തിരുവനന്തപുരം: സാമൂഹിക സുരക്ഷാ, ക്ഷേമനിധി പെന്ഷന് വാങ്ങുന്നവര്ക്കുള്ള വാര്ഷിക മസ്റ്ററിങ് പൂര്ത്തിയാക്കാനുള്ള അവസാന തീയതി നീട്ടി നല്കി. ഇതുപ്രകാരം ഈ മാസം 30 വരെ മസ്റ്ററിങ് നടത്താവുന്നതാണ്. നേരത്തെ ഒക്ടോബര് 30 വരെയായിരുന്നു സമയം അനുവദിച്ചിരുന്നത്.
ഇനിയും ധാരാളം പേര് മസ്റ്ററിങ് പൂര്ത്തിയാക്കാനുണ്ടെന്ന സാഹചര്യം പരിഗണിച്ചാണ് സര്ക്കാരിന്റെ ഈ തീരുമാനം. തീയതി നീട്ടിയത് വഴി മസ്റ്റര് ചെയ്യാത്തവര്ക്ക് ഈ മാസത്തെ പെന്ഷന് തടസ്സമില്ലാതെ ലഭിക്കും. എന്നാല്, ഈ മാസം 30-നകം മസ്റ്ററിങ് നടപടികള് പൂര്ത്തിയാക്കാത്ത പക്ഷം ഡിസംബര് മാസം മുതല് പെന്ഷന് ലഭിക്കില്ലെന്ന് അധികൃതര് വ്യക്തമാക്കിയിട്ടുണ്ട്.
ക്ഷേമ പെന്ഷന്; മസ്റ്ററിങ് 30 വരെ നീട്ടി