Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

മാലിദ്വീപിന്റെ '5 മില്യണ്‍ ട്രീ പ്രൊജക്റ്റി'ന് തണലേകാന്‍ കേരളവും; 1200 മരത്തൈകള്‍ കൈമാറി

മാലിദ്വീപിന്റെ '5 മില്യണ്‍ ട്രീ പ്രൊജക്റ്റി'ന് തണലേകാന്‍ കേരളവും; 1200 മരത്തൈകള്‍ കൈമാറി

തിരുവനന്തപുരം: മാലിദ്വീപിന്റെ പാരിസ്ഥിതിക സുസ്ഥിരത ലക്ഷ്യമിട്ടുള്ള '5 മില്യണ്‍ ട്രീ പ്രൊജക്റ്റി'ന്റെ (5 million tree project) ഭാഗമായി കേരളം മരത്തൈകള്‍ സംഭാവന ചെയ്യുന്നു. പദ്ധതിയുമായി സഹകരിക്കുന്നതിന്റെ ഔദ്യോഗിക ഉദ്ഘാടനം വനം വകുപ്പ് മന്ത്രി ഷിബു ബേബി ജോണ്‍ നിര്‍വഹിച്ചു. മന്ത്രിയുടെ ചേംബറില്‍ നടന്ന ചടങ്ങില്‍ മാലിദ്വീപ് കോണ്‍സുല്‍ ജനറല്‍ അമിനത്ത് ഷിഫാന കേരളത്തിന്റെ സമ്മാനമായ മരത്തൈകള്‍ ഏറ്റുവാങ്ങി. 

മാലിദ്വീപിന്റെ തീരദേശ പ്രതിരോധശേഷി വര്‍ദ്ധിപ്പിക്കുക എന്ന ലക്ഷ്യത്തോടെയാണ് ഈ പദ്ധതി നടപ്പാക്കുന്നത്. ഇതിന്റെ ഭാഗമായി 600 ഗ്രാഫ്റ്റ് ചെയ്ത മാവിന്‍ തൈകളും 600 തേക്കിന്‍ തൈകളുമാണ് കേരളം നല്‍കുന്നത്. തിരുവനന്തപുരം വെള്ളായണി കാര്‍ഷിക കോളേജില്‍ നിന്നും ശേഖരിച്ച മാവിന്‍ തൈകളും കുളത്തൂപ്പുഴ സെന്‍ട്രല്‍ നഴ്‌സറിയില്‍ നിന്നുള്ള തേക്കിന്‍ തൈകളും പൂജപ്പുര ജില്ലാ പെര്‍മനന്റ് നഴ്‌സറിയില്‍ പ്രത്യേക കവറുകളിലാക്കിയാണ് വിതരണത്തിനായി തയ്യാറാക്കിയിട്ടുള്ളത്.

ഇരുരാജ്യങ്ങളും തമ്മിലുള്ള ബന്ധം കൂടുതല്‍ ഊഷ്മളമാക്കുന്ന ഈ പരിപാടിയുടെ ഭാഗമാകാന്‍ കഴിഞ്ഞതില്‍ അതിയായ അഭിമാനമുണ്ടെന്ന് മന്ത്രി ഷിബു ബേബി ജോണ്‍ വ്യക്തമാക്കി. താന്‍ ഏറെ സ്‌നേഹിക്കുന്ന കേരളത്തില്‍ നിന്നുള്ള ഈ സ്‌നേഹസമ്മാനം ഏറ്റുവാങ്ങുന്നതില്‍ സവിശേഷമായ സന്തോഷമുണ്ടെന്ന് മാലിദ്വീപ് കോണ്‍സുല്‍ ജനറല്‍ അമിനത്ത് ഷിഫാന പ്രതികരിച്ചു. സാമൂഹ്യ വനവല്‍ക്കരണവിഭാഗം മേധാവി ഡോ. പ്രമോദ് ജി. കൃഷ്ണന്‍, ഡെപ്യൂട്ടി കണ്‍സര്‍വേറ്റര്‍ സന്തോഷ് കുമാര്‍ ഡി., അസിസ്റ്റന്റ് കണ്‍സര്‍വേറ്റര്‍ സജു എസ്. നായര്‍ തുടങ്ങിയവര്‍ ചടങ്ങില്‍ സംബന്ധിച്ചു.

Related articles

See all
Popular News

ഫെയര്‍നെസ് ക്രീം ഉപയോഗിച്ച 17-കാരിക്ക് വൃക്കരോഗം; അന്വേഷണം ആരംഭിച്ച് പൊലീസ്

Popular News

എന്‍ഡോസള്‍ഫാന്‍ ദുരിതബാധിതര്‍ക്ക് ആജീവനാന്ത സൗജന്യ ചികിത്സയും പ്രത്യേക പാക്കേജും; പ്രഖ്യാപ...

Popular News

'ഭരണഘടനയുടെ ധാർമികത പുതുതലമുറ ഉൾക്കൊള്ളണം'; സംസ്ഥാനതല ഭരണഘടനാദിനാചരണം ഉദ്ഘാടനം ചെയ്ത് സ്പീ...

Popular News

'ശിവൻകുട്ടിയുടെ നിലപാടിനൊപ്പമല്ല പാർട്ടി, പിഎംശ്രീ അടഞ്ഞ അധ്യായം'; ശിവന്‍കുട്ടിയെ തളളി എം....

Save your stories

Sign in