Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

‘ഗാട്ട കുസ്തി 2’ വിജയാഘോഷം; വിഷ്ണു വിശാലിന് ആഡംബര കാർ സമ്മാനിച്ച് നിർമാതാവ്

‘ഗാട്ട കുസ്തി 2’ വിജയാഘോഷം; വിഷ്ണു വിശാലിന് ആഡംബര കാർ സമ്മാനിച്ച് നിർമാതാവ്

വിഷ്ണു വിശാൽ, ഐശ്വര്യ ലക്ഷ്മി എന്നിവർ പ്രധാന കഥാപാത്രങ്ങളായ ‘ഗാട്ട കുസ്തി 2’ ബോക്സോഫീസിൽ മികച്ച വിജയം നേടുന്നതിനിടെ, ചിത്രത്തിന്റെ വിജയസന്തോഷം പങ്കുവെച്ച് നിർമാതാവ് ഡോ. ഈശ്വരി കെ. ഗണേഷ്. സിനിമയുടെ വിജയാഘോഷത്തിന്റെ ഭാഗമായി നായകൻ വിഷ്ണു വിശാലിന് ആഡംബര കാറായ ബിഎംഡബ്ല്യു 3 സീരീസ് സമ്മാനിച്ചു. ചെന്നൈയിൽ നടന്ന ചിത്രത്തിന്റെ നന്ദിപ്രകാശന ചടങ്ങിലാണ് സമ്മാന പ്രഖ്യാപനവും കാറിന്റെ താക്കോൽ കൈമാറ്റവും നടന്നത്. സംവിധായകൻ ചെല്ല അയ്യാവു ഒരുക്കിയ ചിത്രം മികച്ച പ്രതികരണത്തോടെയാണ് തിയേറ്ററുകളിൽ മുന്നേറുന്നത്.

ബിഎംഡബ്ല്യു 3 സീരീസ് സ്പോർട്ടി ഡിസൈനും ആഡംബര സൗകര്യങ്ങളും ഒരുമിപ്പിക്കുന്ന മോഡലാണ്. വാഹനത്തിന്റെ സിഗ്നേച്ചർ കിഡ്നി ഗ്രിൽ, എൽഇഡി ഹെഡ്‌ലാമ്പുകൾ എന്നിവ കാറിന് മികച്ച രൂപഭംഗി നൽകുന്നു. ഇന്ത്യൻ വിപണിയിൽ ലോങ് വീൽബേസ് മോഡലുകൾക്കാണ് കൂടുതൽ ജനപ്രീതി. സാധാരണ മോഡലിനെക്കാൾ കൂടുതൽ നീളമുള്ളതിനാൽ പിന്നിലെ യാത്രക്കാർക്ക് കൂടുതൽ ലെഗ്‌റൂമും മികച്ച സൗകര്യവും ലഭിക്കുന്നു.

ബിഎംഡബ്ല്യു 3 സീരീസ് പെട്രോൾ, ഡീസൽ എൻജിൻ ഓപ്ഷനുകളിൽ ലഭ്യമാണ്. 2.0 ലിറ്റർ ട്വിൻപവർ ടർബോ പെട്രോൾ എൻജിൻ ഏകദേശം 258 ബിഎച്ച്പി പവറും 400 എൻഎം ടോർക്കും നൽകുന്നു. 2.0 ലിറ്റർ ഡീസൽ എൻജിൻ ഏകദേശം 190 ബിഎച്ച്പി കരുത്താണ് നൽകുന്നത്. കൂടുതൽ സ്പോർട്ടി ഡ്രൈവിങ് അനുഭവം ആഗ്രഹിക്കുന്നവർക്കായി 3.0 ലിറ്റർ 6 സിലിണ്ടർ ടർബോ പെട്രോൾ എൻജിനുള്ള ഉയർന്ന മോഡലും ലഭ്യമാണ്. ഈ മോഡലിന് 0 മുതൽ 100 കിലോമീറ്റർ വേഗത്തിലെത്താൻ വെറും 4.4 സെക്കൻഡ് മാത്രം മതി. എല്ലാ മോഡലുകളിലും 8-സ്പീഡ് ഓട്ടോമാറ്റിക് ഗിയർബോക്സാണ് നൽകിയിരിക്കുന്നത്.

