Mobile app available on
Trending
Browse

All sections

Watch
Browse all videos

No business videos available

No Middle East videos available

Latest News

'ബിജെപി 300ല്‍ അധികം സീറ്റുകള്‍ നേടുമെന്ന് ഗോദി മീഡിയകളെക്കൊണ്ട് പറയിപ്പിക്കും, വോട്ടെണ്ണല്‍ തീരും വരെ ജാഗ്രത പാലിക്കണം, വിജയം നമുക്കൊപ്പമാണ്'; എക്സിറ്റ് പോളിന് പിന്നാലെ വീണ്ടും ചര്‍ച്ചയായി അഖിലേഷ് യാദവിന്‍റെ മുന്നറിയിപ്പ്

'ബിജെപി 300ല്‍ അധികം സീറ്റുകള്‍ നേടുമെന്ന് ഗോദി മീഡിയകളെക്കൊണ്ട് പറയിപ്പിക്കും, വോട്ടെണ്ണല്‍ തീരും വരെ ജാഗ്രത പാലിക്കണം, വിജയം നമുക്കൊപ്പമാണ്'; എക്സിറ്റ് പോളിന് പിന്നാലെ വീണ്ടും ചര്‍ച്ചയായി അഖിലേഷ് യാദവിന്‍റെ മുന്നറിയിപ്പ്
  ന്യൂഡല്‍ഹി: ലോക്സഭാ തിരഞ്ഞെടുപ്പില്‍ എന്‍ഡിഎ മുന്നേറ്റം പ്രവചിക്കുന്ന എക്സിറ്റ് പോള്‍ ഫലങ്ങള്‍ പുറത്തുവന്നതിന് പിന്നാലെ ചര്‍ച്ചയായി സമാജ്‌വാദി പാർട്ടി അധ്യക്ഷന്‍ അഖിലേഷ് യാദവ് കഴിഞ്ഞദിവസം പറഞ്ഞ വാക്കുകള്‍. ഗോദി മീഡിയകളിലൂടെ ബിജെപിക്ക് മുന്നേറ്റം പ്രവചിക്കുന്ന എക്സിറ്റ് പോള്‍ ഫലങ്ങള്‍ പുറത്തുവിടുമെന്നും ഈ ചതിയില്‍ വീഴാതെ ഇന്ത്യ മുന്നണി പ്രവർത്തകരെല്ലാം ജാഗരൂകരായിരിക്കണമെന്നും അഖിലേഷ് പറഞ്ഞത് മേയ് 31 ന്. അതായത് ഏഴാം ഘട്ട വോട്ടെടുപ്പിന്‍റെ തലേദിവസം. എക്സിലൂടെയായിരുന്നു അഖിലേഷ് ഇക്കാര്യം പങ്കുവെച്ചത്. "നാളെ വൈകുന്നേരം വോട്ടെടുപ്പ് കഴിയുന്നതോടെ ബിജെപി 300 ഓളം സീറ്റുകളിൽ ലീഡ് നേടും എന്ന് വിവിധ ചാനലുകളിൽ അവരുടെ 'മാധ്യമ ഗ്രൂപ്പിനെ' കൊണ്ട് പറയിപ്പിക്കാൻ ബിജെപി ആസൂത്രണം ചെയ്തതിരിക്കുകയാണ്. ബിജെപിയുടെ ഒരു തരത്തിലുമുള്ള തെറ്റിദ്ധരിക്കപ്പെടലിലും നമ്മൾ വീണുപോകരുത്. 