തിരുവനന്തപുരം സെൻട്രൽ റെയിൽവേ സ്റ്റേഷനിലെ ട്രാക്കുകളിൽ വെള്ളം കയറി. സെൻട്രൽ റെയിൽവേ സ്റ്റേഷനിൽ നിന്ന് പുറപ്പെടാനുള്ള ട്രെയിനുകളും തിരുവനന്തപുരം സെൻട്രൽ വഴി കടന്നുപോകുന്ന ട്രെയിനുകളും അൽപം വെെകുമെന്നും റെയിൽവേ അധികൃതർ അറിയിച്ചു. റെയിൽവേ സ്റ്റേഷനിലെ ഒന്നും രണ്ടും ട്രാക്കുകളിൽ ഇപ്പോഴും വെള്ളക്കെട്ട് നിലനിൽക്കുന്നുണ്ടെന്നാണ് വിവരം.പ്രശ്നം പരിഹരിക്കാൻ ശ്രമം തുടരുകയാണ്.അതേസമയം മലബാർ എക്സ്പ്രസ് 28 മിനിട്ട് വെെകിയാണ് സർവീസ് നടത്തുന്നത്. ചെന്നെെ എക്സ്പ്രസ് പുറപ്പെടാൻ വെെകും.
സംസ്ഥാനത്ത് ഇന്ന് എല്ലാ ജില്ലകളിലും ഗ്രീൻ അലർട്ട് പ്രഖ്യാപിച്ചു. നേരിയ മഴയ്‌ക്കുള്ള സാദ്ധ്യതയാണുള്ളത്. വരുന്ന അഞ്ച് ദിവസങ്ങളിലെ സ്ഥിതി പരിശോധിച്ചാൽ മാർച്ച് രണ്ടിന് മിക്ക ജില്ലകളിലും മഴ കുറവായിരിക്കും. മറ്റ് ദിവസങ്ങളിൽ നേരിയ മഴയുണ്ടാകും. ഇന്ന് ശക്തമായ കാറ്റിനും സാദ്ധ്യതയുണ്ട്.
