Mobile app available on
Trending
Browse

All sections

Watch
Browse all videos

No business videos available

No Middle East videos available

Popular News

കണ്ണുനനയിപ്പിച്ച് സുരാജ് വെഞ്ഞാറമൂടിന്റെ പ്രകടനം; കുഞ്ചാക്കോ ബോബൻ ചിത്രം 'ഹെയിൽ മേരി'യിലെ 'മാരിവിൽ ചിറകെ' ഗാനം പുറത്തിറങ്ങി

കണ്ണുനനയിപ്പിച്ച് സുരാജ് വെഞ്ഞാറമൂടിന്റെ പ്രകടനം; കുഞ്ചാക്കോ ബോബൻ ചിത്രം 'ഹെയിൽ മേരി'യിലെ 'മാരിവിൽ ചിറകെ' ഗാനം പുറത്തിറങ്ങി

കുഞ്ചാക്കോ ബോബൻ, സുരാജ് വെഞ്ഞാറമൂട്, മാർട്ടിൻ പ്രക്കാട്ട് എന്നിവർ ഒന്നിക്കുന്ന 'ഹെയിൽ മേരി' എന്ന ചിത്രത്തിലെ ആദ്യ ഗാനം 'മാരിവിൽ ചിറകെ' റിലീസായി. ജേക്സ് ബിജോയ് സംഗീതം നൽകിയ ഗാനത്തിന് ബി.കെ. ഹരിനാരായണനാണ് വരികൾ എഴുതിയിരിക്കുന്നത്. സെബാ മൂൺ ആണ് ഗാനം ആലപിച്ചിരിക്കുന്നത്. നവാഗതനായ വിഷ്ണു രവികുമാർ സംവിധാനം ചെയ്യുന്ന ചിത്രം നവംബർ 26-ന് തിയേറ്ററുകളിലെത്തും.


കണ്ണീരണിയിച്ച് സുരാജിന്റെ അഭിനയമികവ്:

വൻ വിജയം നേടിയ 'ജയിലർ 2'-വിലെ വില്ലൻ വേഷത്തിന് ശേഷം ഏറെ ശക്തമായ കഥാപാത്രമായാണ് സുരാജ് വെഞ്ഞാറമൂട് 'ഹെയിൽ മേരി'യിൽ എത്തുന്നത്. പുറത്തിറങ്ങിയ ഗാനരംഗത്തിൽ സുരാജിനൊപ്പം ബാലതാരം അക്ഷര ഷൈനോധും അഭിനയിച്ചിട്ടുണ്ട്. ഈ രംഗത്തിൽ സുരാജിന്റെ കണ്ണുകൾ ഈറനണിയുന്നതിനൊപ്പം, ആ വൈകാരിക അഭിനയത്തിലൂടെ പ്രേക്ഷകരുടെയും കണ്ണുകൾ നനയിപ്പിക്കുന്ന പ്രകടനമാണ് താരം കാഴ്ചവെച്ചിരിക്കുന്നത്.


പ്രധാന താരനിര:

കുഞ്ചാക്കോ ബോബനും സുരാജ് വെഞ്ഞാറമൂടിനും പുറമേ അനു സിതാര, ജഗദീഷ്, വിനയ് ഫോർട്ട്, സുഹാസിനി മണിരത്നം, ഹക്കീം ഷാ, കാവ്യ രാമചന്ദ്രൻ തുടങ്ങിയ വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്.


കഥയും നിർമ്മാണവും:

