ഇരിട്ടി: കായിക മന്ത്രി ഒ. ജെ. ജനീഷിനെ ആക്രമിക്കാൻ ശ്രമിച്ച സംഭവത്തിൽ പയ്യന്നൂരിലെ ആറ് ഡിവൈഎഫ്ഐ പ്രവർത്തകരെ പോലീസ് അറസ്റ്റ് ചെയ്തു. ഷിജിൽ, ലജീഷ്, നിതിൻ, അക്ഷയ്, സുബിൻ, ജിഷ്ണു എന്നിവരാണ് പിടിയിലായത്. ഇരിട്ടിയിൽ വെച്ചാണ് പോലീസ് ഇവരെ കസ്റ്റഡിയിലെടുത്തത്.
മന്ത്രി ഒ. ജെ. ജനീഷിന്റെ കാർ തടയുകയും, കൂടെയുണ്ടായിരുന്ന സന്ദീപ് വാര്യർ എം.എൽ.എയെ കൈയ്യേറ്റം ചെയ്യുകയും ചെയ്ത കേസ്സിലാണ് പോലീസിന്റെ ഈ അടിയന്തര നടപടി. സംഭവത്തിൽ കൂടുതൽ പേർക്ക് പങ്കുണ്ടോയെന്ന കാര്യം പോലീസ് അന്വേഷിച്ചു വരികയാണ്.
