ചെന്നൈ: തമിഴ് ചലച്ചിത്ര രംഗത്തെ പ്രശസ്ത സംവിധായകനും തിരക്കഥാകൃത്തും നടനുമായ കെ. ഭാഗ്യരാജ് (73) അന്തരിച്ചു. ചെന്നൈയിൽ വെച്ച് ഹൃദയാഘാതത്തെ തുടർന്നായിരുന്നു അന്ത്യം. തമിഴ് സിനിമയിൽ തന്റേതായ ഒരു ശൈലി രൂപപ്പെടുത്തിയ അദ്ദേഹം തിരക്കഥാകൃത്തായും നടനായും സംവിധായകനായും ഒരേപോലെ തിളങ്ങിയ പ്രതിഭയായിരുന്നു.
തമിഴകത്ത് 25 ഓളം ചിത്രങ്ങളാണ് അദ്ദേഹം സംവിധാനം ചെയ്തത്. 1983-ൽ പുറത്തിറങ്ങിയ 'മുന്താണൈ മുടിച്ച്' എന്ന സൂപ്പർഹിറ്റ് ചിത്രത്തിലൂടെ മലയാളി നടി ഉർവശിയെ സിനിമാലോകത്തിന് പരിചയപ്പെടുത്തിയത് കെ. ഭാഗ്യരാജാണ്. തമിഴിന് പുറമെ മലയാളത്തിലും അദ്ദേഹം തന്റെ സാന്നിധ്യമറിയിച്ചിട്ടുണ്ട്. ജനപ്രിയ ചിത്രങ്ങളായ ‘മിസ്റ്റര്‍ മരുമകൻ’, ‘ഏയ്ഞ്ചൽ ജോണ്‍’ എന്നീ മലയാള സിനിമകളിൽ അദ്ദേഹം ശ്രദ്ധേയമായ വേഷങ്ങൾ കൈകാര്യം ചെയ്തു.
മലയാളികളുടെ പ്രിയനടിയും ‘മഞ്ഞിൽ വിരിഞ്ഞ പൂക്കള്‍’ എന്ന ചിത്രത്തിലെ നായികയുമായ പൂർണിമ ഭാഗ്യരാജാണ് ഭാര്യ. പ്രശസ്ത യുവനടൻ ശാന്തനു ഭാഗ്യരാജ് മകനാണ്. അദ്ദേഹത്തിന്റെ വിയോഗത്തിൽ തെന്നിന്ത്യൻ ചലച്ചിത്ര ലോകത്തെ പ്രമുഖർ അനുശോചനം രേഖപ്പെടുത്തി.
