Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

ഇലക്ട്രിക്കും പെട്രോളും ഇനി ഒന്നിക്കും: പുത്തൻ പ്ലഗ്-ഇൻ ഹൈബ്രിഡ് ക്രൂയിസർ ബൈക്ക് അവതരിപ്പിച്ച് വോഗ്

ഇലക്ട്രിക്കും പെട്രോളും ഇനി ഒന്നിക്കും: പുത്തൻ പ്ലഗ്-ഇൻ ഹൈബ്രിഡ് ക്രൂയിസർ ബൈക്ക് അവതരിപ്പിച്ച് വോഗ്

ചൈനീസ് പ്രീമിയം മോട്ടോർസൈക്കിൾ നിർമാതാക്കളായ വോഗ്, വിപ്ലവകരമായ സാങ്കേതികവിദ്യയുമായി പുതിയ പ്ലഗ്-ഇൻ ഹൈബ്രിഡ് ക്രൂയിസർ ആശയ മോഡൽ (Concept Model) പ്രകാശിപ്പിച്ചു. ചൈനയിലെ ചോങ്ചിങ്ങിൽ നടന്ന സി ഐ എം എ 2026 പ്രദർശനത്തിലാണ് 'സി യു-എക്സ്' (CU-X) എന്ന ഈ മോഡൽ അരങ്ങേറ്റം കുറിച്ചത്. പെട്രോൾ എൻജിന്റെയും ഇലക്ട്രിക് മോട്ടോറിന്റെയും സവിശേഷതകൾ സമന്വയിപ്പിച്ചാണ് ഇത് രൂപകൽപ്പന ചെയ്തിരിക്കുന്നത്. ഇതിലെ ട്രാക്ഷൻ ബാറ്ററി പുറത്തുനിന്നുള്ള വൈദ്യുതി ഉപയോഗിച്ച് ചാർജ് ചെയ്യാനും സാധിക്കും.

യാത്രയുടെ തുടക്കത്തിൽ ബാറ്ററിയിലെ വൈദ്യുതി ഉപയോഗിച്ച് ശബ്ദമില്ലാതെ സഞ്ചരിക്കാനും, ചാർജ് കുറയുമ്പോൾ പെട്രോൾ എൻജിനിലേക്ക് മാറാനും ഇതിലൂടെ സാധിക്കും. പെട്രോൾ എൻജിന്റെ പരിമിതികളെ മറികടന്ന് കുറഞ്ഞ വേഗതയിൽ തന്നെ മികച്ച ടോർക്ക് (Torque) നൽകാൻ ഇലക്ട്രിക് മോട്ടോറുകൾക്ക് കഴിയും. തുടക്കത്തിലെ ആക്സിലറേഷനിൽ ഇലക്ട്രിക് കരുത്ത് തുണയാകുന്നതോടെ ചെറിയ ശേഷിയുള്ള പെട്രോൾ എൻജിനിൽ നിന്നും ഉയർന്ന പ്രകടനം പുറത്തെടുക്കാനും ഇടയ്ക്കിടെ ഗിയർ മാറ്റുന്നത് ഒഴിവാക്കാനും സാധിക്കും. പ്രത്യേകിച്ച് ക്രൂയിസർ ബൈക്കുകൾക്ക് ഈ സാങ്കേതികവിദ്യ വലിയ മേന്മ നൽകും.

നിലവിൽ പുതിയ ടെക്നോളജി പ്രദർശിപ്പിക്കുന്നതിനുള്ള ഒരു കോൺസെപ്റ്റ് മോഡലായി മാത്രമാണ് വോഗ് സി യു-എക്സിനെ അവതരിപ്പിച്ചിട്ടുള്ളത്. എൻജിൻ ശേഷി, ബാറ്ററി റേഞ്ച്, ചാർജിംഗ് സമയം തുടങ്ങിയ വിവരങ്ങളോ ഉൽപ്പാദന പതിപ്പ് (Production Version) എന്ന് വിപണിയിലെത്തുമെന്ന കാര്യങ്ങളോ കമ്പനി പുറത്തുവിട്ടിട്ടില്ല. എങ്കിലും, ഇരുചക്ര വാഹന മേഖലയിൽ വിപ്ലവകരമായ മാറ്റങ്ങൾക്ക് വഴിതുറക്കുന്നതാണ് ഈ പ്ലഗ്-ഇൻ ഹൈബ്രിഡ് സാങ്കേതികവിദ്യ.



Related articles

See all
Popular News

ടേക്ക് ഓഫിന് തൊട്ടുമുമ്പ് ശുചിമുറിയിലെ കണ്ണാടിയിൽ സന്ദേശം; എയർ ഇന്ത്യ വിമാനത്തിന് ഹൈജാക്ക്...

Popular News

തമിഴ്‌നാട്ടിൽ 13 വർഷത്തിന് ശേഷം ഓട്ടോക്കൂലി പരിഷ്കരിച്ച് വിജയ് സർക്കാർ; മിനിമം ചാർജ് 50 രൂ...

Popular News

ഹീറോ വിഡയുടെ ലിമിറ്റഡ് എഡിഷൻ ഡർട്ട് ബൈക്ക് പുറത്തിറങ്ങി; നിർമ്മാണം 100 യൂണിറ്റുകൾ മാത്രം

Popular News

സിനിമയല്ല, സത്യം! വായുവിൽ പറന്ന് ടെസ്‌ലയുടെ പുതിയ റോഡ്സ്റ്റർ സൂപ്പർകാർ

Save your stories

Sign in