Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

കോഴിക്കോട് സൗത്തില്‍ സി.പി.എം വോട്ടുകള്‍ ബി.ജെ.പിക്ക് പോയി; തോല്‍വിയില്‍ അഹമ്മദ് ദേവര്‍കോവില്

കോഴിക്കോട് സൗത്തില്‍ സി.പി.എം വോട്ടുകള്‍ ബി.ജെ.പിക്ക് പോയി; തോല്‍വിയില്‍ അഹമ്മദ് ദേവര്‍കോവില്

കോഴിക്കോട് സൗത്ത് മണ്ഡലത്തില്‍ സി.പി.എമ്മിന്റെ പരമ്പരാഗത വോട്ടുകള്‍ ബി.ജെ.പിക്ക് പോയതായി മുന്‍മന്ത്രിയും എല്‍.ഡി.എഫ് സ്ഥാനാര്‍ത്ഥിയുമായിരുന്ന അഹമ്മദ് ദേവര്‍കോവില്‍. മണ്ഡലത്തിലെ പരാജയത്തിന് പ്രധാന കാരണം ബി.ജെ.പിയുടെ അപ്രതീക്ഷിത മുന്നേറ്റമാണെന്നും അദ്ദേഹം ജയ്ഹിന്ദ് ന്യൂസിനോട് പറഞ്ഞു.

കോഴിക്കോട് ജില്ലയില്‍ സൗത്ത് മണ്ഡലത്തില്‍ മാത്രമാണ് ആദ്യ രണ്ട് റൗണ്ട് വോട്ടുകള്‍ എണ്ണിയപ്പോള്‍ ബി.ജെ.പി സ്ഥാനാര്‍ത്ഥി മുന്നിട്ടുനിന്നത്. ജില്ലയിലെ മറ്റ് 11 മണ്ഡലങ്ങളിലും എല്‍.ഡി.എഫും യു.ഡി.എഫും തമ്മില്‍ നേരിട്ടുള്ള മത്സരമായിരുന്നു നടന്നത്. എന്നാല്‍ സൗത്തില്‍ ബി.ജെ.പിക്ക് വന്‍തോതില്‍ വോട്ടുകള്‍ കൂടിയത് ഗൗരവപരമായി പരിശോധിക്കണമെന്ന് അഹമ്മദ് ദേവര്‍കോവില്‍ വ്യക്തമാക്കി.

നഗരമണ്ഡലത്തിലെ സി.പി.എമ്മിന്റെ ഉറച്ച വോട്ടുകളില്‍ വിള്ളല്‍ വീണതാണ് പരാജയത്തിലേക്ക് നയിച്ചത്. ചിന്താവളപ്പ്, പുതിയറ, ചാലപ്പുറം, പുതിയപാലം ഭാഗങ്ങള്‍ വരുന്ന ആദ്യ റൗണ്ടുകളില്‍ അഹമ്മദ് ദേവര്‍കോവില്‍ 1806 വോട്ടിലേക്ക് ചുരുങ്ങിയപ്പോള്‍, ബി.ജെ.പി സ്ഥാനാര്‍ത്ഥി ടി. റെനീഷ് 2585 വോട്ടും യു.ഡി.എഫ് സ്ഥാനാര്‍ത്ഥി ഫൈസല്‍ ബാബു 2244 വോട്ടും നേടി കരുത്തറിയിച്ചു. കഴിഞ്ഞ തവണ യു.ഡി.എഫ് വോട്ടുകള്‍ ചോര്‍ന്ന ആഴ്ചവട്ടം, കിണാശ്ശേരി ഭാഗങ്ങളില്‍ ഇത്തവണ ഫൈസല്‍ ബാബു ലീഡ് തിരിച്ചുപിടിക്കുകയും ചെയ്തു.

ജനവിധി മാനിക്കുന്നുവെന്നും സംസ്ഥാന കമ്മിറ്റിക്ക് ശേഷം ഫലം വിശദമായി വിലയിരുത്തി തെറ്റുകള്‍ തിരുത്തി മുന്നോട്ട് പോകുമെന്നും അദ്ദേഹം കൂട്ടിച്ചേര്‍ത്തു. 2021-ല്‍ എല്‍.ഡി.എഫ് പിടിച്ചെടുത്ത മണ്ഡലം ഇത്തവണ യു.ഡി.എഫ് സ്ഥാനാര്‍ത്ഥി അഡ്വ. ഫൈസല്‍ ബാബു തിരിച്ചുപിടിക്കുകയായിരുന്നു.

Related articles

See all
Popular News

'ഓപ്പറേഷൻ സൈ ഹണ്ട്': കോഴിക്കോട്ട് വ്യാപക റെയ്ഡ്; 5 യുവതികൾ ഉൾപ്പെടെ 37 പേർക്കെതിരെ കേസ്, 8...

Popular News

തൂഫാൻ പുനരധിവാസത്തിന് മുൻഗണന; കുട്ടികള്‍ നിയമത്തിന്റെ പഴുത് മറയാക്കി കുറ്റകൃത്യം ചെയ്താല്‍...

Popular News

പ്രായപൂർത്തിയാകാത്തവർ വാഹനം ഓടിച്ചാൽ രക്ഷിതാക്കൾക്ക് പിഴയും തടവുശിക്ഷയും; കോഴിക്കോട് വ്യാപ...

Popular News

"ഏറ്റവും അപമാനിതനായി രാജിവെച്ച് പുറത്തുപോകുന്ന പ്രധാനമന്ത്രിയാകും മോദി"; ദേശ് ബഛാവോ മഹാറാല...

Save your stories

Sign in