Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

തിരഞ്ഞെടുപ്പ് കമ്മീഷനെതിരെ 'ഇന്ത്യ' മുന്നണി തെരുവിലേക്ക്: രാംലീലാ മൈതാനത്ത് നവംബർ ഒന്നിന് കോൺഗ്രസ് റാലി, അനുമതി നൽകി ഡൽഹി പോലീസ്

തിരഞ്ഞെടുപ്പ് കമ്മീഷനെതിരെ 'ഇന്ത്യ' മുന്നണി തെരുവിലേക്ക്: രാംലീലാ മൈതാനത്ത് നവംബർ ഒന്നിന് കോൺഗ്രസ് റാലി, അനുമതി നൽകി ഡൽഹി പോലീസ്

ഡൽഹി: തീവ്ര വോട്ടർപട്ടിക പരിഷ്കരണത്തിനെതിരെ 'ഇന്ത്യ' സഖ്യം നടത്തുന്ന രാജ്യവ്യാപക പ്രക്ഷോഭത്തിന്റെ ഭാഗമായി നവംബർ ഒന്നിന് ഡൽഹിയിലെ രാംലീല മൈതാനത്ത് റാലി നടത്താൻ കോൺഗ്രസിന് ഡൽഹി പൊലീസിന്റെ അനുമതി. കഴിഞ്ഞ മാസം കോൺഗ്രസ് അധ്യക്ഷൻ മല്ലികാർജുൻ ഖാർഗെ പ്രഖ്യാപിച്ച റാലിക്ക് പൊലീസ് നിരാക്ഷേപ പത്രം ലഭിച്ചതോടെ കോൺഗ്രസും മറ്റ് സഖ്യകക്ഷികളും തയാറെടുപ്പുകൾ ഊർജ്ജിതമാക്കിയിട്ടുണ്ട്. ജന്തർ മന്തറിൽ പ്രക്ഷോഭങ്ങൾ നിരോധിച്ചതിനെ തുടർന്ന് കേന്ദ്രം അനുവദിച്ച പ്രധാന സമരകേന്ദ്രങ്ങളിലൊന്നാണ് രാംലീലാ മൈതാനം.

ഡൽഹി മുൻസിപ്പൽ കോർപ്പറേഷനിൽ നിന്ന് അന്നേദിവസം മൈതാനത്ത് മറ്റ് പരിപാടികളൊന്നും നിശ്ചയിച്ചിട്ടില്ലെന്ന് ഉറപ്പുവരുത്തിയ ശേഷമാണ് കോൺഗ്രസ് അനുമതിക്കായി പൊലീസിനെ സമീപിച്ചതെന്ന് ഡെപ്യൂട്ടി പൊലീസ് കമ്മീഷണർ രോഹിത് രാജ്ബീർ സിംഗ് വ്യക്തമാക്കി. ഒക്ടോബർ 25 മുതൽ നവംബർ മൂന്ന് വരെ രാംലീല മൈതാനം ഒഴിവുണ്ടെന്ന് എം.സി.ഡി അറിയിച്ചതിനെ തുടർന്ന്, സുരക്ഷാ മുൻകരുതലുകൾ വിലയിരുത്തിയാണ് ഡൽഹി പൊലീസ് അനുമതി പത്രം നൽകിയത്. റാലി തടസ്സമില്ലാതെ നടത്തുന്നതിനും നഗരത്തിൽ ഗതാഗത നിയന്ത്രണം കാര്യക്ഷമമാക്കുന്നതിനുമായി സംഘാടകരുമായും ട്രാഫിക് പൊലീസുമായും ചേർന്ന് വിപുലമായ സുരക്ഷാ ക്രമീകരണങ്ങൾ ഒരുക്കുമെന്നും പൊലീസ് അറിയിച്ചു.

ഇലക്ട്രോണിക് വോട്ടിംഗ് മെഷീനുകൾക്ക് പകരം ബാലറ്റ് പേപ്പറുകൾ ഉപയോഗിച്ച് തിരഞ്ഞെടുപ്പ് നടത്തുക, ജനാധിപത്യ സംരക്ഷണ മാർച്ച് സംഘടിപ്പിക്കുക തുടങ്ങിയ പ്രധാന ആവശ്യങ്ങൾ ഉന്നയിച്ചാണ് 'ഇന്ത്യ' മുന്നണി റാലി സംഘടിപ്പിക്കുന്നത്. തീവ്ര വോട്ടർപട്ടിക പരിഷ്കരണവുമായി (SIR) ബന്ധപ്പെട്ട തീരുമാനങ്ങളിൽ തിരഞ്ഞെടുപ്പ് കമ്മീഷണർമാർ തന്നെ എതിർപ്പുകൾ പ്രകടിപ്പിച്ചതായുള്ള റിപ്പോർട്ടുകൾ പുറത്തുവന്നതിന് പിന്നാലെയാണ് തിരഞ്ഞെടുപ്പ് കമ്മീഷനെതിരെ 'ഇന്ത്യ' മുന്നണി പ്രതിഷേധം കൂടുതൽ കടുപ്പിച്ചത്.

Related articles

See all
Popular News

ഗ്യാനേഷ് കുമാറിന്റെ രാജി ആവശ്യം ഭയന്ന് മോദി സര്‍ക്കാര്‍ പാർലമെന്റിൽ നിന്ന് ഒളിച്ചോടുന്നു;...

Popular News

'രാവണനെ മഹത്വവത്കരിക്കുന്നു, ഇതിഹാസത്തെ വളച്ചൊടിക്കുന്നു'; സിനിമയുടെ പ്രദർശനം നിർത്തിവെക്ക...

Popular News

ആഗോള തലത്തിൽ അമേരിക്കയുടെ നേതൃത്വത്തിന് മങ്ങലേൽക്കുന്നോ? ;രാഹുൽ ഗാന്ധിയുടെ ആശങ്ക ശരിവെച്ച്...

Popular News

വിലക്കയറ്റത്തിനും തൊഴിലില്ലായ്മയ്ക്കും ജനം നല്‍കിയ മറുപടി; രാജസ്ഥാൻ തദ്ദേശ തിരഞ്ഞെടുപ്പിലെ...

Save your stories

Sign in