കോഴിക്കോട്: സമസ്ത കേരള ജംഇയ്യത്തുല്‍ ഉലമ ഉപാധ്യക്ഷനും മര്‍കസ് പ്രസിഡന്റുമായ സയ്യിദ് അലി ബാഫഖി തങ്ങളുടെ വിയോഗത്തെ തുടര്‍ന്ന് കൊയിലാണ്ടി നഗരസഭാ പരിധിയിലെ പ്രൊഫഷണല്‍ കോളേജുകള്‍ ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും ഇന്ന് അവധി പ്രഖ്യാപിച്ചു. മരണാനന്തര ചടങ്ങുകളില്‍ പങ്കെടുക്കാന്‍ വന്‍ജനപ്രവാഹം പ്രതീക്ഷിക്കുന്നതിനാലും, കൊയിലാണ്ടി ടൗണില്‍ ഏര്‍പ്പെടുത്തുന്ന കടുത്ത ഗതാഗത നിയന്ത്രണങ്ങള്‍ കണക്കിലെടുത്തുമാണ് പ്രാദേശിക അവധി നല്‍കിയിരിക്കുന്നത്.
അവധി മൂലം വിദ്യാര്‍ത്ഥികള്‍ക്ക് അധ്യയന ദിനം നഷ്ടപ്പെടാതിരിക്കാന്‍ ഇന്ന് ഓണ്‍ലൈന്‍ ക്ലാസുകള്‍ സംഘടിപ്പിക്കാന്‍ സ്‌കൂള്‍, കോളേജ് മേധാവികള്‍ക്ക് ജില്ലാ കളക്ടര്‍ നിര്‍ദ്ദേശം നല്‍കിയിട്ടുണ്ട്. അതേസമയം മുന്‍കൂട്ടി നിശ്ചയിച്ചിട്ടുള്ള സര്‍വ്വകലാശാലാ/പൊതു പരീക്ഷകള്‍ക്ക് മാറ്റമുണ്ടായിരിക്കില്ലെന്നും പരീക്ഷകള്‍ യഥാസമയം നടക്കുമെന്നും അധികൃതര്‍ വ്യക്തമാക്കി.
സയ്യിദ് അലി ബാഫഖി തങ്ങളുടെ വിയോഗം: കൊയിലാണ്ടി നഗരസഭയിലെ മുഴുവൻ വിദ്യാഭ്യാസ സ്ഥാപനങ്ങൾക്കും ഇന്ന് അവധി
Jaihind TV News Report
Jaihind TV Web Desk
1 min read
192 reads
