കോട്ടയം: വിദേശ സന്ദർശനത്തിനിടെ ഉണ്ടായ അപകടത്തിൽ കൊല്ലം എം.പി എൻ.കെ. പ്രേമചന്ദ്രന് പരുക്ക്. അന്താരാഷ്ട്ര പാർലമെന്ററി യൂണിയൻ സമ്മേളനത്തിൽ പങ്കെടുക്കുന്നതിനായി ടാൻസാനിയയിലെത്തിയപ്പോഴാണ് സംഭവം. വഴിയോരത്തുള്ള ശുചിമുറിയിൽ നിന്ന് പുറത്തിറങ്ങവെ കാൽ വഴുതി വീഴുകയായിരുന്നു.
വീഴ്ചയിൽ അദ്ദേഹത്തിന്റെ ഇടത് കൈക്കുഴയ്ക്ക് സാരമായ പൊട്ടലേറ്റതായി പരിശോധനകളിൽ കണ്ടെത്തി. നിലവിൽ ടാൻസാനിയയിലെ ആശുപത്രിയിൽ പ്രാഥമിക ചികിത്സയിലുള്ള അദ്ദേഹത്തിന് ശസ്ത്രക്രിയ ആവശ്യമാണെന്ന് ഡോക്ടർമാർ നിർദ്ദേശിച്ചു. തുടർചികിത്സയ്ക്കായി ഇന്ന് തന്നെ ഡൽഹിയിൽ എത്തിക്കുമെന്ന് ഫെയ്സ്ബുക്ക് കുറിപ്പിലൂടെ എം.പി അറിയിച്ചു.
