Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

ഐസിസി ഒക്ടോബറിലെ മികച്ച താരം; ഇന്ത്യയുടെ ദീപ്തി ശർമയ്ക്ക് രണ്ടാം വട്ടം പുരസ്കാരം, പുരുഷ വിഭാഗത്തിൽ മാർക്കോ യാൻസൻ

ഐസിസി ഒക്ടോബറിലെ മികച്ച താരം; ഇന്ത്യയുടെ ദീപ്തി ശർമയ്ക്ക് രണ്ടാം വട്ടം പുരസ്കാരം, പുരുഷ വിഭാഗത്തിൽ മാർക്കോ യാൻസൻ

ദുബായ്: ഒക്ടോബറിലെ മികച്ച താരത്തിനുള്ള ഐസിസി (ICC) പുരസ്കാരം ഇന്ത്യൻ വനിതാ താരം ദീപ്തി ശർമ സ്വന്തമാക്കി. കരിയറിൽ ഇത് രണ്ടാം തവണയാണ് ദീപ്തി ഈ നേട്ടം കൈവരിക്കുന്നത്; 2023 ഡിസംബറിലായിരുന്നു താരം ആദ്യമായി പുരസ്കാരം നേടിയത്. പുരുഷ വിഭാഗത്തിൽ ദക്ഷിണാഫ്രിക്കയുടെ മാർക്കോ യാൻസനാണ് മികച്ച താരമായി തിരഞ്ഞെടുക്കപ്പെട്ടത്. ഇരുവരുടെയും തകർപ്പൻ ഓൾറൗണ്ട് പ്രകടനമാണ് ഈ നേട്ടത്തിലേക്ക് നയിച്ചത്.

സിംബാബ്‌വെക്കെതിരായ ഏകദിന, ടി20 പരമ്പരകളിൽ ബാറ്റിംഗിലും ബൗളിംഗിലും ദീപ്തി നിർണായക പ്രകടനം കാഴ്ചവെച്ചിരുന്നു. ഏകദിന പരമ്പരയിൽ ബാറ്റിംഗിന് അവസരം ലഭിച്ച ഏക മത്സരത്തിൽ പുറത്താകാതെ സെഞ്ച്വറി (106 റൺസ്) നേടിയ താരം, ബൗളിംഗിൽ 5 വിക്കറ്റുകളും വീഴ്ത്തി. ടി20 പരമ്പരയിലും ബാറ്റിംഗിന് ഇറങ്ങിയ ഏക മത്സരത്തിൽ 37 പന്തിൽ 49 റൺസ് നേടുകയും 2 വിക്കറ്റുകൾ സ്വന്തമാക്കുകയും ചെയ്തു. ബംഗ്ലാദേശിന്റെ ശോഭന മൊസ്താരി, ഓസ്‌ട്രേലിയയുടെ അന്നബെൽ സതർലാൻഡ് എന്നിവരെ പിന്തള്ളിയാണ് ദീപ്തി പുരസ്കാരത്തിന് അർഹയായത്.

ഓസ്‌ട്രേലിയക്കെതിരായ ടെസ്റ്റ് പരമ്പരയിലെ അവിസ്മരണീയ പ്രകടനമാണ് മാർക്കോ യാൻസനെ പുരസ്കാരത്തിന് അർഹനാക്കിയത്. പരമ്പരയിലാകെ 198 റൺസും 13 വിക്കറ്റുകളും നേടിയ യാൻസൻ, ദക്ഷിണാഫ്രിക്കയുടെ പരമ്പര വിജയത്തിൽ നിർണായക പങ്കുവഹിച്ചു. പാകിസ്ഥാന്റെ അരാഫത് മിൻഹാസ്, വെസ്റ്റ് ഇൻഡീസ് നായകൻ ഷായ് ഹോപ് എന്നിവരെ മറികടന്നാണ് യാൻസൻ നേട്ടം സ്വന്തമാക്കിയത്.


Related articles

See all
Popular News

വിമർശനങ്ങൾക്ക് പവർ ലുക്കിൽ മറുപടി; വോഗ് വേദിയിൽ തിളങ്ങി ആൻസി സോജൻ

Popular News

വെല്ലിങ്ടനില്‍ ചരിത്രനേട്ടവുമായി ഗില്ലും പന്തും; ലോക ടെസ്റ്റ് ചാംപ്യന്‍ഷിപ്പില്‍ 3,000 റണ്...

Popular News

ആശങ്കകൾ ഒഴിവാക്കി കളി ആസ്വദിക്കൂ; ലോക ചെസ്സ് ചാമ്പ്യൻഷിപ്പിന് മുൻപ് ഗുകേഷിന് വിശ്വനാഥൻ ആനന...

Popular News

12 ടീമുകൾ, 300-ലധികം താരങ്ങൾ: 'കൂൾ കളേഴ്സ് ഗാർമെന്റ്സ് പ്രീമിയർ ലീഗ് 2026'-ന് ഗോവയിൽ തുടക്...

Save your stories

Sign in