ശോഭന ജോര്ജ് ചെയര്പേഴ്സണായിരിക്കെ ഔഷധിയില് നടന്നതായി ആരോപിക്കപ്പെടുന്ന ക്രമക്കേടുകളെക്കുറിച്ചുള്ള വിജിലന്സ് അന്വേഷണം ആരംഭിച്ചു. തൃശൂര് 'നേര്ക്കാഴ്ച അസോസിയേഷന്' ഡയറക്ടറും പരാതിക്കാരനുമായ പി.ബി. സതീഷില് നിന്ന് വിജിലന്സ് പ്രാഥമിക മൊഴി രേഖപ്പെടുത്തി. വിവരാവകാശ നിയമപ്രകാരം വിവിധ വകുപ്പുകളില് നിന്ന് ലഭിച്ച രേഖകള് വിജിലന്സ് ഇന്സ്പെക്ടര് കെ.ആര്. ഉമേഷിന്റെ നേതൃത്വത്തിലുള്ള സംഘത്തിന് പരാതിക്കാരന് കൈമാറുകയും ചെയ്തു.
2024-25 കാലയളവിലെ സെയില്സ് ക്ലോസിങ്ങുമായി ബന്ധപ്പെട്ട് നടന്നതായി ആരോപിക്കപ്പെടുന്ന ക്രമക്കേടുകളും, ഔഷധിയിലെ നിര്മാണ ജോലികളുടെ കരാര് ഊരാളുങ്കല് ലേബര് കോണ്ട്രാക്ട് സൊസൈറ്റിക്ക് നല്കിയതുമായി ബന്ധപ്പെട്ട ആരോപണങ്ങളുമാണ് വിജിലന്സ് പ്രധാനമായും അന്വേഷിക്കുന്നത്.
ഈ ക്രമക്കേടുകളെക്കുറിച്ച് ആരോഗ്യ മന്ത്രിക്ക് ലഭിച്ച പരാതിയില്, ഔഷധി എം.ഡിയോട് രണ്ടുതവണ റിപ്പോര്ട്ട് ആവശ്യപ്പെട്ടിട്ടും മുന് എം.ഡി ടി.കെ. ഹൃദീപ് റിപ്പോര്ട്ട് സമര്പ്പിച്ചിരുന്നില്ല. ഈ വിഷയവും അന്വേഷണത്തിന്റെ പരിധിയില് ഉള്പ്പെടുത്തിയിട്ടുണ്ട്.
ഔഷധിയിലെ ക്രമക്കേടുകള്; വിജിലന്സ് അന്വേഷണം ആരംഭിച്ചു