ജയ് ഷായുടെ കാലിൽ തൊട്ട് വന്ദിച്ച് 15-കാരൻ വൈഭവ് സൂര്യവംശി, വീഡിയോ വൈറൽ

നഗോയ: ഏഷ്യൻ ഗെയിംസ് ക്രിക്കറ്റിൽ പാകിസ്താനെ 19 റൺസിന് പരാജയപ്പെടുത്തി ഇന്ത്യ സ്വർണ്ണമെഡൽ സ്വന്തമാക്കിയതിന് പിന്നാലെ, ഗ്രൗണ്ടിലെ വൈകാരിക നിമിഷങ്ങൾ സോഷ്യൽ മീഡിയയിൽ തരംഗമാകുന്നു. ചരിത്രവിജയം നേടിയ ഇന്ത്യൻ യുവനിരയെ നേരിട്ട് അഭിനന്ദിക്കാൻ ഐസിസി ചെയർമാനും മുൻ ബിസിസിഐ സെക്രട്ടറിയുമായ ജയ് ഷാ ജപ്പാനിൽ എത്തിയിരുന്നു. വിജയത്തിന് ശേഷം താരങ്ങൾക്ക് കൈകൊടുത്ത് ആശംസ അറിയിക്കുന്നതിനിടെ ഇന്ത്യൻ താരം വൈഭവ് സൂര്യവംശിയുടെ പ്രവർത്തിയാണ് ആരാധകരുടെ മനംകവർന്നത്.

ഐസിസി ചെയർമാന് കൈകൊടുക്കുന്നതിനിടെ 15-കാരനായ വൈഭവ് ബഹുമാനസൂചകമായി ജയ് ഷായുടെ കാലിൽ തൊട്ട് വന്ദിക്കുകയായിരുന്നു. ഈ വീഡിയോ നിമിഷനേരം കൊണ്ടാണ് സമൂഹമാധ്യമങ്ങളിൽ വൈറലായത്. പുരുഷ ടീമിന് പുറമെ ഇന്ത്യൻ വനിതാ ടീമും ഏഷ്യൻ ഗെയിംസിൽ സ്വർണം നേടിയിരുന്നു. ഇരു ടീമുകളുടെയും ചരിത്രനേട്ടത്തെ അഭിനന്ദിച്ച് ജയ് ഷാ എക്‌സിൽ (X) കുറിപ്പും പങ്കുവെച്ചു.