Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

മിന്നലേറ്റ് ഗജകൗസ്തുഭം പല്ലാട്ട് ബ്രഹ്മദത്തൻ ചെരിഞ്ഞു

മിന്നലേറ്റ് ഗജകൗസ്തുഭം പല്ലാട്ട് ബ്രഹ്മദത്തൻ ചെരിഞ്ഞു

കോട്ടയം മേലമ്പാറയിൽ കനത്ത മഴയ്ക്കിടെയുണ്ടായ ഇടിമിന്നലേറ്റ് പ്രശസ്തമായ പല്ലാട്ട് ബ്രഹ്മദത്തൻ എന്ന ആന ചെരിഞ്ഞു. ഞായറാഴ്ച വൈകീട്ട് ആറുമണിയോടെ ഉടമയുടെ വീട്ടുപറമ്പിൽ തളച്ചിരുന്ന ആനയ്ക്കാണ് മിന്നലേറ്റത്. കേരളാ ഫെസ്റ്റിവൽ കോ-ഓർഡിനേഷൻ കമ്മിറ്റി പ്രസിഡന്റ് അഡ്വ. രാജേഷ് പല്ലാട്ടിന്റെ ഉടമസ്ഥതയിലുള്ളതാണ് ആനപ്രേമികൾക്കിടയിൽ 'ഗജകൗസ്തുഭം' എന്ന് അറിയപ്പെട്ടിരുന്ന ഈ ആന. തൃശൂർ പൂരമടക്കമുള്ള പ്രമുഖ ഉത്സവങ്ങളിലെ നിറസാന്നിധ്യമായിരുന്ന ബ്രഹ്മദത്തനെ നീരിളക്കത്തെ തുടർന്നാണ് വീട്ടുപറമ്പിൽ തളച്ചിരുന്നത്.

കേരളത്തിൽ ഇടിമിന്നലേറ്റ് ആന ചെരിയുന്ന സംഭവം അത്യപൂർവ്വമാണ്. ഇതിനുമുമ്പ് 2014-ൽ പാലാ കടപ്പാട്ടൂരിൽ വെച്ച് 'ചിറക്കടവ് ചാമപ്പറ്റം കൃഷ്ണൻകുട്ടി' എന്ന തിരുവപ്പള്ളിൽ കൃഷ്ണൻകുട്ടി ചെരിഞ്ഞതാണ് സംസ്ഥാനത്ത് ഇത്തരത്തിലുണ്ടായ ഏക മുൻ സംഭവം. അരുണാചൽ പ്രദേശിൽ നിന്ന് എത്തിച്ച ബ്രഹ്മദത്തൻ, ഒന്നാം പാപ്പാനായിരുന്ന ദാമോദരൻ നായരുമായുള്ള അപൂർവ്വ ബന്ധത്തിന്റെ പേരിൽ വാർത്തകളിൽ നിറഞ്ഞിട്ടുണ്ട്. 2003-ൽ ഉത്സവപ്പറമ്പിൽ വെച്ച് ദാമോദരൻ നായരെ ആക്രമിക്കാൻ വന്ന മറ്റൊരു ആനയെ കുത്തിമാറ്റി രക്ഷപ്പെടുത്തിയ ബ്രഹ്മദത്തൻ, പാപ്പാന്റെ വേർപാടിൽ നൽകിയ വികാരനിർഭരമായ യാത്രാമൊഴിയും ഏറെ ശ്രദ്ധ നേടിയിരുന്നു.

Related articles

See all
Popular News

നൈജീരിയയിലേക്ക് മുങ്ങാൻ ശ്രമിച്ച ലഹരി മാഫിയ തലവനും ഭാര്യയും കുടുങ്ങി; 15 വർഷത്തെ മുംബൈ വാസ...

Popular News

അട്ടപ്പാടിയിലെ ശിശുമരണങ്ങളും വികസന പ്രശ്നങ്ങളും രാഷ്ട്രീയ ലാഭത്തിന് ഉപയോഗിക്കരുത്: മന്ത്രി...

Popular News

സംസ്ഥാനത്ത് വീണ്ടും മഴ കനക്കും; ചൊവ്വ, ബുധൻ ദിവസങ്ങളിൽ വിവിധ ജില്ലകളിൽ യെല്ലോ അലർട്ട്

Popular News

കുട്ടികളുടെ സമ്പാദ്യം ഇനി സ്മാർട്ട്! സ്റ്റുഡന്റ്സ് സേവിങ്സ് സ്കീം പൂർണമായും ഡിജിറ്റലിലേക്ക...

Save your stories

Sign in