തീർത്ഥാടന മുന്നൊരുക്കങ്ങൾ നേരിട്ട് വിലയിരുത്തുന്നതിനായി മുഖ്യമന്ത്രിയും ദേവസ്വം മന്ത്രിയും നാളെ (ശനിയാഴ്ച) ശബരിമലയിലെത്തും. രാവിലെ ഒൻപതിന് നിലക്കലിലെത്തുന്ന ഇരുവരും അവിടെ ഒരുക്കിയിരിക്കുന്ന അടിസ്ഥാന സൗകര്യങ്ങളും മുന്നൊരുക്കങ്ങളും പരിശോധിക്കും.
തുടർന്ന് രാവിലെ 10:30-ന് പമ്പ ശ്രീരാമ സാകേതം ഓഡിറ്റോറിയത്തിൽ വെച്ച് വിവിധ വകുപ്പുകളുടെ അവലോകന-ഏകോപന യോഗം നടക്കും. തീർത്ഥാടനകാലം സുഗമമായി നടത്തുന്നതിനുള്ള നിർദ്ദേശങ്ങളും വിലയിരുത്തലുകളും യോഗത്തിൽ ചർച്ച ചെയ്യും.
വൈകിട്ട് നാല് മണിയോടെ സന്നിധാനത്തെത്തുന്ന മുഖ്യമന്ത്രിയും ദേവസ്വം മന്ത്രിയും അവിടുത്തെ വികസന പ്രവർത്തനങ്ങളും ഒരുക്കങ്ങളും വിലയിരുത്തും. തുടർന്ന് വൈകിട്ട് അഞ്ച് മണിയോടെ ഇരുവരും ക്ഷേത്രദർശനം നടത്തും.
മുന്നൊരുക്കങ്ങൾ നേരിട്ടറിയാൻ മുഖ്യമന്ത്രിയും ദേവസ്വം മന്ത്രിയും നാളെ ശബരിമലയിൽ
Jaihind TV News Report
Jaihind TV Web Desk
1 min read
233 reads
