തിരുവനന്തപുരം: ബംഗാള് ഉള്ക്കടലില് രൂപംകൊണ്ട ന്യൂനമര്ദ്ദം ചുഴലിക്കാറ്റായി മാറാന് സാധ്യതയുള്ളതായി കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇതിന്റെ സ്വാധീനഫലമായും മധ്യ-കിഴക്കന് അറബിക്കടലിനും ലക്ഷദ്വീപിനും മുകളിലായി തുടരുന്ന ചക്രവാതച്ചുഴിയുടെ ഫലമായും കേരളത്തില് ചൊവ്വാഴ്ച വരെ ഒറ്റപ്പെട്ടയിടങ്ങളില് മിതമായതോ ലഘുവായതോ ആയ മഴയ്ക്ക് സാധ്യതയുണ്ട്.
തെക്കുകിഴക്കന് ബംഗാള് ഉള്ക്കടലിലെ ന്യൂനമര്ദ്ദം കൂടുതല് ശക്തിപ്രാപിച്ച് തീവ്ര ന്യൂനമര്ദ്ദമായി മാറാന് സാധ്യതയുണ്ട്. തുടര്ന്ന് വടക്ക് - വടക്കുപടിഞ്ഞാറന് ദിശയിലേക്ക് സഞ്ചരിക്കുന്ന ഈ സംവിധാനം, തിങ്കളാഴ്ച വൈകുന്നേരത്തോടെ മധ്യ ബംഗാള് ഉള്ക്കടലില് വെച്ച് ചുഴലിക്കാറ്റായി രൂപപ്പെടാന് സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ വിലയിരുത്തല്.
ബംഗാള് ഉള്ക്കടലില് ചുഴലിക്കാറ്റിന് സാധ്യത; കേരളത്തില് ചൊവ്വാഴ്ച വരെ മഴ മുന്നറിയിപ്പ്