'ഇന്ത്യ സഖ്യം' സർക്കാർ രൂപീകരിക്കാൻ പോകുന്ന ഇത്തരമൊരു സാഹചര്യത്തിൽ രണ്ടു മൂന്ന് ദിവസം കള്ളം പറഞ്ഞ് ബിജെപിക്ക് എന്ത് കിട്ടുമെന്നാണ് നിങ്ങളുടെ മനസിൽ ഇപ്പോൾ വരുന്ന ചോദ്യം? ഇത്തരം നുണകൾ പ്രചരിപ്പിച്ച് നിങ്ങളെ എല്ലാവരുടെയും മനോവീര്യം തകർക്കാനാണ് ബിജെപി ആഗ്രഹിക്കുന്നത്, അങ്ങനെ നിങ്ങളുടെ ആവേശവും ശ്രദ്ധയും കുറയുകയും വോട്ടെണ്ണൽ ദിവസം നിങ്ങൾ ഉണർന്ന് പ്രവർത്തിക്കാതിരിക്കുകയും ചെയ്താൽ അത് മുതലെടുത്ത് ബിജെപിക്ക് കൃത്രിമം ചെയ്യാൻ കഴിയും. ചില അഴിമതിക്കാരായ ഉദ്യോഗസ്ഥരുമായി ഒത്തുചേർന്ന് വോട്ടെണ്ണലിൽ കൃത്രിമം നടത്താൻ ബിജെപി ശ്രമിക്കും. കോടതി സ്ഥാപിച്ച ക്യാമറകൾക്ക് മുന്നിൽ ചണ്ഡീഗഢ് മേയർ തെരഞ്ഞെടുപ്പിൽ കൃത്രിമം കാണിക്കാൻ ഒരു നാണവും ഇല്ലാതിരുന്ന ബിജെപി, തിരഞ്ഞെടുപ്പിൽ വിജയിക്കാൻ എന്തുതരം തട്ടിപ്പും നടത്തും, അതുകൊണ്ടാണ് ഈ വിഷയത്തിൽ ഇന്ത്യ മുന്നണി അതീവ ജാഗ്രത പുലർത്തേണ്ടത്. ബിജെപി കൊണ്ടുവരുന്ന എക്‌സിറ്റ് പോളുകളൊന്നും ഇന്ത്യ മുന്നണി പ്രവർത്തകരെ സ്വാധീനിക്കരുത്. പൂർണ്ണ ജാഗ്രത പാലിക്കുക, ആത്മവിശ്വാസം നിലനിർത്തുക, വിജയം നമുക്ക് ഒപ്പമാണ്, വിജയത്തിന്‍റെ അടിസ്ഥാനമായ 'വോട്ടിംഗും വോട്ടെണ്ണലും ജാഗ്രതയോടെ നടത്തണം" - അഖിലേഷ് യാദവ് പറഞ്ഞു. അഖിലേഷ് യാദവ് കഴിഞ്ഞ ദിവസം പങ്കുവെച്ച എക്സ് പോസ്റ്റ്:
ഇന്ന് ഞാൻ നിങ്ങളോട് വളരെ പ്രധാനപ്പെട്ട ഒരു അഭ്യർത്ഥന നടത്തുകയാണ്. നാളെയും വോട്ടെടുപ്പിന് ശേഷമുള്ള ദിവസങ്ങളിലും വോട്ടെണ്ണൽ അവസാനിക്കുന്നതുവരെ നിങ്ങൾ എല്ലാവരും പൂർണ്ണ ജാഗ്രത പുലർത്തണം. ബിജെപിയുടെ ഒരു തരത്തിലുമുള്ള തെറ്റിദ്ധരിക്കപ്പെടലിലും നമ്മൾ വീണുപോകരുത്. യഥാർത്ഥത്തിൽ ഞാൻ ഈ അഭ്യർത്ഥന നടത്തുന്നതിനുള്ള കാരണം നാളെ വൈകുന്നേരം തിരഞ്ഞെടുപ്പ് കഴിയുന്നതോടെ, ബിജെപി 300 ഓളം സീറ്റുകളിൽ ലീഡ് നേടും എന്ന് വിവിധ ചാനലുകളിൽ അവരുടെ 'മാധ്യമ ഗ്രൂപ്പിനെ' കൊണ്ട് പറയിപ്പിക്കാൻ ബിജെപി ആസൂത്രണം ചെയ്തതിരിക്കുകയാണ്. 