ബിഎംഡബ്ല്യുവിന്റെ ഏറ്റവും പുതിയ iDrive ഓപ്പറേറ്റിങ് സിസ്റ്റം, ഡിജിറ്റൽ ഇൻസ്ട്രുമെന്റ് ക്ലസ്റ്റർ, ഇൻഫോടെയ്ൻമെന്റ് ടച്ച്‌സ്‌ക്രീൻ എന്നിവ വാഹനത്തിന്റെ പ്രധാന സവിശേഷതകളാണ്. പനോരമിക് ഗ്ലാസ് സൺറൂഫ്, വെർണാസ്ക ലെതർ സീറ്റുകൾ, 3-സോൺ ഓട്ടോമാറ്റിക് ക്ലൈമറ്റ് കൺട്രോൾ, ഹാർമൻ കാർഡൻ സൗണ്ട് സിസ്റ്റം, ആംബിയന്റ് ലൈറ്റിങ് എന്നിവയും കാറിലുണ്ട്. വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ, വയർലെസ് ചാർജിങ് തുടങ്ങിയ സൗകര്യങ്ങളും ലഭ്യമാണ്. സുരക്ഷയുടെ കാര്യത്തിലും ബിഎംഡബ്ല്യു 3 സീരീസ് മികച്ചതാണ്. 6 എയർബാഗുകൾ, ഡൈനാമിക് സ്റ്റെബിലിറ്റി കൺട്രോൾ, കോർണറിങ് ബ്രേക്ക് കൺട്രോൾ, പാർക്കിങ് അസിസ്റ്റന്റ്, റിവേഴ്സിങ് ക്യാമറ തുടങ്ങിയ സുരക്ഷാ സംവിധാനങ്ങൾ വാഹനത്തിലുണ്ട്.

ഇന്ത്യയിൽ ബിഎംഡബ്ല്യു 3 സീരീസിന്റെ എക്സ്-ഷോറൂം വില ഏകദേശം 60 ലക്ഷം രൂപ മുതൽ 77 ലക്ഷം രൂപ വരെ ആണ്. ഓൺ-റോഡ് വില ഇതിലും കൂടുതലായിരിക്കും. ‘ഗാട്ട കുസ്തി 2’യുടെ വിജയത്തിന് പിന്നാലെ ലഭിച്ച ഈ ആഡംബര സമ്മാനം വിഷ്ണു വിശാലിന്റെ ആരാധകർക്കിടയിലും വലിയ ശ്രദ്ധ നേടിയിരിക്കുകയാണ്.

Related articles

See all
Popular News

ആകാശത്തോളം സ്വപ്നം കാണാൻ പ്രചോദനമായി 'ആകാശംലോ ഒക താര'; കലാമിനും സാരാഭായിക്കും കല്പന ചൗളയ്ക...

Popular News

'രാവണനെ മഹത്വവത്കരിക്കുന്നു, ഇതിഹാസത്തെ വളച്ചൊടിക്കുന്നു'; സിനിമയുടെ പ്രദർശനം നിർത്തിവെക്ക...

Popular News

ആവേശമായി ‘ദി റൈസ് ഓഫ് വാനരാസ്’; ‘ഹനുമാൻ’ ഫാന്റസി ലോകം വിപുലീകരിക്കാൻ വി.ഐ. ആനന്ദും വൈഷ്ണവ്...

Popular News

കൂടുതൽ പുതുമകളോടെ 31-ാമത് ഐഎഫ്എഫ്കെ; മാനവീയം വീഥിയിൽ യാതൊരു വിലക്കുകളുമില്ലാതെ കലാപരിപാടിക...

Save your stories

Sign in