Mobile app available on
Trending
Browse

All sections

Watch
Browse all videos

No business videos available

No Middle East videos available

Latest News

ഊരാളുങ്കലിന്‍റെ നിർമ്മാണപ്രവൃത്തികള്‍ ഇഴയുന്നു; ഫെബ്രുവരിക്കകം പൂർത്തിയാക്കണമെന്ന് മന്ത്രിയുടെ കർശന നിർദേശം

ഊരാളുങ്കലിന്‍റെ നിർമ്മാണപ്രവൃത്തികള്‍ ഇഴയുന്നു; ഫെബ്രുവരിക്കകം പൂർത്തിയാക്കണമെന്ന് മന്ത്രിയുടെ കർശന നിർദേശം

തിരുവനന്തപുരം: ഊരാളുങ്കൽ ലേബർ കോൺട്രാക്ട് കോ-ഓപ്പറേറ്റീവ് സൊസൈറ്റി ഏറ്റെടുത്ത വിവിധ നിർമാണപ്രവൃത്തികള്‍ ഇഴഞ്ഞുനീങ്ങുന്നതില്‍‍ അതൃപ്തി അറിയിച്ച് മന്ത്രി പി.കെ.ബഷീർ. നിശ്ചയിച്ച സമയപരിധിക്കുള്ളിൽ പ്രവൃത്തികൾ പൂർത്തിയാക്കാൻ അടിയന്തര നടപടി സ്വീകരിക്കണമെന്നും ഫെബ്രുവരിക്കകം നിർമാണം അവസാനിപ്പിക്കണമെന്നും മന്ത്രി കർശന നിർദേശം നൽകി.

പൊതുമരാമത്ത് വകുപ്പ്, കിഫ്ബി, കെഎസ്ടിപി എന്നിവയുടെ കീഴിൽ നടപ്പാക്കുന്ന വിവിധ നിർമാണപ്രവർത്തനങ്ങളാണ് നിലവിൽ വൈകുന്നത്. റോഡുകൾ, പാലങ്ങൾ, ഫ്ലൈഓവറുകൾ ഉൾപ്പെടെയുള്ള അടിസ്ഥാന സൗകര്യ വികസന പ്രവർത്തനങ്ങൾ സമയബന്ധിതമായി മുന്നോട്ടുപോകുന്നില്ല. കൂടുതലായും കോഴിക്കോട്, വയനാട്, പാലക്കാട് ജില്ലകളിലെ വിവിധ പദ്ധതികളാണ് ഇഴഞ്ഞുനീങ്ങുന്നത്. കോടിക്കണക്കിന് രൂപയുടെ വികസന പദ്ധതികൾ ഇത്തരത്തിൽ നീണ്ടുപോകുന്നത് പൊതുജനങ്ങൾക്ക് ബുദ്ധിമുട്ടുണ്ടാക്കുന്നതായും ചൂണ്ടിക്കാണിക്കപ്പെടുന്നു.

പദ്ധതികളുടെ നിലവിലെ സ്ഥിതിയും നിർമാണ പുരോഗതിയും വിലയിരുത്താൻ ചേർന്ന അവലോകന യോഗത്തിലാണ് മന്ത്രി കർശന നിർദേശം നൽകിയത്. കേരളത്തിലെ പ്രവൃത്തികൾ സമയത്ത് പൂർത്തിയാക്കുന്നതിന് മുൻഗണന നൽകാതെ മറ്റ് സംസ്ഥാനങ്ങളിലും വലിയ പദ്ധതികൾ ഏറ്റെടുക്കുന്ന സൊസൈറ്റിയുടെ സമീപനത്തിലും മന്ത്രി പി.കെ.ബഷീർ വിമർശനം ഉന്നയിച്ചു. ഫെബ്രുവരിക്കുള്ളില് തന്നെ ഏറ്റെടുത്ത മുഴുവന്‍ പ്രവൃത്തികളും പൂർത്തിയാക്കണമെന്നാണ് ഊരാളുങ്കലിന് നല്‍കിയിരിക്കുന്ന നിർദേശം.


Related articles

See all
Popular News

പാങ്ങപ്പാറ അഭിരാം കൊലക്കേസ്: ഒന്നാം പ്രതിയായ 17-കാരന്റെ ജാമ്യാപേക്ഷ ജുവനൈൽ ജസ്റ്റിസ് ബോർഡ്...

Popular News

'ഭരണഘടനയുടെ ധാർമികത പുതുതലമുറ ഉൾക്കൊള്ളണം'; സംസ്ഥാനതല ഭരണഘടനാദിനാചരണം ഉദ്ഘാടനം ചെയ്ത് സ്പീ...

Popular News

'ശിവൻകുട്ടിയുടെ നിലപാടിനൊപ്പമല്ല പാർട്ടി, പിഎംശ്രീ അടഞ്ഞ അധ്യായം'; ശിവന്‍കുട്ടിയെ തളളി എം....

Popular News

അഷ്ടമുടിയുടെ ഓളപ്പരപ്പിൽ സർവാധിപത്യം നേടി മേൽപ്പാടൻ ചുണ്ടന്‍; CBL ആറാം സീസൺ കിരീടവും പ്രസി...

Save your stories

Sign in