തിരഞ്ഞെടുപ്പ് കമ്മീഷന് നേരത്തെ കോടതിയില് സമര്പ്പിച്ച മറുപടിയില് കൃത്യമായ വസ്തുതകളും രേഖകളും ഉള്പ്പെടുത്തുന്നതിന് പകരം വെറും അവകാശവാദങ്ങള് മാത്രമാണ് ഉന്നയിച്ചിരിക്കുന്നതെന്ന് ഇന്ഡ്യ മുന്നണി കുറ്റപ്പെടുത്തുന്നു. ഔദ്യോഗിക രേഖകളുടെ പിന്ബലത്തോടെയുള്ള വ്യക്തമായ മറുപടികള് ലഭിക്കുന്നതിന് കമ്മീഷനെ നേരിട്ട് ചോദ്യം ചെയ്യേണ്ടത് അനിവാര്യമാണെന്ന് തിങ്കളാഴ്ച നല്കിയ അപേക്ഷയില് പ്രതിപക്ഷ കക്ഷികള് ചൂണ്ടിക്കാട്ടുന്നു.
മുഖ്യ തിരഞ്ഞെടുപ്പ് കമ്മീഷണര് ഗ്യാനേഷ് കുമാര്, തിരഞ്ഞെടുപ്പ് കമ്മീഷണര്മാരായ സുഖ്ബീര് സിംഗ് സന്ധു, വിവേക് ജോഷി എന്നിവര്ക്ക് പുറമെ ഡെപ്യൂട്ടി തിരഞ്ഞെടുപ്പ് കമ്മീഷണര് ഭാനു പ്രകാശ് ഉള്പ്പെടെയുള്ള ഉന്നത ഉദ്യോഗസ്ഥരില് നിന്നാണ് പ്രതിപക്ഷ കക്ഷികള് നേരിട്ട് മറുപടി തേടുന്നത്.