ക്രൈസ്റ്റ്ചര്‍ച്ചില്‍: ന്യൂസിലന്‍ഡിനെതിരായ രണ്ടാം ടി20 മത്സരത്തില്‍ യുവതാരം വൈഭവ് സൂര്യവന്‍ഷിക്ക് പ്ലേയിങ് ഇലവനില്‍ അവസരം ലഭിച്ചേക്കുമെന്ന് സൂചന. ഓപ്പണര്‍മാരുടെ മികച്ച ഫോം കാരണം ആദ്യ ടി20 മത്സരത്തില്‍ വൈഭവിന് പുറത്തിരിക്കേണ്ടി വന്നിരുന്നു. എന്നാല്‍ പരിക്കിനെ തുടര്‍ന്ന് ഇഷാന്‍ കിഷന് അടുത്ത മത്സരത്തില്‍ കളിച്ചേക്കില്ലെന്നാണ് റിപ്പോര്‍ട്ട്.
ന്യൂസിലന്‍ഡിനെതിരായ ഒന്നാം ടി20 മത്സരത്തിനിടെ ഇഷാന്‍ കിഷന് ഇടുപ്പിന് പരിക്കേറ്റിരുന്നു. ബാറ്റിങ്ങിനിടയില്‍ ബാറ്റിങ് ഓര്‍ഡറില്‍ മാറ്റങ്ങള്‍ വരുത്തിയത് ഈ പരിക്കിനെ തുടര്‍ന്നാണെന്ന് മത്സരശേഷം ഇന്ത്യയുടെ ബാറ്റിങ് കോച്ച് സിതാന്‍ഷു കൊടക് മാധ്യമങ്ങളോട് വ്യക്തമാക്കി. പതിവായി മൂന്നാം നമ്പരില്‍ ഇറങ്ങാറുള്ള കിഷന്, തിലക് വര്‍മ്മയ്ക്ക് ശേഷം അഞ്ചാം നമ്പറിലാണ് ക്രീസിലെത്തിയത്. എന്നാല്‍ മൂന്ന് പന്തുകള്‍ മാത്രം നേരിട്ട താരം ഒരു റണ്ണെടുത്ത് പുറത്താവുകയായിരുന്നു.
'ഇഷാന്‍ കിഷന് പരിക്കുള്ളതുകൊണ്ടാണ് തിലക് വര്‍മ്മയെ സ്ഥാനക്കയറ്റം നല്‍കി ഇറക്കിയത്. പൂര്‍ണ്ണമായി ആരോഗ്യനില വീണ്ടെടുക്കാത്ത പക്ഷം അടുത്ത മത്സരത്തിലും കിഷന് കളിക്കാനിടയില്ല. കിഷന് കളിച്ചില്ലെങ്കില്‍ പകരക്കാരനായി വൈഭവ് സൂര്യവന്‍ഷിക്ക് ടീമില്‍ അവസരം ലഭിക്കാന്‍ സാധ്യതയേറെയാണ്'- കോച്ച് സിതാന്‍ഷു കൊടക് വ്യക്തമാക്കി.
അഞ്ച് മത്സരങ്ങളുള്ള പരമ്പരയില്‍ ഇന്ത്യ നിലവില്‍ 1-0 ന് മുന്നിലാണ്. ക്രിസ്റ്റ്ചര്‍ച്ചിലെ ഹാഗ്ലി ഓവലില്‍ ഒക്ടോബര്‍ 24-നാണ് രണ്ടാം ടി20 മത്സരം നടക്കുന്നത്.
ഇഷാന്‍ കിഷന് പരിക്ക്; ഇന്ത്യ - ന്യൂസിലാന്‍ഡ് രണ്ടാം ടി20യില്‍ വൈഭവ് സൂര്യവന്‍ഷി കളിച്ചേക്കുമെന്ന് സൂചന
Jaihind TV News Report
Jaihind TV Web Desk
2 min read
192 reads