'ഇന്ത്യ സഖ്യം' സർക്കാർ രൂപീകരിക്കാൻ പോകുന്ന ഇത്തരമൊരു സാഹചര്യത്തിൽ രണ്ടുമൂന്നു ദിവസം കള്ളം പറഞ്ഞ് ബിജെപിക്ക് എന്ത് കിട്ടുമെന്നാണ് നിങ്ങളുടെ മനസിൽ ഇപ്പോൾ വരുന്ന ചോദ്യം? ഇതിനുള്ള മറുപടിയായി ഞങ്ങൾ നിങ്ങളോട് പറയട്ടെ, ഇത്തരം നുണകൾ പ്രചരിപ്പിച്ച് നിങ്ങളുടെ എല്ലാവരുടെയും മനോവീര്യം തകർക്കാനാണ് ബിജെപി ആഗ്രഹിക്കുന്നത്, അങ്ങനെ നിങ്ങളുടെ ആവേശവും ശ്രദ്ധയും കുറയുകയും വോട്ടെണ്ണൽ ദിവസം നിങ്ങൾ ഉണർന്ന് പ്രവർത്തിക്കാതിരിക്കുകയും ചെയ്താൽ അത് മുതലെടുത്ത് ബിജെപിക്ക് കൃത്രിമം ചെയ്യാൻ കഴിയും. ചില അഴിമതിക്കാരായ ഉദ്യോഗസ്ഥരുമായി ഒത്തുചേർന്ന് വോട്ടെണ്ണലിൽ കൃത്രിമം നടത്താൻ ബിജെപി ശ്രമിക്കും. കോടതി സ്ഥാപിച്ച ക്യാമറകൾക്ക് മുന്നിൽ ചണ്ഡീഗഢ് മേയർ തെരഞ്ഞെടുപ്പിൽ കൃത്രിമം കാണിക്കാൻ ഒരു നാണവും ഇല്ലാതിരുന്ന ബിജെപി തിരഞ്ഞെടുപ്പിൽ വിജയിക്കാൻ എന്തുതരം തട്ടിപ്പും നടത്തും. അതുകൊണ്ട് നമ്മൾ ഇന്ത്യ മുന്നണി അതീവ ജാഗ്രത പുലർത്തേണ്ടതുണ്ട്. ബിജെപി കൊണ്ടുവരുന്ന എക്‌സിറ്റ് പോളുകളൊന്നും ഇന്ത്യ മുന്നണി പ്രവർത്തകരെ സ്വാധീനിക്കരുത്. പൂർണ്ണ ജാഗ്രത പാലിക്കുക, ആത്മവിശ്വാസം നിലനിർത്തുക, വിജയം നമുക്ക് ഒപ്പമാണ്. വിജയത്തിന്‍റെ അടിസ്ഥാനമായ 'വോട്ടിംഗും വോട്ടെണ്ണലും ജാഗ്രതയോടെ നടത്തണം. അന്തിമവിജയം നമുക്കൊപ്പമായിരിക്കും. നമ്മൾ ഇന്ത്യാ മുന്നണി ഭരണഘടനയുടെയും ജനാധിപത്യത്തിന്‍റെയും രാജ്യത്തെ ജനങ്ങളുടെയും വിജയം ആഘോഷിക്കും എന്നത് ഉറപ്പാണ്. നിങ്ങളുടെ സ്വന്തം അഖിലേഷ് യാദവ്  
https://twitter.com/yadavakhilesh/status/1796455403506545108  

Related articles

See all
Popular News

'നിതീഷ് സേതു' പാലത്തിന്റെ പേരിൽ വിവാദം: മോദി ഉദ്ഘാടനം ചെയ്തതിന് പിന്നാലെ RJD പ്രതിഷേധം; ND...

Popular News

അയോധ്യ സംഭാവന കൊള്ള: അന്വേഷണം എട്ട് ജീവനക്കാരില്‍ ഒതുക്കിയതിനെ ചോദ്യം ചെയ്ത് കോണ്‍ഗ്രസ്; സ...

Popular News

വോട്ട് വെട്ടല്‍ വിവാദം: പ്രതിരോധത്തിലായി ബിജെപി; ഉത്തര്‍പ്രദേശില്‍ ബൂത്ത് ഏജന്റുമാര്‍ക്ക്...

Popular News

വിദേശ നിക്ഷേപകരുടെ ചട്ടങ്ങളില്‍ ഇളവ്; സെബിയുടെ നീക്കത്തിനെതിരെ കേന്ദ്രസര്‍ക്കാരിനെ കടന്നാക...

Save your stories

Sign in