Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

എം.ടി. കൾച്ചറൽ പാർക്കിന്റെ പ്രവൃത്തി മൂന്ന് മാസത്തിനുള്ളിൽ തുടങ്ങും: മുഖ്യമന്ത്രി വി.ഡി. സതീശൻ

എം.ടി. കൾച്ചറൽ പാർക്കിന്റെ പ്രവൃത്തി മൂന്ന് മാസത്തിനുള്ളിൽ തുടങ്ങും: മുഖ്യമന്ത്രി വി.ഡി. സതീശൻ

കോഴിക്കോട്: എം.ടി. കൾച്ചറൽ പാർക്കിന്റെ നിർമാണപ്രവൃത്തി മൂന്ന് മാസത്തിനുള്ളിൽ ആരംഭിക്കുമെന്ന് മുഖ്യമന്ത്രി വി.ഡി. സതീശൻ അറിയിച്ചു. കോഴിക്കോട് സൗത്ത് മണ്ഡലത്തിന്റെ സമഗ്രവികസനം ലക്ഷ്യമിട്ട് വി.കെ. ഫൈസൽബാബു എം.എൽ.എ സംഘടിപ്പിച്ച ‘ഫ്യൂച്ചർ കാലിക്കറ്റ് 360 – കാലിക്കറ്റ് ഡെവലപ്‌മെന്റ് കോൺക്ലേവ്’ ഉദ്ഘാടനം ചെയ്യുകയായിരുന്നു മുഖ്യമന്ത്രി.

അന്താരാഷ്ട്ര നിലവാരത്തിലുള്ള കൾച്ചറൽ പാർക്കായിരിക്കും എം.ടി. വാസുദേവൻ നായരുടെ പേരിൽ കോഴിക്കോട്ട് യാഥാർഥ്യമാക്കുകയെന്ന് വി.ഡി. സതീശൻ പറഞ്ഞു. പാർക്കിനായി പരിഗണിക്കുന്ന സ്ഥലത്തിന്റെ കാര്യത്തിൽ ഏകദേശ ധാരണയായിട്ടുണ്ട്. ഏതാനും സർവേകൾ കൂടി പൂർത്തിയാക്കാനുണ്ട്. കോഴിക്കോടിന് വിളിപ്പാടകലെയുള്ള സ്ഥലത്തിന്റെ ഔദ്യോഗിക പ്രഖ്യാപനം പിന്നീട് നടത്തുമെന്നും മുഖ്യമന്ത്രി വ്യക്തമാക്കി.

കലാപ്രദർശനങ്ങൾക്കുള്ള ഗാലറി, സിനിമ, ഡോക്യുമെന്ററി, നാടകങ്ങൾ എന്നിവയ്ക്കുള്ള തീയേറ്ററുകൾ, വിവിധ കലാരൂപങ്ങൾ അവതരിപ്പിക്കുന്നതിനുള്ള വേദികൾ തുടങ്ങിയവ പാർക്കിലുണ്ടാകും. ഫൈവ് സ്റ്റാർ, ഫോർ സ്റ്റാർ ഹോട്ടലുകൾ ഉൾപ്പെടെയുള്ള സൗകര്യങ്ങളും പദ്ധതിയുടെ ഭാഗമാകും.

എല്ലാ വിഭാഗം ജനങ്ങൾക്കും ഒത്തുകൂടാനും വിനോദത്തിനുമായി ഉപയോഗിക്കാവുന്ന വിശാലമായ ഇടവും പാർക്കിൽ ഒരുക്കും. കോഴിക്കോടിന്റെ സാംസ്കാരിക പൈതൃകവും ചരിത്രവും അടയാളപ്പെടുത്തുന്ന പ്രധാന ടൂറിസം കേന്ദ്രമായാണ് എം.ടി.യുടെ പേരിലുള്ള കൾച്ചറൽ പാർക്ക് വിഭാവനം ചെയ്യുന്നതെന്നും മുഖ്യമന്ത്രി പറഞ്ഞു.


Related articles

See all
Popular News

നൈജീരിയയിലേക്ക് മുങ്ങാൻ ശ്രമിച്ച ലഹരി മാഫിയ തലവനും ഭാര്യയും കുടുങ്ങി; 15 വർഷത്തെ മുംബൈ വാസ...

Popular News

അട്ടപ്പാടിയിലെ ശിശുമരണങ്ങളും വികസന പ്രശ്നങ്ങളും രാഷ്ട്രീയ ലാഭത്തിന് ഉപയോഗിക്കരുത്: മന്ത്രി...

Popular News

സംസ്ഥാനത്ത് വീണ്ടും മഴ കനക്കും; ചൊവ്വ, ബുധൻ ദിവസങ്ങളിൽ വിവിധ ജില്ലകളിൽ യെല്ലോ അലർട്ട്

Popular News

കുട്ടികളുടെ സമ്പാദ്യം ഇനി സ്മാർട്ട്! സ്റ്റുഡന്റ്സ് സേവിങ്സ് സ്കീം പൂർണമായും ഡിജിറ്റലിലേക്ക...

Save your stories

Sign in