Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

'പിണറായിയുടെ ധാര്‍ഷ്ട്യവും സംസാരരീതിയും തിരിച്ചടിയായി; ഡിവൈഎഫ്‌ഐ കോട്ടയം ജില്ലാ സമ്മേളനത്തില്‍ രൂക്ഷ വിമര്‍ശനം

'പിണറായിയുടെ ധാര്‍ഷ്ട്യവും സംസാരരീതിയും തിരിച്ചടിയായി; ഡിവൈഎഫ്‌ഐ കോട്ടയം ജില്ലാ സമ്മേളനത്തില്‍ രൂക്ഷ വിമര്‍ശനം

കോട്ടയം: ഡിവൈഎഫ്ഐ കോട്ടയം ജില്ലാ സമ്മേളനത്തില്‍ മുഖ്യമന്ത്രി പിണറായി വിജയനും സിപിഎം സംസ്ഥാന നേതൃത്വത്തിനുമെതിരെ പ്രതിനിധികളുടെ രൂക്ഷവിമര്‍ശനം. മുഖ്യമന്ത്രിയുടെ ധാര്‍ഷ്ട്യവും പ്രയോഗങ്ങളുമാണ് തിരഞ്ഞെടുപ്പില്‍ പാര്‍ട്ടിക്കും മുന്നണിക്കും വലിയ തിരിച്ചടിയുണ്ടാക്കിയതെന്ന് സമ്മേളനത്തില്‍ ആരോപണമുയര്‍ന്നു. മൈക്ക് വിഷയം, 'വീട്ടില്‍ പോയി ചോദിക്ക്' തുടങ്ങിയ പ്രയോഗങ്ങള്‍ ജനങ്ങള്‍ക്കിടയില്‍ വലിയ അതൃപ്തി ഉണ്ടാക്കിയതായി പ്രതിനിധികള്‍ ചൂണ്ടിക്കാട്ടി.

സംഘടനയുടെ പ്രവര്‍ത്തന ശൈലിക്കെതിരെയും കനത്ത സ്വയംവിമര്‍ശനമാണ് സമ്മേളനത്തില്‍ ഉയര്‍ന്നത്. കഴിഞ്ഞ 10 വര്‍ഷമായി എല്‍ഡിഎഫ് സര്‍ക്കാരിന്റെ ഒരു 'ബി ടീം' മാത്രമായി ഡിവൈഎഫ്ഐ ചുരുങ്ങിപ്പോയെന്ന് പ്രതിനിധികള്‍ കുറ്റപ്പെടുത്തി. ജനകീയ പ്രശ്‌നങ്ങളിലും സമരങ്ങള്‍ ഏറ്റെടുക്കുന്നതിലും സംഘടനയ്ക്ക് വലിയ വീഴ്ച പറ്റി. മുന്‍കാലങ്ങളിലെപ്പോലെ യുവജന പ്രക്ഷോഭങ്ങള്‍ നയിക്കാന്‍ കഴിയാത്തതിനാല്‍ സംസ്ഥാനത്താകെ സംഘടന പിന്നോട്ട് പോയതായും വിലയിരുത്തലുണ്ടായി.

സിപിഎം സംസ്ഥാന സെക്രട്ടറി എം.വി. ഗോവിന്ദനും മുതിര്‍ന്ന നേതാവ് കെ.കെ. രാഗേഷിനുമെതിരെയും സമ്മേളനത്തില്‍ കടുത്ത അതൃപ്തിയാണ് ഉയര്‍ന്നത്. എം.വി. ഗോവിന്ദന്റെ ജനങ്ങളോടുള്ള സംസാരരീതിയും ഭാഷാപ്രയോഗങ്ങളും ശരിയല്ലെന്നും, സാധാരണക്കാര്‍ക്ക് മനസ്സിലാകുന്ന രീതിയില്‍ സംസാരിക്കാന്‍ അദ്ദേഹം പരാജയപ്പെട്ടത് തിരഞ്ഞെടുപ്പില്‍ പ്രതിഫലിച്ചെന്നും വിമര്‍ശനമുയര്‍ന്നു. കെ.കെ. രാഗേഷ് കണ്ണൂര്‍ ജില്ലാ സെക്രട്ടറി എന്ന പദവിയില്‍ പൂര്‍ണ്ണ പരാജയമായിരുന്നുവെന്നും സമ്മേളനത്തില്‍ പ്രതിനിധികള്‍ തുറന്നടിച്ചു.

Related articles

See all
Popular News

എന്‍ഡോസള്‍ഫാന്‍ ദുരിതബാധിതര്‍ക്ക് ആജീവനാന്ത സൗജന്യ ചികിത്സയും പ്രത്യേക പാക്കേജും; പ്രഖ്യാപ...

Popular News

'ഭരണഘടനയുടെ ധാർമികത പുതുതലമുറ ഉൾക്കൊള്ളണം'; സംസ്ഥാനതല ഭരണഘടനാദിനാചരണം ഉദ്ഘാടനം ചെയ്ത് സ്പീ...

Popular News

'ശിവൻകുട്ടിയുടെ നിലപാടിനൊപ്പമല്ല പാർട്ടി, പിഎംശ്രീ അടഞ്ഞ അധ്യായം'; ശിവന്‍കുട്ടിയെ തളളി എം....

Popular News

നൈജീരിയയിലേക്ക് മുങ്ങാൻ ശ്രമിച്ച ലഹരി മാഫിയ തലവനും ഭാര്യയും കുടുങ്ങി; 15 വർഷത്തെ മുംബൈ വാസ...

Save your stories

Sign in