ടാറ്റയെ തകര്‍ക്കാന്‍ ക്രിമിനല്‍ നീക്കം നടക്കുന്നതായി രാഹുല്‍ ഗാന്ധി. വ്യവസായികള്‍ മൗനം പാലിക്കുന്നതെന്തിനെന്നും രാഹുല്‍ ഗാന്ധി. ടാറ്റ ഗ്രൂപ്പിനെ ക്രിമിനല്‍ രീതിയില്‍ തകര്‍ക്കാന്‍ ശ്രമം നടക്കുകയാണെന്നും രാജ്യത്തെ വ്യവസായികള്‍ ഇക്കാര്യത്തില്‍ മൗനം പാലിക്കുകയാണെന്നും രാഹുല്‍ ഗാന്ധി പറഞ്ഞു. രാജ്യത്തെ വ്യവസായികള്‍ എത്രകാലം ഇങ്ങനെ മൗനം പാലിക്കുമെന്നും, അധികാരത്തിലുള്ളവര്‍ തങ്ങളുടെ ഉടമകളാകുന്നതുവരെ കാത്തിരിക്കുകയാണോയെന്നും അദ്ദേഹം ചോദിച്ചു.
ഇന്ത്യന്‍ വ്യവസായ മേഖല മോദിയുടെയും ഷായുടെയും കളിപ്പാട്ടമല്ലെന്ന് രാഹുല്‍ ഗാന്ധി പറഞ്ഞു. ഇത്തരം നീക്കങ്ങള്‍ക്കെതിരെ ശബ്ദമുയര്‍ത്താനുള്ള ധൈര്യം വ്യവസായികള്‍ക്കില്ലെന്നും എന്നാല്‍ തങ്ങള്‍ക്ക് അതുണ്ടെന്നും അദ്ദേഹം വ്യക്തമാക്കി. ഈ ആരോപണങ്ങളുമായി ബന്ധപ്പെട്ട കുറ്റങ്ങള്‍ക്ക് നീതി ഉറപ്പാക്കുമെന്നും രാഹുല്‍ ഗാന്ധി എക്സില്‍ കുറിച്ചു. പ്രധാനമന്ത്രി നരേന്ദ്ര മോദിയെയും കേന്ദ്ര ആഭ്യന്തരമന്ത്രി അമിത് ഷായെയും ലക്ഷ്യമിട്ടാണ് രാഹുല്‍ ഗാന്ധിയുടെ വിമര്‍ശനം.
ടാറ്റയെ തകര്‍ക്കാന്‍ ക്രിമിനല്‍ നീക്കം; ഇന്ത്യന്‍ വ്യവസായ മേഖല മോദിയുടെയും ഷായുടെയും കളിപ്പാട്ടമല്ല: രാഹുല്‍ ഗാന്ധി
Jaihind TV News Report
Jaihind TV Web Desk
1 min read
240 reads
