തൃശ്ശൂർ: കല്യാൺ ജ്വല്ലേഴ്സിന്റെ നവരാത്രി ആഘോഷങ്ങളിൽ പങ്കെടുക്കാനായി നിശ്ചയിച്ചിരുന്ന തമിഴ്നാട് മുഖ്യമന്ത്രി വിജയിയുടെ കേരള സന്ദർശനം റദ്ദാക്കി. മോശം കാലാവസ്ഥയും കനത്ത മഴയുമാണ് തൃശ്ശൂരിലേക്കുള്ള അദ്ദേഹത്തിന്റെ യാത്രാ പദ്ധതികൾ തടസ്സപ്പെടുത്തിയത്.
കോയമ്പത്തൂരിൽ നിന്നായിരുന്നു വിജയ് ഹെലികോപ്റ്ററിൽ തൃശ്ശൂരിലേക്ക് എത്തേണ്ടിയിരുന്നത്. എന്നാൽ പ്രദേശത്ത് ശക്തമായ മഴ തുടരുന്ന സാഹചര്യത്തിൽ ഹെലികോപ്റ്റർ യാത്ര റദ്ദാക്കുകയായിരുന്നു. തുടർന്ന് അദ്ദേഹം കോയമ്പത്തൂരിൽ നിന്ന് പ്രത്യേക വിമാനത്തിൽ ചെന്നൈയിലേക്ക് മടങ്ങി. പിന്നീട് അനുയോജ്യമായ മറ്റൊരു സമയത്ത് തൃശ്ശൂരിലെത്താമെന്ന് വിജയ് ഉറപ്പുനൽകിയതായി കല്യാൺ ജ്വല്ലേഴ്സ് മാനേജിങ് ഡയറക്ടർ ടി.എസ്. കല്യാണരാമൻ വ്യക്തമാക്കി.
കല്യാൺ ഗ്രൂപ്പിന്റെ നേതൃത്വത്തിൽ എല്ലാ വർഷവും നവരാത്രി ആഘോഷങ്ങൾ വിപുലമായി സംഘടിപ്പിക്കാറുണ്ട്. പ്രമുഖ ചലച്ചിത്ര-സാമൂഹിക രംഗത്തെ നിരവധി വ്യക്തികൾ ഇതിൽ പങ്കാളികളാകാറുണ്ട്. തമിഴ്നാട് മുഖ്യമന്ത്രിയായ ശേഷം വിജയ് ഇതുവരെ കേരളത്തിൽ എത്തിയിരുന്നില്ല. മുൻപ് വെങ്കട് പ്രഭു സംവിധാനം ചെയ്ത 'ദി ഗ്രേറ്റസ്റ്റ് ഓഫ് ഓൾ ടൈം' (GOAT) എന്ന ചിത്രത്തിന്റെ ചിത്രീകരണത്തിനായാണ് അദ്ദേഹം ഒടുവിൽ തിരുവനന്തപുരത്ത് എത്തിയത്.
കനത്ത മഴയും മോശം കാലാവസ്ഥയും: തൃശ്ശൂരിലേക്കുള്ള ഹെലികോപ്റ്റർ യാത്ര റദ്ദാക്കി വിജയ് ചെന്നൈയിലേക്ക് മടങ്ങി
Jaihind TV News Report
Jaihind TV Web Desk
2 min read
105 reads
