Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

വിനീഷ്യസിന് ഇരട്ട ഗോള്‍; സ്‌കോട്ട്ലന്‍ഡിനെ തകര്‍ത്ത് ബ്രസീല്‍ നോക്കൗട്ടില്‍; നെയ്മര്‍ തിരിച്ചെത്തി

വിനീഷ്യസിന് ഇരട്ട ഗോള്‍; സ്‌കോട്ട്ലന്‍ഡിനെ തകര്‍ത്ത് ബ്രസീല്‍ നോക്കൗട്ടില്‍; നെയ്മര്‍ തിരിച്ചെത്തി

മയാമി: ലോകകപ്പില്‍ വിജയക്കുതിപ്പ് തുടര്‍ന്ന് മുന്‍ ചാമ്പ്യന്‍മാരായ ബ്രസീല്‍ നോക്കൗട്ട് റൗണ്ടില്‍ പ്രവേശിച്ചു. ഗ്രൂപ്പ് സിയിലെ രണ്ടാം പോരാട്ടത്തില്‍ ഒന്നിനെതിരെ മൂന്ന് ഗോളുകള്‍ക്ക് സ്‌കോട്ട്ലന്‍ഡിനെയാണ് കാനറികള്‍ തകര്‍ത്തത്. ബ്രസീലിനായി സൂപ്പര്‍ താരം വിനീഷ്യസ് ജൂനിയര്‍ ഇരട്ട ഗോളുകള്‍ നേടിയപ്പോള്‍, മാത്യൂസ് കുന്യ ഒരു ഗോള്‍ സ്വന്തമാക്കി. തുടര്‍ച്ചയായ രണ്ടാം മത്സരത്തിലും മൂന്ന് ഗോള്‍ മാര്‍ജിനിലുള്ള വിജയത്തോടെയാണ് ബ്രസീല്‍ അടുത്ത റൗണ്ട് ഉറപ്പാക്കിയത്. കൂടാതെ, നീണ്ട 980 ദിവസത്തെ ഇടവേളയ്ക്ക് ശേഷം പരിക്കില്‍ നിന്ന് മോചിതനായി സൂപ്പര്‍ താരം നെയ്മര്‍ ബ്രസീല്‍ ജേഴ്‌സിയില്‍ തിരിച്ചെത്തി എന്ന പ്രത്യേകതയും ഈ മത്സരത്തിനുണ്ടായിരുന്നു.

മത്സരത്തിന്റെ ഏഴാം മിനിറ്റില്‍ തന്നെ ബ്രസീല്‍ മുന്നിലെത്തിയിരുന്നു. സ്‌കോട്ടിഷ് പ്രതിരോധ താരം സ്‌കോട്ട് മക്കെന്നയുടെ പിഴവില്‍ നിന്നായിരുന്നു ആദ്യ ഗോളിന്റെ തുടക്കം. മക്കെന്നയെ റയാന്‍ സമ്മര്‍ദ്ദത്തിലാക്കിയതോടെ പന്ത് വിനീഷ്യസിലേക്ക് എത്തുകയും താരം അനായാസം പന്ത് വലയിലാക്കുകയുമായിരുന്നു. തുടര്‍ന്ന് ആദ്യപകുതിയുടെ ഇഞ്ചുറി ടൈമില്‍ ബ്രൂണോ ഗ്വിമറെസ് ബോക്‌സിലേക്ക് ഉയര്‍ത്തി നല്‍കിയ പന്ത് മനോഹരമായ ഒരു ഹെഡറിലൂടെ വിനീഷ്യസ് വീണ്ടും ലക്ഷ്യത്തിലെത്തിച്ചു. ഇതോടെ ആദ്യ പകുതിയില്‍ ബ്രസീല്‍ 2-0ന് മുന്നിലായി.

രണ്ടാം പകുതിയിലും ആധിപത്യം പുലര്‍ത്തിയ ബ്രസീലിനായി 60-ാം മിനിറ്റിലാണ് മാത്യൂസ് കുന്യ മൂന്നാം ഗോള്‍ നേടിയത്. പരിക്കിനെ തുടര്‍ന്ന് രണ്ട് വര്‍ഷത്തിലേറെയായി ദേശീയ ടീമിന് പുറത്തായിരുന്ന നെയ്മറുടെ തിരിച്ചുവരവ് കൂടിയായതോടെ ബ്രസീല്‍ ആരാധകര്‍ക്ക് ഈ വിജയം ഇരട്ടി മധുരമായി.

Related articles

See all
Popular News

വിമർശനങ്ങൾക്ക് പവർ ലുക്കിൽ മറുപടി; വോഗ് വേദിയിൽ തിളങ്ങി ആൻസി സോജൻ

Popular News

വെല്ലിങ്ടനില്‍ ചരിത്രനേട്ടവുമായി ഗില്ലും പന്തും; ലോക ടെസ്റ്റ് ചാംപ്യന്‍ഷിപ്പില്‍ 3,000 റണ്...

Popular News

സെഞ്ച്വറിക്ക് രണ്ട് റണ്‍സ് അകലെ ഗില്‍ വീണു; വെല്ലിംഗ്ടണില്‍ ഇന്ത്യയ്ക്ക് 118 റണ്‍സിന്റെ ലീ...

Popular News

ആശങ്കകൾ ഒഴിവാക്കി കളി ആസ്വദിക്കൂ; ലോക ചെസ്സ് ചാമ്പ്യൻഷിപ്പിന് മുൻപ് ഗുകേഷിന് വിശ്വനാഥൻ ആനന...

Save your stories

Sign in