അമേരിക്കൻ വ്യോമസേനയുടെ ബി 52 സ്ട്രാറ്റോഫോർട്രസ് (B-52 Stratofortress) ബോംബർ വിമാനം തകർന്നുവീണ് എട്ട് സൈനികർ കൊല്ലപ്പെട്ടു. കാലിഫോർണിയയിലെ എഡ്വേഡ്സ് എയർഫോഴ്സ് ബേസിന് (Edwards Air Force Base) സമീപം പരീക്ഷണ പറക്കൽ നടത്തുന്നതിനിടെയായിരുന്നു ദരുണമായ ഈ അപകടം സംഭവിച്ചത്.
അപകടസമയത്ത് വിമാനത്തിലുണ്ടായിരുന്ന എട്ട് സൈനികരും മരണപ്പെട്ടതായി അമേരിക്കൻ വ്യോമസേന ഔദ്യോഗികമായി സ്ഥിരീകരിച്ചിട്ടുണ്ട്. യു.എസ് വ്യോമസേനയുടെ ഏറ്റവും കരുത്തുറ്റതും പ്രമുഖവുമായ യുദ്ധവിമാനങ്ങളിൽ ഒന്നാണ് ബി 52 ബോംബർ.
സാങ്കേതിക തകരാറാണോ അതോ മറ്റെന്തെങ്കിലും കാരണമാണോ അപകടത്തിലേക്ക് നയിച്ചതെന്ന് ഇപ്പോൾ വ്യക്തമല്ല. സംഭവത്തെക്കുറിച്ച് വ്യോമസേന വിശദമായ അന്വേഷണം ആരംഭിച്ചതായി യു.എസ് വ്യോമസേനാ അധികൃതർ വ്യക്തമാക്കി.
