Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

കിഫ്‌ബി ഭൂമി ഏറ്റെടുക്കൽ വിവാദം: അടിയന്തര നടപടിക്ക് നിർദേശിച്ചത് പിണറായി വിജയനെന്ന് തെളിയിക്കുന്ന രേഖകൾ പുറത്ത്

കിഫ്‌ബി ഭൂമി ഏറ്റെടുക്കൽ വിവാദം: അടിയന്തര നടപടിക്ക് നിർദേശിച്ചത് പിണറായി വിജയനെന്ന് തെളിയിക്കുന്ന രേഖകൾ പുറത്ത്

കിഫ്‌ബി വഴി കണ്ണൂരിൽ വ്യവസായ വികസനത്തിനായി ഭൂമി ഏറ്റെടുക്കാൻ അടിയന്തര നടപടി വേണമെന്ന് നിർദേശിച്ചത് മുൻ മുഖ്യമന്ത്രി പിണറായി വിജയനാണെന്ന് വ്യക്തമാക്കുന്ന രേഖകൾ പുറത്തുവന്നു. വ്യവസായ വികസനത്തിന് ഈ പദ്ധതി അനിവാര്യമാണെന്ന് പിണറായി വിജയൻ അഭിപ്രായം രേഖപ്പെടുത്തിയ ബോർഡ് യോഗത്തിന്റെ മിനിറ്റ്സ് ആണ് പുറത്തുവന്നത്. കിഫ്‌ബി സി.ഇ.ഒയുമായി നടത്തിയ യോഗത്തിൽ പദ്ധതിയുടെ ആവശ്യകതയെക്കുറിച്ച് അദ്ദേഹം ഊന്നിപ്പറഞ്ഞിരുന്നതായി രേഖകൾ വ്യക്തമാക്കുന്നു.

കണ്ണൂരിൽ ഏക്കറുകണക്കിന് ഭൂമി ഏറ്റെടുത്തതിൽ ഗുരുതരമായ ക്രമക്കേട് നടന്നിട്ടുണ്ടെന്ന് മുൻ ഫിനാൻസ് സെക്രട്ടറി സുധാ പിള്ള അധ്യക്ഷയായ വിദഗ്ധ സമിതിയുടെ റിപ്പോർട്ടിൽ ചൂണ്ടിക്കാണിച്ചിരുന്നു. കണ്ണൂരിൽ ഏക്കറിന് 2.5 കോടിയും പാലക്കാട് ഏക്കറിന് 1 കോടിയും വില നിശ്ചയിച്ചത് കിൻഫ്രയാണെന്നാണ് നിലവിൽ ലഭ്യമാകുന്ന വിവരം. സാധാരണ തുകയുടെ അഞ്ചിരട്ടി നൽകി ഭൂമി ഏറ്റെടുത്തതിൽ വലിയ ദുരൂഹതയുണ്ടെന്നായിരുന്നു വിദഗ്ധ സമിതിയുടെ വിലയിരുത്തൽ. എന്നാൽ അത്രയും ഉയർന്ന തുക നൽകി വ്യവസായ ആവശ്യത്തിനെന്ന പേരിൽ ഏറ്റെടുത്ത ഈ ഭൂമിയിൽ ഇതുവരെ യാതൊരു വികസന പ്രവർത്തനങ്ങളും നടന്നിട്ടില്ല.

അതേസമയം, കണ്ണൂർ കല്ല്യാട്, പടിയൂർ വില്ലേജുകളിൽ കിഫ്ബി ഫണ്ടുപയോഗിച്ച് ഏറ്റെടുക്കാൻ വിജ്ഞാപനം ചെയ്ത 700 ഏക്കറിലധികം ഭൂമിയുടെ ഉടമകളായ സാധാരണക്കാർ കഴിഞ്ഞ 8 വർഷമായി വലിയ പ്രതിസന്ധിയിലാണ്. വിജ്ഞാപനം നിലനിൽക്കുന്നതിനാൽ ഭൂമി ഈടുവെച്ച് ബാങ്ക് വായ്പയെടുക്കാനോ കൃഷി ചെയ്യാനോ ഇവർക്ക് അനുമതിയില്ല. വീടുകളിലേക്ക് പുതിയ കുടിവെള്ള പൈപ്പ് ലൈൻ സ്ഥാപിക്കാൻ പോലും അധികൃതർ തയാറാകുന്നില്ലെന്ന് ചെറുകിട ഭൂവുടമകൾ പരാതിപ്പെടുന്നു. എത്രയും വേഗം ഭൂമി ഏറ്റെടുത്ത് നഷ്ടപരിഹാരം നൽകണമെന്നും, അല്ലാത്തപക്ഷം വിജ്ഞാപനം റദ്ദാക്കണമെന്നുമാണ് പ്രദേശവാസികളുടെ ആവശ്യം


Related articles

See all
Popular News

'ഭരണഘടനയുടെ ധാർമികത പുതുതലമുറ ഉൾക്കൊള്ളണം'; സംസ്ഥാനതല ഭരണഘടനാദിനാചരണം ഉദ്ഘാടനം ചെയ്ത് സ്പീ...

Popular News

'ശിവൻകുട്ടിയുടെ നിലപാടിനൊപ്പമല്ല പാർട്ടി, പിഎംശ്രീ അടഞ്ഞ അധ്യായം'; ശിവന്‍കുട്ടിയെ തളളി എം....

Popular News

നൈജീരിയയിലേക്ക് മുങ്ങാൻ ശ്രമിച്ച ലഹരി മാഫിയ തലവനും ഭാര്യയും കുടുങ്ങി; 15 വർഷത്തെ മുംബൈ വാസ...

Popular News

അട്ടപ്പാടിയിലെ ശിശുമരണങ്ങളും വികസന പ്രശ്നങ്ങളും രാഷ്ട്രീയ ലാഭത്തിന് ഉപയോഗിക്കരുത്: മന്ത്രി...

Save your stories

Sign in