സ്റ്റോക്കോം: 2026-ലെ ഭൗതികശാസ്ത്രത്തിനുള്ള നൊബേൽ പുരസ്കാരം പ്രമുഖ ബെൽജിയൻ ശാസ്ത്രജ്ഞനായ ഫ്രാൻസിസ് ഹാൽസന് (Francis Halzen) ലഭിച്ചു. പ്രപഞ്ചത്തിലെ ഉയർന്ന ഊർജ്ജമുള്ള അസ്ട്രോഫിസിക്കൽ ന്യൂട്രിനോകളെയും അവയുടെ ഉറവിടങ്ങളെയും കണ്ടെത്തിയതിനാണ് അദ്ദേഹത്തെ ഈ വർഷത്തെ പരമോന്നത പുരസ്കാരത്തിന് അർഹനാക്കിയത്. അന്റാർട്ടിക്കയിലെ ദക്ഷിണ ധ്രുവത്തിൽ സ്ഥാപിച്ചിട്ടുള്ള ലോകത്തിലെ ഏറ്റവും വലിയ ന്യൂട്രിനോ ഡിറ്റക്ടറായ 'ഐസ്ക്യൂബ് ന്യൂട്രിനോ ഒബ്സർവേറ്ററി'യുടെ (IceCube Neutrino Observatory) നിർമ്മാണത്തിനും പ്രവർത്തനങ്ങൾക്കും നൽകിയ മികച്ച നേതൃത്വമാണ് അദ്ദേഹത്തിന്റെ കണ്ടെത്തലുകൾക്ക് വഴിത്തിരിവായത്. നിലവിൽ അമേരിക്കയിലെ യൂണിവേഴ്‌സിറ്റി ഓഫ് വിസ്കോൺസിൻ-മാഡിസണിൽ പ്രൊഫസറായി സേവനമനുഷ്ഠിക്കുകയാണ് ഫ്രാൻസിസ് ഹാൽസൻ.
കഴിഞ്ഞ വർഷം (2025) മാക്രോസ്കോപ്പിക് ക്വാണ്ടം മെക്കാനിക്കൽ ടണലിങ്, ഇലക്ട്രിക് സർക്യൂട്ടിലെ എനർജി ക്വാണ്ടൈസേഷൻ എന്നിവയുമായി ബന്ധപ്പെട്ട കണ്ടെത്തലുകൾക്ക് ജോൺ ക്ലാർക്ക്, മൈക്കൽ എച്ച്. ഡെവോറെറ്റ്, ജോൺ എം. മാർട്ടിനിസ് എന്നിവർക്കാണ് ഭൗതികശാസ്ത്ര നൊബേൽ ലഭിച്ചിരുന്നത്. 1901-ൽ പുരസ്കാര വിതരണം ആരംഭിച്ചതിനു ശേഷം ഇതുവരെ 119 തവണയായി 230 ശാസ്ത്രജ്ഞർക്ക് ഭൗതികശാസ്ത്ര നൊബേൽ സമ്മാനം ലഭിച്ചിട്ടുണ്ട്.
2026-ലെ ഭൗതികശാസ്ത്ര നൊബേൽ ബെൽജിയൻ ശാസ്ത്രജ്ഞൻ ഫ്രാൻസിസ് ഹാൽസന്
Jaihind TV News Report
Jaihind TV Web Desk
2 min read
54 reads
