Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

രണ്ടു വര്‍ഷത്തിനുള്ളില്‍ കൊട്ടിയൂരിനെ ശബരിമലയും ഗുരുവായൂരും പോലെയാക്കും; സമഗ്ര വികസനത്തിന് മാസ്റ്റര്‍ പ്ലാന്‍: മന്ത്രി കെ. മുരളീധരന്

രണ്ടു വര്‍ഷത്തിനുള്ളില്‍ കൊട്ടിയൂരിനെ ശബരിമലയും ഗുരുവായൂരും പോലെയാക്കും; സമഗ്ര വികസനത്തിന് മാസ്റ്റര്‍ പ്ലാന്‍: മന്ത്രി കെ. മുരളീധരന്

കണ്ണൂര്‍: കണ്ണൂരിലെ പ്രശസ്തമായ കൊട്ടിയൂര്‍ ക്ഷേത്രത്തിന്റെയും പരിസര പ്രദേശങ്ങളുടെയും സമഗ്ര വികസനത്തിനായി പുതിയ മാസ്റ്റര്‍ പ്ലാന്‍ തയാറാക്കുമെന്ന് ദേവസ്വം മന്ത്രി കെ. മുരളീധരന്‍. അടുത്ത രണ്ടു വര്‍ഷത്തിനുള്ളില്‍ ശബരിമലയും ഗുരുവായൂരും പോലെയുള്ള സംസ്ഥാനത്തെ ഏറ്റവും പ്രധാനപ്പെട്ട തീര്‍ത്ഥാടന കേന്ദ്രങ്ങളില്‍ ഒന്നാക്കി കൊട്ടിയൂരിനെ മാറ്റുകയാണ് സര്‍ക്കാരിന്റെ ലക്ഷ്യമെന്നും മന്ത്രി പറഞ്ഞു. കൊട്ടിയൂരില്‍ പുതുതായി നിര്‍മിച്ച നടപ്പാലം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ദേവസ്വം മന്ത്രിയായതിനു ശേഷം ആദ്യമായി കൊട്ടിയൂരിലെത്തിയ കെ. മുരളീധരന് ക്ഷേത്ര പരിസരത്ത് ഉജ്ജ്വല സ്വീകരണമാണ് ദേവസ്വവും ഭക്തരും ചേര്‍ന്ന് നല്‍കിയത്.

അക്കരെ കൊട്ടിയൂരിലേക്ക് എത്തുന്ന തീര്‍ത്ഥാടകരുടെ സുരക്ഷ ഉറപ്പാക്കുന്നതിനായി, അപകടാവസ്ഥയിലായിരുന്ന പഴയ ഇടുങ്ങിയ നടപ്പാലത്തിന് പകരമാണ് ആധുനിക രീതിയിലുള്ള പുതിയ നടപ്പാലം നിര്‍മിച്ചത്. ഈ നടപ്പാലത്തിന്റെ ഉദ്ഘാടനമാണ് ദേവസ്വം മന്ത്രി കെ. മുരളീധരന്‍ നിര്‍വ്വഹിച്ചത്. കൊട്ടിയൂര്‍ ക്ഷേത്രത്തിന്റെ സമഗ്ര വികസനത്തിനായുള്ള മാസ്റ്റര്‍ പ്ലാന്‍ വൈകാതെ യാഥാര്‍ത്ഥ്യമാക്കുമെന്നും മന്ത്രി കൂട്ടിച്ചേര്‍ത്തു.

ക്ഷേത്രത്തില്‍ തീര്‍ത്ഥാടകര്‍ക്കായി നവീകരിച്ച വലിയ പാര്‍ക്കിംഗ് ഗ്രൗണ്ടിന്റെ ഉദ്ഘാടനം സംസ്ഥാന വൈദ്യുതി മന്ത്രി സണ്ണി ജോസഫ് നിര്‍വഹിച്ചു. അക്കര നടപ്പന്തലിന്റെ ഉദ്ഘാടനം മലബാര്‍ ദേവസ്വം ബോര്‍ഡ് പ്രസിഡന്റ് ഒ.കെ. വാസു മാസ്റ്ററാണ് നിര്‍വഹിച്ചത്. കൊട്ടിയൂര്‍ ദേവസ്വം ബോര്‍ഡിന്റെ സഹായത്തോടെ നിലവില്‍ 11.5 കോടി രൂപയുടെ വന്‍ വികസന പ്രവര്‍ത്തനങ്ങളാണ് ക്ഷേത്ര പരിസരത്ത് പുരോഗമിക്കുന്നത്. അടിസ്ഥാന സൗകര്യങ്ങള്‍ വര്‍ധിപ്പിക്കുന്നതിലൂടെ കൂടുതല്‍ ഭക്തരെ കൊട്ടിയൂരിലേക്ക് ആകര്‍ഷിക്കാന്‍ ഈ പദ്ധതികള്‍ക്ക് സാധിക്കും.

കൊട്ടിയൂര്‍ ദേവസ്വം ചെയര്‍മാന്‍ ടി. നാരായണന്‍ നായര്‍ അധ്യക്ഷനായ ചടങ്ങില്‍ കൊട്ടിയൂര്‍ ദേവസ്വം എക്സിക്യൂട്ടിവ് ഡയറക്ടര്‍ കെ. ഗോകുല്‍ റിപ്പോര്‍ട്ട് അവതരിപ്പിച്ചു. കണ്ണൂര്‍ ജില്ലാ പഞ്ചായത്ത് പ്രസിഡന്റ് ബിനോയ് കുര്യന്‍, പേരാവൂര്‍ ബ്ലോക്ക് പഞ്ചായത്ത് പ്രസിഡന്റ് ഇന്ദിര ശ്രീധരന്‍, കൊട്ടിയൂര്‍ ഗ്രാമപഞ്ചായത്ത് പ്രസിഡന്റ് സിസിലി കണ്ണന്താനം, തഹസില്‍ദാര്‍ രാജേഷ് ഖന്ന, വിവിധ രാഷ്ട്രീയ കക്ഷി-സാമുദായിക സംഘടന പ്രതിനിധികള്‍ തുടങ്ങിയ പ്രമുഖര്‍ ചടങ്ങില്‍ പങ്കെടുത്തു.

Related articles

See all
Popular News

'ഭരണഘടനയുടെ ധാർമികത പുതുതലമുറ ഉൾക്കൊള്ളണം'; സംസ്ഥാനതല ഭരണഘടനാദിനാചരണം ഉദ്ഘാടനം ചെയ്ത് സ്പീ...

Popular News

'ശിവൻകുട്ടിയുടെ നിലപാടിനൊപ്പമല്ല പാർട്ടി, പിഎംശ്രീ അടഞ്ഞ അധ്യായം'; ശിവന്‍കുട്ടിയെ തളളി എം....

Popular News

നൈജീരിയയിലേക്ക് മുങ്ങാൻ ശ്രമിച്ച ലഹരി മാഫിയ തലവനും ഭാര്യയും കുടുങ്ങി; 15 വർഷത്തെ മുംബൈ വാസ...

Popular News

അട്ടപ്പാടിയിലെ ശിശുമരണങ്ങളും വികസന പ്രശ്നങ്ങളും രാഷ്ട്രീയ ലാഭത്തിന് ഉപയോഗിക്കരുത്: മന്ത്രി...

Save your stories

Sign in