Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

രാഷ്ട്രീയത്തിലേക്കില്ല, മാറ്റങ്ങൾക്കായി പ്രഷർ ഗ്രൂപ്പായി തുടരും; ഭാവി പരിപാടികൾ വ്യക്തമാക്കി കോക്രോച്ച് ജന പാർട്ടി

രാഷ്ട്രീയത്തിലേക്കില്ല, മാറ്റങ്ങൾക്കായി പ്രഷർ ഗ്രൂപ്പായി തുടരും; ഭാവി പരിപാടികൾ വ്യക്തമാക്കി കോക്രോച്ച് ജന പാർട്ടി

ന്യൂഡൽഹി: നീറ്റ് ചോദ്യപേപ്പർ ചോർച്ചയ്ക്കെതിരെ രാജ്യതലസ്ഥാനത്ത് നടത്തിയ പ്രതിഷേധത്തിന് പിന്നാലെ ഭാവി പ്രവർത്തനങ്ങൾ വിശദീകരിച്ച് കോക്രോച്ച് ജന പാർട്ടി (CJP) സ്ഥാപകൻ അഭിജീത് ദീപ്‌കെ. തെരഞ്ഞെടുപ്പ് രാഷ്ട്രീയത്തിലേക്ക് പ്രവേശിക്കില്ലെന്നും, രാജ്യത്തെ വിവിധ വിഷയങ്ങളിൽ ഇടപെടുന്ന ഒരു പ്രഷർ ഗ്രൂപ്പായി തുടരുമെന്നും ദീപ്‌കെ വ്യക്തമാക്കി.

കേന്ദ്ര സർക്കാരിന്റെ എഥനോൾ മിശ്രിത ഇന്ധന പദ്ധതി, തൊഴിലില്ലായ്മ, ജാർഖണ്ഡിലെ പരീക്ഷാ ക്രമക്കേടുകൾ തുടങ്ങിയ വിഷയങ്ങളിൽ തുടർന്നും പ്രതിഷേധ പരിപാടികൾ സംഘടിപ്പിക്കുമെന്ന് അദ്ദേഹം അറിയിച്ചു.

മഹാരാഷ്ട്രയിലെ സംഭാജിനഗറിൽ മാധ്യമങ്ങളോട് സംസാരിക്കവെ, രാജ്യത്തെ രാഷ്ട്രീയ, നീതിന്യായ വ്യവസ്ഥ, മാധ്യമങ്ങൾ, തെരഞ്ഞെടുപ്പ് കമ്മീഷൻ എന്നിവയിലുള്ള ജനങ്ങളുടെ വിശ്വാസം കുറഞ്ഞുവരികയാണെന്ന് ദീപ്‌കെ അഭിപ്രായപ്പെട്ടു.

"ഞങ്ങളുടെ പ്രതിഷേധത്തിന് രാജ്യവ്യാപക പിന്തുണ ലഭിച്ചു. വിദ്യാഭ്യാസ മേഖലയിലെ പ്രശ്നങ്ങളിൽ തുടങ്ങി പരീക്ഷാ നടത്തിപ്പുമായി ബന്ധപ്പെട്ട സ്ഥാപനങ്ങളുടെ വിശ്വാസ്യതയിലേക്കും പ്രതിഷേധം വ്യാപിച്ചു. ഇത്തരം സംവിധാനങ്ങളിൽ വിശ്വാസം പുനഃസ്ഥാപിക്കാൻ ഒരു പ്രഷർ ഗ്രൂപ്പ് ആവശ്യമാണ്" എന്നും അദ്ദേഹം പറഞ്ഞു.

രാജ്യത്തിന് ഇപ്പോൾ ആവശ്യമായത് ഒരു പുതിയ പൊതുജന പ്രസ്ഥാനമാണെന്നും, ജനാധിപത്യത്തെ ശക്തിപ്പെടുത്തുന്നതിനായി ഇത്തരം ഇടപെടലുകൾ അനിവാര്യമാണെന്നും ദീപ്‌കെ കൂട്ടിച്ചേർത്തു.

അതേസമയം, രാഷ്ട്രീയ പാർട്ടികളുടെ നിലവിലെ പ്രവർത്തന രീതികളെ വിമർശിച്ച് സിജെപി വക്താവ് സൗരവ് ദാസും രംഗത്തെത്തി. ജനങ്ങൾ ഒരു പാർട്ടിക്ക് വോട്ട് ചെയ്താലും പിന്നീട് മറ്റൊരു പാർട്ടി സർക്കാർ രൂപീകരിക്കുന്ന സാഹചര്യം നിലനിൽക്കുന്നുവെന്നും, രാജ്യത്ത് നിരവധി രാഷ്ട്രീയ പാർട്ടികൾ ഉണ്ടായിട്ടും ജനങ്ങളുടെ അടിസ്ഥാന പ്രശ്നങ്ങൾ പരിഹരിക്കപ്പെടുന്നില്ലെന്നും അദ്ദേഹം പറഞ്ഞു.

"വീണ്ടും ഒരു രാഷ്ട്രീയ പാർട്ടി കൂടി ഉണ്ടാകുന്നതല്ല പരിഹാരം. എല്ലാവരെയും ചിന്തിപ്പിക്കാൻ കഴിയുന്ന ഒരു പ്രസ്ഥാനമാണ് ആവശ്യം. അതിനായാണ് സിജെപി ശ്രമിക്കുന്നത്" എന്നും സൗരവ് ദാസ് വ്യക്തമാക്കി.

നീറ്റ് പരീക്ഷാ ക്രമക്കേടിനെതിരായ പ്രതിഷേധത്തിലൂടെയാണ് കോക്രോച്ച് ജന പാർട്ടി അടുത്തിടെ ശ്രദ്ധ നേടിയത്. ഭാവിയിൽ വിവിധ സാമൂഹിക വിഷയങ്ങളിൽ ഇടപെടുന്ന ജനകീയ പ്രസ്ഥാനമായി പ്രവർത്തിക്കാനാണ് സംഘടനയുടെ ലക്ഷ്യം.

Related articles

See all
Popular News

ഗ്യാനേഷ് കുമാറിന്റെ രാജി ആവശ്യം ഭയന്ന് മോദി സര്‍ക്കാര്‍ പാർലമെന്റിൽ നിന്ന് ഒളിച്ചോടുന്നു;...

Popular News

'രാവണനെ മഹത്വവത്കരിക്കുന്നു, ഇതിഹാസത്തെ വളച്ചൊടിക്കുന്നു'; സിനിമയുടെ പ്രദർശനം നിർത്തിവെക്ക...

Popular News

എഐ ഉപയോഗിച്ച് അഗ്നിവീർ പോർട്ടലിൽ നിന്ന് വിവരങ്ങൾ ചോർത്തി; ഡാർക്ക് വെബിൽ വിൽക്കാൻ ശ്രമിച്ച...

Popular News

വിലക്കയറ്റത്തിനും തൊഴിലില്ലായ്മയ്ക്കും ജനം നല്‍കിയ മറുപടി; രാജസ്ഥാൻ തദ്ദേശ തിരഞ്ഞെടുപ്പിലെ...

Save your stories

Sign in