ചേരാനല്ലൂര്‍ സംഭവത്തില്‍ സര്‍ക്കാരിന് ഒന്നും ഒളിക്കുവാനില്ലെന്നും കര്‍ശന നടപടികള്‍ ഉണ്ടാകുമെന്നും ആഭ്യന്തരമന്ത്രി രമേശ് ചെന്നിത്തല. പോലീസ് ഉദ്യോഗസ്ഥര്‍ തെറ്റ് ചെയ്താല്‍ കണ്ണടച്ച് ന്യായീകരിക്കേണ്ട ഒരു ബാധ്യതയും സര്‍ക്കാരിനില്ലെന്ന് അദ്ദേഹം വ്യക്തമാക്കി. എന്നാല്‍ പത്തുവര്‍ഷം മുഖ്യമന്ത്രിയായിരുന്ന പിണറായി വിജയന്‍ ഒരിക്കലും പോലീസിന്റെ തെറ്റുകളെയും വീഴ്ചകളെയും തള്ളിപ്പറഞ്ഞിട്ടില്ലെന്നും ആഭ്യന്തരമന്ത്രി കുറ്റപ്പെടുത്തി. പ്രതിപക്ഷത്തിന്റെ അടിയന്തര പ്രമേയം സഭാ ചട്ടങ്ങള്‍ക്കും റൂള്‍സ് ഓഫ് ബിസിനസിനും എതിരെന്ന് മുഖ്യമന്ത്രി. പോലീസുമായി ബന്ധപ്പെട്ട വിവിധ വിഷയങ്ങള്‍ ഉയര്‍ത്തി പ്രതിപക്ഷം കൊണ്ടുവന്ന അടിയന്തര പ്രമേയത്തിന് മറുപടി നല്‍കുകയായിരുന്നു മുഖ്യമന്ത്രിയും ആഭ്യന്തരമന്ത്രിയും.
ചേരാനല്ലൂര്‍, നെടുമ്പാശ്ശേരി, വര്‍ക്കല ഉള്‍പ്പെടെ വിവിധ കേസുകളില്‍ പോലീസുമായി ബന്ധപ്പെട്ട വിഷയങ്ങള്‍ ഉയര്‍ത്തിയാണ് പ്രതിപക്ഷം നിയമസഭയില്‍ അടിയന്തര പ്രമേയത്തിന് നോട്ടീസ് നല്‍കിയത്. വിവിധ വിഷയങ്ങള്‍ ഉയര്‍ത്തിയ പ്രതിപക്ഷത്തിന്റെ അടിയന്തര പ്രമേയം സഭാ ചട്ടങ്ങള്‍ക്കും റൂള്‍സ് ഓഫ് ബിസിനസിനും എതിരെന്ന് മുഖ്യമന്ത്രി ചൂണ്ടിക്കാട്ടി.
വര്‍ക്കല സ്റ്റേഷനില്‍ പ്രായപൂര്‍ത്തിയാകാത്ത കുട്ടിയെ മര്‍ദ്ദിച്ചു വന്ന ആരോപണം അടിസ്ഥാനരഹിതമെന്നും എന്നാല്‍മതിയായ നടപടിക്രമങ്ങള്‍ പാലിക്കാതെ കുട്ടിയെ സ്റ്റേഷനില്‍ വിളിച്ചു വരുത്തിയതില്‍ വീഴ്ച വരുത്തിയ സബ്ഇന്‍സ്‌പെക്ടറെ സ്ഥലം മാറ്റിയിട്ടുണ്ടെന്നും ആഭ്യന്തരമന്ത്രി സഭയെ അറിയിച്ചു. മുഖ്യമന്ത്രിയുടെയും ആഭ്യന്തരമന്ത്രിയുടെയും വിശദീകരണത്തെ തുടര്‍ന്ന് അടിയന്തര പ്രമേയത്തിന് സ്പീക്കര്‍ അവതരണാനുമതി നിഷേധിച്ചു. ഇതില്‍ പ്രതിഷേധിച്ച് പ്രതിപക്ഷം സഭയില്‍ നിന്ന് ഇറങ്ങിപ്പോയി. പിഎസ്സിയുമായി ബന്ധപ്പെട്ട് ബിജെപി കൊണ്ടുവന്ന അടിയന്തരപ്രമേയത്തെ നോട്ടീസ് വേളയില്‍ തന്നെ സ്പീക്കര്‍തള്ളിയിരുന്നു.സഭാചട്ടങ്ങള്‍ ചൂണ്ടിക്കാട്ടിയാണ് സ്പീക്കര്‍ നോട്ടീസ് വേളയില്‍ തന്നെ ബിജെപിയുടെ അടിയന്തര പ്രമേയത്തെ തള്ളിയത്.
ചേരാനല്ലൂര്‍, നെടുമ്പാശ്ശേരി, വര്‍ക്കല ഉള്‍പ്പെടെ വിവിധ കേസുകളില്‍ പോലീസുമായി ബന്ധപ്പെട്ട വിഷയങ്ങള്‍ ഉയര്‍ത്തിയാണ് പ്രതിപക്ഷം നിയമസഭയില്‍ അടിയന്തര പ്രമേയത്തിന് നോട്ടീസ് നല്‍കിയത്. വിവിധ വിഷയങ്ങള്‍ ഉയര്‍ത്തിയ പ്രതിപക്ഷത്തിന്റെ അടിയന്തര പ്രമേയം സഭാ ചട്ടങ്ങള്‍ക്കും റൂള്‍സ് ഓഫ് ബിസിനസിനും എതിരെന്ന് മുഖ്യമന്ത്രി ചൂണ്ടിക്കാട്ടി.
വര്‍ക്കല സ്റ്റേഷനില്‍ പ്രായപൂര്‍ത്തിയാകാത്ത കുട്ടിയെ മര്‍ദ്ദിച്ചു വന്ന ആരോപണം അടിസ്ഥാനരഹിതമെന്നും എന്നാല്‍മതിയായ നടപടിക്രമങ്ങള്‍ പാലിക്കാതെ കുട്ടിയെ സ്റ്റേഷനില്‍ വിളിച്ചു വരുത്തിയതില്‍ വീഴ്ച വരുത്തിയ സബ്ഇന്‍സ്‌പെക്ടറെ സ്ഥലം മാറ്റിയിട്ടുണ്ടെന്നും ആഭ്യന്തരമന്ത്രി സഭയെ അറിയിച്ചു. മുഖ്യമന്ത്രിയുടെയും ആഭ്യന്തരമന്ത്രിയുടെയും വിശദീകരണത്തെ തുടര്‍ന്ന് അടിയന്തര പ്രമേയത്തിന് സ്പീക്കര്‍ അവതരണാനുമതി നിഷേധിച്ചു. ഇതില്‍ പ്രതിഷേധിച്ച് പ്രതിപക്ഷം സഭയില്‍ നിന്ന് ഇറങ്ങിപ്പോയി. പിഎസ്സിയുമായി ബന്ധപ്പെട്ട് ബിജെപി കൊണ്ടുവന്ന അടിയന്തരപ്രമേയത്തെ നോട്ടീസ് വേളയില്‍ തന്നെ സ്പീക്കര്‍തള്ളിയിരുന്നു.സഭാചട്ടങ്ങള്‍ ചൂണ്ടിക്കാട്ടിയാണ് സ്പീക്കര്‍ നോട്ടീസ് വേളയില്‍ തന്നെ ബിജെപിയുടെ അടിയന്തര പ്രമേയത്തെ തള്ളിയത്.
