കോക്രോച്ച് ജനത പാർട്ടി (CJP) നടത്തുന്ന പ്രതിഷേധങ്ങളെ പിന്തുണച്ചതിന്റെ പേരിൽ ചലച്ചിത്ര താരങ്ങൾക്ക് നേരെ നടക്കുന്ന പ്രതിഷേധങ്ങളിൽ അതൃപ്തി വ്യക്തമാക്കി മന്ത്രി പി.സി. വിഷ്ണുനാഥ്. കലാകാരന്മാർക്ക് എതിരെയുള്ള ഇത്തരം കടന്നാക്രമണങ്ങളും പ്രതിഷേധങ്ങളും തികച്ചും ദൗർഭാഗ്യകരവും ജനാധിപത്യ വിരുദ്ധവുമാണെന്ന് അദ്ദേഹം പറഞ്ഞു.
സമൂഹത്തിലെ പൊതുവിഷയങ്ങളിൽ സ്വന്തം നിലപാടുകൾ തുറന്നുപറയാനും പ്രതികരിക്കാനുമുള്ള അവകാശം മറ്റുള്ളവരെപ്പോലെ തന്നെ സിനിമാക്കാർക്കുമുണ്ടെന്ന് മന്ത്രി ഓർമ്മിപ്പിച്ചു. ആശയപരമായ വിയോജിപ്പുകളെ ജനാധിപത്യപരമായ മാർഗ്ഗങ്ങളിലൂടെയാണ് നേരിടേണ്ടതെന്നും അദ്ദേഹം കൂട്ടിച്ചേർത്തു
