ഉന്നത വിദ്യാഭ്യാസ കൗൺസിൽ സന്ദർശിച്ച് മന്ത്രി റോജി എം. ജോൺ; പ്രവർത്തനങ്ങളും ഭാവി പദ്ധതികളും വിലയിരുത്തി
കേരള സംസ്ഥാന ഉന്നത വിദ്യാഭ്യാസ കൗൺസിൽ ഓഫീസ് സന്ദർശിച്ച് ഉന്നത വിദ്യാഭ്യാസ വകുപ്പ് മന്ത്രിയും കൗൺസിൽ ചെയർമാനുമായ റോജി എം. ജോൺ. സന്ദർശനവേളയിൽ കൗൺസിൽ വൈസ് ചെയർമാൻ പ്രൊഫ. അച്യുത്ശങ്കർ, മെമ്പർ സെക്രട്ടറി പ്രൊഫ. ആബിദ ഫറൂഖി എന്നിവരുമായി മന്ത്രി വിശദമായ കൂടിക്കാഴ്ച നടത്തി. കൗൺസിലിന്റെ നിലവിലെ പ്രവർത്തനങ്ങൾ, വിവിധ പദ്ധതികളുടെ പുരോഗതി, ഉന്നത വിദ്യാഭ്യാസ മേഖലയിലെ പുതിയ മാറ്റങ്ങൾ, ഭാവി പദ്ധതികൾ എന്നിവ യോഗത്തിൽ ചർച്ചയായി.
സംസ്ഥാനത്തെ ഉന്നത വിദ്യാഭ്യാസ മേഖലയുടെ ഗുണനിലവാരം മെച്ചപ്പെടുത്തുന്നതിനും അക്കാദമിക മികവ് ഉറപ്പാക്കുന്നതിനും കൗൺസിൽ നടപ്പിലാക്കുന്ന വിവിധ പദ്ധതികളെ മന്ത്രി വിലയിരുത്തി. കേരളത്തിന്റെ ഉന്നത വിദ്യാഭ്യാസ രംഗത്തെ ദേശീയ-അന്തർദേശീയ തലത്തിൽ കൂടുതൽ മികവുറ്റതാക്കി മാറ്റാൻ കൗൺസിൽ ആവിഷ്കരിക്കുന്ന ഭാവി പരിപാടികൾക്ക് പൂർണ്ണ പിന്തുണയും ഏകോപനവും സർക്കാർ ഉറപ്പുനൽകുമെന്ന് അദ്ദേഹം വ്യക്തമാക്കി.
കൗൺസിലിന്റെ പ്രവർത്തനങ്ങൾ കൂടുതൽ ഫലപ്രദമായി മുന്നോട്ടുകൊണ്ടുപോകുന്നതിന് പദ്ധതികൾ സമയബന്ധിതമായി പൂർത്തിയാക്കേണ്ടതിന്റെ ആവശ്യകത യോഗം ചർച്ച ചെയ്തു. ഇതിനായി വിവിധ സ്ഥാപനങ്ങളുമായുള്ള സഹകരണവും മികച്ച ഏകോപനവും ഉറപ്പാക്കാൻ നിർദ്ദേശം നൽകി. ഉന്നതതല കൂടിക്കാഴ്ചയിൽ കൗൺസിൽ രജിസ്ട്രാർ സുനിൽ ടി. ആർ. ഉൾപ്പെടെയുള്ള ഉന്നത ഉദ്യോഗസ്ഥരും പങ്കെടുത്തു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.