സംസ്ഥാനത്ത് ഇന്ന് അതിശക്ത മഴയ്ക്ക് സാധ്യത; കണ്ണൂരും കാസര്ഗോഡും ഓറഞ്ച് അലര്ട്ട്
തിരുവനന്തപുരം: സംസ്ഥാനത്ത് ഇന്ന് അതിശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം. തീവ്ര മഴയ്ക്കുള്ള സാധ്യത മുന്നിര്ത്തി കണ്ണൂര്, കാസര്ഗോഡ് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. 24 മണിക്കൂറില് 115.6 മില്ലിമീറ്റര് മുതല് 204.4 മില്ലിമീറ്റര് വരെ മഴ ലഭിക്കാവുന്ന സാഹചര്യമാണിത്.
ഇവ ഒഴികെയുള്ള മറ്റ് 12 ജില്ലകളില് ഇന്ന് യെല്ലോ അലര്ട്ടും നിലവിലുണ്ട്. വരും ദിവസങ്ങളില് മധ്യ-വടക്കന് ജില്ലകളില് മഴ കൂടുതല് ശക്തമാകുമെന്നാണ് സൂചന. നാളെ കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടും ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. കേരള - ലക്ഷദ്വീപ് തീരങ്ങളില് ശക്തമായ കാറ്റിന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്നും നിര്ദ്ദേശമുണ്ട്.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.