Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

അന്യായമായ രാഷ്ട്രീയ പരോളുകൾ ഇനി നടക്കില്ല; ജയിൽ മാന്വലും റൂൾസും പരിഷ്കരിക്കുമെന്ന് രമേശ് ചെന്നിത്തല

അന്യായമായ രാഷ്ട്രീയ പരോളുകൾ ഇനി നടക്കില്ല; ജയിൽ മാന്വലും റൂൾസും പരിഷ്കരിക്കുമെന്ന് രമേശ് ചെന്നിത്തല

സംസ്ഥാനത്തെ ജയിൽ ഭരണസംവിധാനം കൂടുതൽ മെച്ചപ്പെടുത്തുന്നതിനും കാലോചിതമായ പരിഷ്കാരങ്ങൾ നടപ്പിലാക്കുന്നതിനുമുള്ള അടിയന്തിര നടപടികളുമായി ആഭ്യന്തര വകുപ്പ്. ജയിലുകളിലെ നിലവിലെ സാഹചര്യം വിലയിരുത്തുന്നതിനായി ജയിൽ ആസ്ഥാനത്ത് നേരിട്ടെത്തിയ ആഭ്യന്തര മന്ത്രി രമേശ് ചെന്നിത്തല മൂന്ന് മേഖലകളിലെയും ജയിൽ മേധാവിമാരുമായി സുപ്രധാന കൂടിക്കാഴ്ച നടത്തി. ജയിൽ സുരക്ഷ, തടവുകാരുടെ പരോൾ, സെക്രട്ടേറിയറ്റ് നിയന്ത്രണങ്ങൾ, രാഷ്ട്രീയ വിവാദങ്ങൾ എന്നിവയിൽ മന്ത്രി തന്റെ നിലപാടുകൾ വ്യക്തമാക്കി.

സംസ്ഥാനത്തെ ജയിലുകളിൽ തടവുപുള്ളികളുടെ എണ്ണം ക്രമാതീതമായി വർദ്ധിച്ചുവരുന്ന സാഹചര്യത്തിൽ കേരളത്തിൽ ഒരു സെൻട്രൽ ജയിൽ കൂടി സ്ഥാപിക്കേണ്ടതുണ്ടെന്ന് ആഭ്യന്തര മന്ത്രി രമേശ് ചെന്നിത്തല പറഞ്ഞു. ജയിലുകളുടെ പ്രവർത്തനം കൂടുതൽ കാര്യക്ഷമമാക്കുന്നതിനായി ജയിൽ മാന്വലും ജയിൽ റൂൾസും സമഗ്രമായി പരിഷ്കരിക്കും. തടവുകാരുടെ ന്യായമായ പരോൾ ആവശ്യങ്ങൾ ഒരുകാരണവശാലും നിഷേധിക്കില്ല. എന്നാൽ, രാഷ്ട്രീയ സ്വാധീനമുപയോഗിച്ച് അന്യായമായ കാരണങ്ങളാൽ തടവുപുള്ളികൾക്ക് പരോൾ അനുവദിക്കുന്ന നിലവിലെ രീതി കർശനമായി തടയുമെന്നും മന്ത്രി വ്യക്തമാക്കി.

സംസ്ഥാനത്ത് മുൻപുണ്ടായ ജയിൽ ചാട്ടത്തെക്കുറിച്ച് അന്വേഷിക്കാൻ നിയോഗിച്ച പ്രത്യേക കമ്മീഷന്റെ കാലാവധി നീട്ടി നൽകാൻ തീരുമാനിച്ചു. കൂടുതൽ വിപുലവും കൃത്യവുമായ അന്വേഷണം ഉറപ്പാക്കുന്നതിനായി മൂന്ന് മാസത്തെ സമയമാണ് കമ്മീഷന് അധികമായി അനുവദിച്ചിരിക്കുന്നത്. ജയിൽ സുരക്ഷയിലെ പാളിച്ചകൾ പരിഹരിക്കുന്നതിനുള്ള നിർദ്ദേശങ്ങൾ ഈ കമ്മീഷൻ റിപ്പോർട്ടിന്റെ അടിസ്ഥാനത്തിൽ നടപ്പിലാക്കും.

സെക്രട്ടേറിയറ്റിനുള്ളിൽ ആളുകൾ കൂട്ടത്തോടെ കയറി വലിയ രീതിയിൽ ബഹളം വെയ്ക്കുന്ന സാഹചര്യമാണ് നിലവിലുള്ളതെന്നും ഇതിന് കർശനമായ നിയന്ത്രണങ്ങൾ ഏർപ്പെടുത്തേണ്ടി വരുമെന്നും മന്ത്രി സൂചിപ്പിച്ചു. നിലവിൽ കൂടുതൽ നിയന്ത്രണങ്ങൾ ആവശ്യമുണ്ടോയെന്ന കാര്യം സർക്കാർ വിശദമായി പരിശോധിക്കും. അതേസമയം, മുഖ്യമന്ത്രിയുടെ മകൾ വീണയ്‌ക്കെതിരായ ഇ.ഡി സമൻസിനെക്കുറിച്ചുള്ള മാധ്യമങ്ങളുടെ ചോദ്യത്തിന്, കേന്ദ്ര ഏജൻസിയുടെ അന്വേഷണം അതിന്റെ വഴിക്ക് നടക്കട്ടെ എന്നായിരുന്നു രമേശ് ചെന്നിത്തലയുടെ പ്രതികരണം.

Related articles

See all
Popular News

'ഭരണഘടനയുടെ ധാർമികത പുതുതലമുറ ഉൾക്കൊള്ളണം'; സംസ്ഥാനതല ഭരണഘടനാദിനാചരണം ഉദ്ഘാടനം ചെയ്ത് സ്പീ...

Popular News

'ശിവൻകുട്ടിയുടെ നിലപാടിനൊപ്പമല്ല പാർട്ടി, പിഎംശ്രീ അടഞ്ഞ അധ്യായം'; ശിവന്‍കുട്ടിയെ തളളി എം....

Popular News

നൈജീരിയയിലേക്ക് മുങ്ങാൻ ശ്രമിച്ച ലഹരി മാഫിയ തലവനും ഭാര്യയും കുടുങ്ങി; 15 വർഷത്തെ മുംബൈ വാസ...

Popular News

മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് മഹിളാ കോൺഗ്രസ് പ്രതിഷേ...

Save your stories

Sign in