പ്രശസ്ത സാഹിത്യകാരൻ ജി.ആർ. ഇന്ദുഗോപന്റെ കഥയെ ആസ്പദമാക്കിയാണ് 'ഹെയിൽ മേരി' ഒരുക്കിയിരിക്കുന്നത്. 'എബിസിഡി', 'ഡൊമിനിക് ആൻഡ് ദി ലേഡീസ് പേഴ്സ്' എന്നീ ചിത്രങ്ങളുടെ തിരക്കഥാകൃത്തായ ഡോ. നീരജ് രാജനും മാർട്ടിൻ പ്രക്കാട്ടും ചേർന്നാണ് തിരക്കഥ രചിച്ചിരിക്കുന്നത്. മാർട്ടിൻ പ്രക്കാട്ട് ഫിലിംസും ഗ്രീൻ റൂം പ്രൊഡക്ഷൻസും സംയുക്തമായി നിർമ്മിക്കുന്ന ചിത്രത്തിൽ മാർട്ടിൻ പ്രക്കാട്ടിനൊപ്പം സിബി ചാവറ, രഞ്ജിത്ത് നായർ എന്നിവരും നിർമ്മാണ പങ്കാളികളാണ്.


സംഗീതവും ഛായാഗ്രഹണവും:

റോബി വർഗീസ് രാജ് ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് കൈകാര്യം ചെയ്യുന്നത് ചമൻ ചാക്കോയാണ്. ജേക്സ് ബിജോയ് ഈണം നൽകിയ ചിത്രത്തിലെ ഗാനങ്ങളുടെ സംഗീതാവകാശം ജേക്സ് ബിജോയിയുടെ തന്നെ ഉടമസ്ഥതയിലുള്ള JxB റെക്കോർഡ്സിനാണ്.


മറ്റ് അണിയറപ്രവർത്തകർ:

പ്രൊഡക്ഷൻ ഡിസൈനർ: ദിലീപ് നാഥ്, മേക്കപ്പ്: റോണക്സ് സേവ്യർ, കോസ്റ്റ്യൂംസ്: സമീറ സനീഷ്, പ്രൊഡക്ഷൻ കൺട്രോളർ: ഷബീർ മലവട്ടത്ത്, ആക്ഷൻ കൊറിയോഗ്രാഫർ: കലൈ കിങ്സൺ, ആക്ഷൻ: സന്തോഷ്, സൗണ്ട് ഡിസൈൻ: വിഷ്ണു സുജാതൻ, ചീഫ് അസോസിയേറ്റ് ഡയറക്ടർമാർ: ആരിഷ് അസ്ലം, ജിബിൻ ജോൺ, ചീഫ് അസോസിയേറ്റ് ക്യാമറാമാൻ: അനൂപ് ചന്ദ്രൻ, സെക്കൻഡ് യൂണിറ്റ് ക്യാമറാമാൻ: അശ്വിൻ രമേഷ്, അസോസിയേറ്റ് ഡയറക്ടർമാർ: സിദ്ധാർത്ഥ് എസ്., രാജീവ് സേതുലാൽ ബി, കളറിസ്റ്റ്: ശ്രീക് വാര്യർ, വി.എഫ്.എക്സ്: പ്രോമിസ്, സ്റ്റിൽസ്: സാബി ഹംസ, പബ്ലിസിറ്റി ഡിസൈൻസ്: ഓൾഡ് മങ്ക്സ്, പി.ആർ.ഒ: പ്രതീഷ് ശേഖർ.

Related articles

See all
Popular News

'രാവണനെ മഹത്വവത്കരിക്കുന്നു, ഇതിഹാസത്തെ വളച്ചൊടിക്കുന്നു'; സിനിമയുടെ പ്രദർശനം നിർത്തിവെക്ക...

Popular News

സ്വപ്നങ്ങളും പ്രണയവും ഇഴചേരുന്ന ദൃശ്യവിസ്മയം; ദുൽഖർ സൽമാന്റെ ‘ആകാശംലോ ഒക താര’യ്ക്ക് ഗംഭീര...

Popular News

എസ്തർ അനിലും സഞ്ജയ് കപൂറും ഒന്നിക്കുന്നു; ഒൻപത് ഭാഷകളിലായി ഒരുങ്ങുന്ന ക്രൈം ത്രില്ലർ ‘UNEX...

Popular News

വിനീത് ശ്രീനിവാസൻ നായകനാകുന്ന ഹൊറർ-കോമഡി ചിത്രം ‘ചടങ്ങ്’ ചിത്രീകരണം പൂർത്തിയായി

Save your stories

Sign in