വി.ഡി. സതീശൻ സർക്കാർ 100 ദിനം പൂർത്തിയാക്കുന്നു; വികസനത്തിലും ക്ഷേമത്തിലും പുതിയ കുതിപ്പ്
വി.ഡി. സതീശന്റെ നേതൃത്വത്തിലുള്ള യുഡിഎഫ് സർക്കാർ ഭരണമേറ്റിട്ട് നൂറ് ദിനങ്ങൾ പൂർത്തിയാക്കുകയാണ്. ജനപ്രിയ പ്രഖ്യാപനങ്ങൾ വേഗത്തിൽ നടപ്പാക്കിയും അടിസ്ഥാന സൗകര്യ വികസനങ്ങൾ പൂർത്തിയാക്കിയും വലിയ നേട്ടങ്ങളോടെയാണ് സർക്കാർ മുന്നോട്ട് പോകുന്നത്. ഭരണരംഗത്തെ മികവും ജനക്ഷേമ നടപടികളും സമൂഹത്തിന്റെ വിവിധ കോണുകളിൽ നിന്ന് വലിയ പിന്തുണ നേടാൻ സർക്കാരിന് സഹായകരമായി.
സ്ത്രീകൾക്ക് കെഎസ്ആർടിസിയിൽ സൗജന്യയാത്ര ഉറപ്പാക്കുന്ന പദ്ധതി, ക്രമസമാധാന പരിപാലനത്തിനായുള്ള 'ഓപ്പറേഷൻ തൂഫാൻ', വിഴിഞ്ഞം അന്താരാഷ്ട്ര തുറമുഖ വികസനത്തിന്റെ തുടർനടപടികൾ എന്നിവ സർക്കാരിന് വലിയ ജനശ്രദ്ധ നേടിക്കൊടുത്തു. മുൻകാലങ്ങളിൽ നിന്ന് വ്യത്യസ്തമായി ഇത്തവണത്തെ ഓണക്കാലത്ത് സപ്ലൈകോയുടെ മികച്ച ഇടപെടലുകൾ ശ്രദ്ധ നേടി. 300 കോടി രൂപയോളം വരുമാനം നേടി സപ്ലൈകോ ജനങ്ങൾക്ക് മികച്ച സേവനമാണ് ഉറപ്പാക്കിയത്.
സംസ്ഥാനവ്യാപകമായി ഓണാഘോഷ പരിപാടികൾ വൻതോതിൽ സംഘടിപ്പിക്കാനുള്ള ഒരുക്കങ്ങളിലാണ് നിലവിൽ സർക്കാർ. ഓണാഘോഷ പരിപാടികൾക്ക് ശേഷം ഭരണപരമായ കാര്യക്ഷമതയും സുതാര്യതയും വർദ്ധിപ്പിക്കുന്നതിന്റെ ഭാഗമായി സെപ്റ്റംബർ നാലിനും അഞ്ചിനും നടക്കുന്ന പ്രത്യേക പരിശീലന പരിപാടിക്കായി മന്ത്രിസഭ ഒന്നാകെ കോഴിക്കോട്ടേക്ക് തിരിക്കും.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.