Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

"കട്ടവന്മാർ മാപ്പ് പറഞ്ഞാൽ തീരുമോ?"; അയോധ്യ ക്ഷേത്രക്കൊള്ളയിൽ പാർലമെന്റിൽ കണക്ക് ചോദിക്കുമെന്ന് കെ.സി. വേണുഗോപാൽ

"കട്ടവന്മാർ മാപ്പ് പറഞ്ഞാൽ തീരുമോ?"; അയോധ്യ ക്ഷേത്രക്കൊള്ളയിൽ പാർലമെന്റിൽ കണക്ക് ചോദിക്കുമെന്ന് കെ.സി. വേണുഗോപാൽ

അയോധ്യ രാമക്ഷേത്ര ട്രസ്റ്റുമായി ബന്ധപ്പെട്ട് ഉയർന്നുവന്ന സാമ്പത്തിക ക്രമക്കേടുകളിലും സംഭാവനക്കൊള്ളയിലും വരാനിരിക്കുന്ന പാർലമെന്റ് സമ്മേളനത്തിൽ കോൺഗ്രസ് ശക്തമായി കണക്ക് ചോദിക്കുമെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ എംപി. ബിജെപിയും സംഘപരിവാറും ചേർന്ന് നടത്തുന്ന ക്ഷേത്രക്കൊള്ള വിശ്വാസികളെ കടുത്ത രീതിയിൽ വേദനിപ്പിക്കുന്നതാണെന്ന് കണ്ണൂരിൽ മാധ്യമങ്ങളോട് സംസാരിക്കവെ അദ്ദേഹം പറഞ്ഞു. "കട്ടവന്മാർ തന്നെ മാപ്പ് പറഞ്ഞാൽ പ്രശ്നം തീരുമോ?" എന്ന് ചോദിച്ച വേണുഗോപാൽ, ബിജെപിക്ക് വിശ്വാസമെന്നത് കക്കാനും വിഭജിക്കാനും മാത്രമുള്ളതാണെന്നും കുറ്റപ്പെടുത്തി. ഈ അഴിമതിക്കെതിരെ വിശ്വാസികളെ അണിനിരത്തി രാജ്യാന്തര തലത്തിൽ കോൺഗ്രസ് പ്രക്ഷോഭം സംഘടിപ്പിക്കുമെന്നും, സുപ്രീം കോടതിയുടെ നേരിട്ടുള്ള മേൽനോട്ടത്തിൽ ഉന്നതതല അന്വേഷണം വേണമെന്നുമാണ് പാർട്ടിയുടെ ആവശ്യമെന്നും അദ്ദേഹം വ്യക്തമാക്കി.

രാജ്യത്തെ പ്രതിപക്ഷ രാഷ്ട്രീയ പാർട്ടികളെ ഭീഷണിപ്പെടുത്തിയും വിരട്ടിയും ബിജെപി പിളർത്തുകയാണെന്നും കെ.സി. വേണുഗോപാൽ ആരോപിച്ചു. ബിജെപിയെ കടുത്ത ഭാഷയിൽ വിമർശിച്ചിരുന്ന 20 തൃണമൂൽ കോൺഗ്രസ് എംപിമാർ പെട്ടെന്ന് ഒരു ദിവസം ബിജെപിയുമായി അടുത്തത് ഇതിന് ഉദാഹരണമാണ്. ശിവസേനയിലും ആം ആദ്മി പാർട്ടിയിലും ഇത്തരത്തിൽ പിളർപ്പുണ്ടാക്കിയത് വരാനിരിക്കുന്ന മണ്ഡല പുനർനിർണ്ണയ ബില്ല് പാസാക്കുക എന്ന ലക്ഷ്യത്തോടെയാണ്. കേന്ദ്ര ഏജൻസികളെയും തെരഞ്ഞെടുപ്പ് കമ്മീഷനെയും അട്ടിമറിച്ച് എല്ലാക്കാലത്തും രാജ്യം ഭരിക്കാമെന്നാണ് ബിജെപി കരുതുന്നതെന്നും അദ്ദേഹം പറഞ്ഞു.

സംസ്ഥാനത്തെ ഗവൺമെന്റ് പ്ലീഡർ നിയമന വിവാദത്തിലും കെ.സി. വേണുഗോപാൽ നിലപാട് വ്യക്തമാക്കി. കോൺഗ്രസിന് കോൺഗ്രസിന്റേതായ വ്യവസ്ഥാപിതമായ നയങ്ങളും ലക്ഷ്യങ്ങളുമുണ്ടെന്നും അതിനനുസരിച്ചേ മുന്നോട്ട് പോകൂ എന്നും അദ്ദേഹം ഓർമ്മിപ്പിച്ചു. എഡിജിപി എം.ആർ. അജിത് കുമാറുമായി ബന്ധപ്പെട്ട വിവാദ വിഷയത്തിൽ നിയമപരമായ പരിശോധന നടത്താൻ സർക്കാരിന് ആവശ്യമായ സാവകാശം നൽകണം. കുറ്റം ചെയ്തവർ ആരായാലും അവരെ നിയമത്തിന് മുന്നിൽ കൊണ്ടുവരണം. കൂടാതെ, പുതിയ കെപിസിസി പ്രസിഡന്റ് സ്ഥാനം സംബന്ധിച്ച് ഉചിതമായ സമയത്ത് ഉചിതമായ തീരുമാനം ഉണ്ടാകുമെന്നും കാര്യങ്ങൾ വൈകിയിട്ടില്ലെന്നും അദ്ദേഹം കൂട്ടിച്ചേർത്തു.

Related articles

See all
Popular News

യൂത്ത് കോൺഗ്രസ് 'ജെൻ ഇന്ത്യ മൂവ്മെന്റ്' പദയാത്രയ്ക്ക് കണ്ണൂരിൽ ഉജ്ജ്വല സമാപനം; ആയിരങ്ങളെ സ...

Popular News

14 വർഷത്തെ കാത്തിരിപ്പ്, നിർണായക വിധിയിലേക്ക്: അരിയിൽ ഷുക്കൂർ വധക്കേസ് നാൾവഴികളിലൂടെ...

Popular News

മാളിക്കടവ് ഗവ. ഐ.ടി.ഐയിൽ സംഘർഷം; കെ.എസ്.യു സംസ്ഥാന കമ്മിറ്റി അംഗം എ.കെ. ജാനിബിന് നേരെ എസ്....

Popular News

സഹകരണ വേദിയിലെ കയ്യേറ്റവും പി.എം. ശ്രീയിലെ കുറ്റസമ്മതവും; സി.പി.എം ജനങ്ങളോട് മറുപടി പറയണമെ...

Save your stories

Sign in