കളി മാറി! സ്വർണവിലയിൽ പെട്ടെന്നുള്ള മാറ്റം; ഇന്ന് പവന് 880 രൂപ വർധിച്ചു; പുതിയ നിരക്കുകൾ ഇതാ...
സംസ്ഥാനത്ത് ഇന്ന് സ്വർണവിലയിൽ വലിയ വർധനവ് രേഖപ്പെടുത്തി. കഴിഞ്ഞ കുറച്ചു ദിവസങ്ങളായി ഇടിവു രേഖപ്പെടുത്തിയിരുന്ന സ്വർണവിലയാണ് ഇന്ന് ഉച്ചയോടെ പെട്ടെന്ന് ഉയർന്നത്. കേരള ഗോൾഡ് മെർച്ചന്റ്സ് അസോസിയേഷൻ (KGMA) പുറത്തുവിട്ട ഏറ്റവും പുതിയ കണക്കുകൾ പ്രകാരം 22 കാരറ്റ് സ്വർണത്തിന് ഗ്രാമിന് 110 രൂപയും പവന് 880 രൂപയുമാണ് വർധിച്ചത്.ഇന്ന് ജൂൺ 25-ന് രാവിലെ രേഖപ്പെടുത്തിയ വിലയിൽ നിന്നാണ് സ്വർണം വലിയൊരു കുതിച്ചുചാട്ടം നടത്തിയത്.
ഇന്ന് രാവിലെ 1,02,760 രൂപയായിരുന്ന പവൻ വില ഉച്ചയോടെ 1,03,640 രൂപയായി ഉയർന്നു. രാവിലെ 12,845 രൂപയായിരുന്ന ഒരു ഗ്രാം സ്വർണത്തിന്റെ വില നിലവിൽ 12,955 രൂപയിലെത്തി.ജൂൺ മാസം തുടക്കം മുതൽ സ്വർണവിലയിൽ വലിയ രീതിയിലുള്ള ഏറ്റക്കുറച്ചിലുകളാണ് ദൃശ്യമാകുന്നത്. ഈ മാസത്തെ പ്രധാന നിരക്കുകൾ താഴെ നൽകുന്നു:
- ജൂൺ 1 - 3: ₹1,14,560 (ഈ മാസത്തെ ഉയർന്ന നിരക്ക്)
- ജൂൺ 5 - 7: ₹1,14,200
- ജൂൺ 11: ₹1,06,800
- ജൂൺ 15: ₹1,11,120
- ജൂൺ 19: ₹1,06,960
- ജൂൺ 22: ₹1,07,440 (രാവിലെ) | ₹1,08,520 (വൈകുന്നേരം)
- ജൂൺ 24: ₹1,05,840
- ജൂൺ 25 (ഇന്ന്): ₹1,02,760 (രാവിലെ) | ₹1,03,640 (ഉച്ചയ്ക്ക്)
ജൂൺ മാസത്തെ ഏറ്റവും കുറഞ്ഞ നിരക്കായ 1,02,760 രൂപയിലേക്ക് ഇന്ന് രാവിലെ സ്വർണവില താഴ്ന്നിരുന്നു. എന്നാൽ ആശ്വാസം നീണ്ടുനിന്നില്ല, മണിക്കൂറുകൾക്കകം വില വീണ്ടും 1.03 ലക്ഷം കടന്ന് മുന്നേറുന്ന കാഴ്ചയാണ് വിപണിയിൽ കാണുന്നത്.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.