തിരുവനന്തപുരം: ശ്രീകാര്യം പാങ്ങപ്പാറയില്‍ പ്ലസ് വണ്‍ വിദ്യാര്‍ത്ഥി അഭിറാം ക്രൂരമായി കൊല്ലപ്പെട്ട സംഭവത്തില്‍ കുറ്റവാളികള്‍ക്ക് കടുത്ത ശിക്ഷ തന്നെ ഉറപ്പാക്കുമെന്ന് ആഭ്യന്തരമന്ത്രി രമേശ് ചെന്നിത്തല. അഭിറാമിന്റെ മാതാപിതാക്കളെയും കുടുംബാംഗങ്ങളെയും സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
കേസില്‍ പോലീസിന്റെ ഭാഗത്തുനിന്ന് കാര്യക്ഷമമായ അന്വേഷണമാണ് പുരോഗമിക്കുന്നത്. നിലവിലെ അന്വേഷണത്തില്‍ കുടുംബം തൃപ്തി രേഖപ്പെടുത്തിയിട്ടുണ്ട്. പതിനേഴ് വയസ്സുമാത്രം പ്രായമുള്ള കുട്ടിയെ ക്രൂരമായി കൊലപ്പെടുത്തിയത് മനഃസാക്ഷിയെ ഞെട്ടിക്കുന്നതാണെന്ന് മന്ത്രി പറഞ്ഞു. കുടുംബം നിര്‍ദേശിക്കുന്ന അഭിഭാഷകനെ തന്നെ സ്‌പെഷ്യല്‍ പ്രോസിക്യൂട്ടറായി നിയമിക്കാന്‍ സര്‍ക്കാര്‍ തയ്യാറാണെന്നും രമേശ് ചെന്നിത്തല കൂട്ടിച്ചേര്‍ത്തു.
അതേസമയം, ചേരാനെല്ലൂര്‍ വാഹനാപകടക്കേസില്‍ സര്‍ക്കാര്‍ ഇരയ്‌ക്കൊപ്പമാണെന്ന് ആഭ്യന്തരമന്ത്രി വ്യക്തമാക്കി. വിഷയത്തിലെ കോടതി പരാമര്‍ശങ്ങള്‍ ഗൗരവമുള്ളതാണെന്നും നിയമവിദഗ്ധരുമായി ആലോചിച്ച് ആവശ്യമായ തുടര്‌നടപടികള്‍ സ്വീകരിക്കുമെന്നും അദ്ദേഹം പറഞ്ഞു.
അഭിറാം കൊലക്കേസ്: കുറ്റവാളികൾക്ക് കടുത്ത ശിക്ഷ ഉറപ്പാക്കും; അഭിറാമിന്റെ മാതാപിതാക്കളെ സന്ദർശിച്ച് ആഭ്യന്തരമന്ത്രി രമേശ് ചെന്നിത്തല
Jaihind TV News Report
Jaihind TV Web Desk
2 min read
47 reads
