തിരുവനന്തപുരം: ഏഷ്യൻ ഗെയിംസിൽ ഉജ്ജ്വല വിജയം കൈവരിച്ച മലയാളി കായികതാരങ്ങളെ മുഖ്യമന്ത്രി വി.ഡി സതീശന് അഭിനന്ദിക്കുകയും ആദരിക്കുകയും ചെയ്തു. വനിതകളുടെ 500 മീറ്റർ റൈഫിൾ ത്രീ പോസിഷനിൽ ഇരട്ട മെഡലുകൾ നേടിയ വിദർശ കെ. വിനോദ്, ബാഡ്മിന്റണിൽ വെങ്കല മെഡൽ നേടിയ എം.ആർ. അർജുൻ എന്നിവരെയാണ് മുഖ്യമന്ത്രി തന്റെ ഓഫീസിൽ സ്വീകരിച്ച് ആദരിച്ചത്.
കായിക മന്ത്രി ഒ.ജെ. ജനീഷിനൊപ്പമാണ് താരങ്ങൾ രാവിലെ മുഖ്യമന്ത്രിയുടെ ഓഫീസിലെത്തിയത്. കായികരംഗത്തെ രാജ്യത്തിന്റെ അഭിമാനമായി മാറിയ ഇരുവർക്കും എല്ലാവിധ ആശംസകളും നേർന്ന മുഖ്യമന്ത്രി, വരുംകാല കായിക ജീവിതത്തിലും മുന്നോട്ടുള്ള യാത്രയിലും സർക്കാരിന്റെ പൂർണ പിന്തുണയും സഹായങ്ങളും വാഗ്ദാനം ചെയ്തു.
