മുൻ പ്രധാനമന്ത്രി രാജീവ് ഗാന്ധിയുടെ 82-ആം ജന്മദിനം കണ്ണൂർ ഡിസിസിയുടെ നേതൃത്വത്തിൽ സദ്ഭാവനാ ദിനമായി ആചരിച്ചു. ദിനാചരണത്തിന്റെ ഭാഗമായി ഡിസിസി ഓഫീസിൽ പ്രത്യേക പുഷ്പാർച്ചനയും അനുസ്മരണ സമ്മേളനവും സംഘടിപ്പിച്ചു. പരിപാടികൾക്ക് കണ്ണൂർ ഡിസിസി പ്രസിഡന്റ് മാർട്ടിൻ ജോർജ്ജ് നേതൃത്വം നൽകി.
അനുസ്മരണ ചടങ്ങിൽ പ്രമുഖ കോൺഗ്രസ് നേതാക്കളായ പ്രൊഫ. എ.ഡി. മുസ്തഫ, കെപിസിസി ട്രഷറർ വി.എ. നാരായണൻ, പി.ടി. മാത്യു തുടങ്ങിയവർ പങ്കെടുക്കുകയും രാജീവ് ഗാന്ധിയുടെ ഓർമ്മ പുതുക്കി സംസാരിക്കുകയും ചെയ്തു.
