തെ കൗൺസിൽ യോഗത്തിൽ വ്യക്തമാക്കിയിരുന്നു.

നിയമസഭാ കക്ഷി ഉപനേതൃ സ്ഥാനം വേണമെന്ന ആവശ്യത്തിൽ നിന്ന് പിന്നോട്ടില്ലെന്ന് ബിനോയ് വിശ്വം യോഗത്തെ അറിയിച്ചതായാണ് വിവരം. ആവശ്യം അംഗീകരിച്ചില്ലെങ്കിൽ നിയമസഭയിൽ പ്രത്യേക ബ്ലോക്കായി പ്രവർത്തിക്കണമെന്ന അഭിപ്രായവും കൗൺസിലിൽ ഉയർന്നിരുന്നു.

ഉപനേതൃ സ്ഥാനത്തിൽ സിപിഎമ്മും സിപിഐയും നിലപാട് കടുപ്പിച്ചതോടെ മുന്നണിക്കുള്ളിലെ തർക്കം വീണ്ടും രൂക്ഷമാകാനുള്ള സാധ്യതയാണ് ഉയരുന്നത്. ഇരു പാർട്ടികളും വിട്ടുവീഴ്ചയ്ക്കില്ലെന്ന നിലപാടിൽ ഉറച്ചുനിൽക്കുകയാണെങ്കിൽ വിഷയം തുറന്ന പോരിലേക്ക് നീങ്ങും.

നിയമസഭയിലെ സ്ഥാനവുമായി തുടങ്ങിയ തർക്കം മുന്നണി സംവിധാനത്തെ തന്നെ ബാധിക്കുന്ന തരത്തിലേക്ക് വളരാനുള്ള സാധ്യതയും രാഷ്ട്രീയ കേന്ദ്രങ്ങൾ ഉറ്റുനോക്കുകയാണ്.


Related articles

See all
Popular News

നൈജീരിയയിലേക്ക് മുങ്ങാൻ ശ്രമിച്ച ലഹരി മാഫിയ തലവനും ഭാര്യയും കുടുങ്ങി; 15 വർഷത്തെ മുംബൈ വാസ...

Popular News

14 വർഷത്തെ കാത്തിരിപ്പ്, നിർണായക വിധിയിലേക്ക്: അരിയിൽ ഷുക്കൂർ വധക്കേസ് നാൾവഴികളിലൂടെ...

Popular News

'14 വർഷത്തെ കാത്തിരിപ്പിനൊടുവില്‍' ഷുക്കൂർ വധക്കേസ്‌ വിധി ഇന്ന്; പി. ജയരാജൻ ഉൾപ്പടെ 33 സി...

Popular News

നിലമ്പൂരിൽ പട്ടാപ്പകൽ 9.95 ലക്ഷം രൂപ കവർന്ന കേസ്; 24 മണിക്കൂറിനുള്ളിൽ പ്രതിയെ പൊക്കി പോലീസ...

Save your stories

Sign in