Mobile app available on
Trending
Browse

All sections

Watch
Browse all videos

No business videos available

No Middle East videos available

Latest News

Asia Cup 2025| തിലക് വര്‍മ്മ രക്ഷകനായി; പാകിസ്ഥാനെ തകര്‍ത്ത് ഇന്ത്യക്ക് ഒന്‍പതാം ഏഷ്യാ കപ്പ് കിരീടം!

Asia Cup 2025|  തിലക് വര്‍മ്മ രക്ഷകനായി; പാകിസ്ഥാനെ തകര്‍ത്ത് ഇന്ത്യക്ക് ഒന്‍പതാം ഏഷ്യാ കപ്പ് കിരീടം!
ദുബായ്: ചിരവൈരികളായ പാകിസ്ഥാനെ അഞ്ച് വിക്കറ്റിന് പരാജയപ്പെടുത്തി ഇന്ത്യ ഏഷ്യാ കപ്പ് കിരീടം നേടി. യുവതാരം തിലക് വര്‍മ്മയുടെ (69*) അവിസ്മരണീയമായ പ്രകടനമാണ് ഇന്ത്യയ്ക്ക് ഒന്‍പതാമത്തെ ഏഷ്യാ കപ്പ് കിരീടം സമ്മാനിച്ചത്. ടോസ് നേടിയ ഇന്ത്യന്‍ ക്യാപ്റ്റന്‍ സൂര്യകുമാര്‍ യാദവ് പാകിസ്ഥാനെ ബാറ്റിംഗിന് അയച്ചു. ഓപ്പണര്‍മാരായ സാഹിബ്‌സാദ ഫര്‍ഹാനും (57), ഫഖര്‍ സമാനും (46) പാകിസ്ഥാന് മികച്ച തുടക്കമാണ് നല്‍കിയത്. 9.4 ഓവറില്‍ 84 റണ്‍സ് ചേര്‍ത്ത ഈ കൂട്ടുകെട്ട് പാകിസ്ഥാന്‍ 180-ല്‍ അധികം സ്‌കോര്‍ നേടുമെന്ന സൂചന നല്‍കി. എന്നാല്‍, ഇന്ത്യന്‍ സ്പിന്നര്‍മാര്‍ ഒരുമിച്ചു നടത്തിയ ആക്രമണത്തില്‍ പാകിസ്ഥാന്‍ ബാറ്റിംഗ് നിര തകരുകയായിരുന്നു. 113/1 എന്ന നിലയില്‍ നിന്ന് വെറും 33 റണ്‍സ് കൂട്ടിച്ചേര്‍ക്കുന്നതിനിടെ പാകിസ്ഥാന് അവസാനത്തെ 9 വിക്കറ്റുകള്‍ നഷ്ടമായി. 19.1 ഓവറില്‍ 146 റണ്‍സിന് പാകിസ്ഥാന്റെ ഇന്നിംഗ്‌സ് അവസാനിച്ചു. കുല്‍ദീപ് യാദവ് വീണ്ടും ഇന്ത്യയുടെ തുറുപ്പുചീട്ടായി. 4 ഓവറില്‍ 30 റണ്‍സ് മാത്രം വഴങ്ങി കുല്‍ദീപ് നാല് വിക്കറ്റുകള്‍ വീഴ്ത്തി. വരുണ്‍ ചക്രവര്‍ത്തി, അക്‌സര്‍ പട്ടേല്‍ എന്നിവര്‍ രണ്ട് വീതം വിക്കറ്റുകള്‍ നേടി. പേസര്‍ ജസ്പ്രീത് ബുംറ രണ്ട് വിക്കറ്റുകളോടെ വാലറ്റത്തെ ചുരുട്ടിക്കെട്ടി. മറുപടി ബാറ്റിംഗിനിറങ്ങിയ ഇന്ത്യക്ക് തുടക്കത്തില്‍ തന്നെ തിരിച്ചടി നേരിട്ടു. പാകിസ്ഥാന്‍ പേസര്‍മാരായ ഫഹീം അഷ്‌റഫിന്റെയും ഷഹീന്‍ അഫ്രീദിയുടെയും മികച്ച പ്രകടനത്തില്‍ ഇന്ത്യ പവര്‍പ്ലേയില്‍ 20 റണ്‍സെടുക്കുന്നതിനിടെ മൂന്ന് മുന്‍നിര വിക്കറ്റുകള്‍ (അഭിഷേക് ശര്‍മ്മ, സൂര്യകുമാര്‍ യാദവ്, ശുഭ്മാന്‍ ഗില്‍) നഷ്ടപ്പെട്ട് പതറി. ഈ ഘട്ടത്തില്‍ ക്രീസിലെത്തിയ തിലക് വര്‍മ്മ, സഞ്ജു സാംസണുമായി (24) ചേര്‍ന്ന് ഇന്നിംഗ്‌സിനെ കരകയറ്റി. ഇരുവരും നാലാം വിക്കറ്റില്‍ 57 റണ്‍സ് കൂട്ടിച്ചേര്‍ത്തു. സാംസണ്‍ പുറത്തായെങ്കിലും, തിലക് വര്‍മ്മയുടെ ഒപ്പം ചേര്‍ന്ന ശിവം ദുബെയും (33) തകര്‍പ്പന്‍ പ്രകടനം കാഴ്ചവെച്ചു. ഇരുവരും 60-ല്‍ അധികം റണ്‍സിന്റെ നിര്‍ണ്ണായക കൂട്ടുകെട്ടുണ്ടാക്കി ഇന്ത്യയെ വിജയത്തോട് അടുപ്പിച്ചു. അവസാന ഓവറില്‍ ഇന്ത്യയ്ക്ക് ജയിക്കാന്‍ 10 റണ്‍സ് വേണ്ടിയിരുന്നപ്പോള്‍, ഹാരിസ് റൗഫിനെതിരെ തിലക് വര്‍മ്മ ആദ്യ പന്തില്‍ തന്നെ സിക്‌സറടിച്ച് സമ്മര്‍ദ്ദം കുറച്ചു. പിന്നാലെ ക്രീസിലെത്തിയ റിങ്കു സിംഗ് ആദ്യ പന്തില്‍ തന്നെ ബൗണ്ടറി നേടി വിജയം ഉറപ്പിച്ചു. രണ്ട് പന്തുകള്‍ ബാക്കി നില്‍ക്കെ അഞ്ച് വിക്കറ്റിനാണ് ഇന്ത്യ കിരീടം നേടിയത്. 53 പന്തില്‍ 3 ഫോറും 4 സിക്‌സറുമടക്കം 69 റണ്‍സുമായി പുറത്താകാതെ നിന്ന തിലക് വര്‍മ്മ 'പ്ലെയര്‍ ഓഫ് ദി മാച്ച്' പുരസ്‌കാരം നേടി. പാകിസ്ഥാന്റെ ബാറ്റിംഗ് തകര്‍ച്ചയും, ഇന്ത്യയുടെ മധ്യനിരയില്‍ തിലക് വര്‍മ്മയും കൂട്ടരും നടത്തിയ ശക്തമായ തിരിച്ചുവരവുമാണ് കലാശപ്പോരാട്ടത്തില്‍ ഇന്ത്യക്ക് കിരീടം സമ്മാനിച്ചത്.

Related articles

See all
Popular News

'തന്നെ പുറത്താക്കാൻ ഗൂഢാലോചന നടന്നു, തോല്‍വി അംഗീകരിക്കില്ല'; ഇന്ത്യന്‍ ഒളിംപിക് അസോസിയേഷന...

Popular News

2036 ഒളിമ്പിക്‌സ് ആതിഥേയത്വം; ഇന്ത്യയോട് മത്സരിക്കാൻ ഏഴ് രാജ്യങ്ങൾ, അന്തിമ പട്ടിക പുറത്തുവ...

Popular News

ഗംഭീറിനായി ഐ.പി.എൽ ഫ്രാഞ്ചൈസികളുടെ വലവീശൽ; ഇന്ത്യൻ കോച്ച് സ്ഥാനത്തുനിന്ന് തിരികെ എത്തിക്കാ...

Popular News

ഷമി പുറത്ത്, ഗിൽ നായകൻ! ന്യൂസിലൻഡ് പര്യടനത്തിനുള്ള ഇന്ത്യൻ ടീമിനെ പ്രഖ്യാപിച്ചു

Save your stories

Sign in