ഉത്തര്‍പ്രദേശില്‍ ബി.ജെ.പിക്കെതിരെ സമുദായ സംഘടനകള്‍. വോട്ട് ചോദിച്ച് ഇനി വരേണ്ടെന്ന് ഓള്‍ ഇന്ത്യ ബ്രാഹ്മിണ്‍ മഹാസഭ ഉള്‍പ്പെടെയുള്ള 38 സംഘടനകള്‍ മുന്നറിയിപ്പ് നല്‍കി.
നിയമ ഭേദഗതി പിന്‍വലിക്കണമെന്നാണ് സംഘടനകള്‍ ആവശ്യപ്പെടുന്നത്. കൂടാതെ നിലവിലെ പിന്നാക്ക കമ്മീഷന്‍, വനിതാ കമ്മീഷന്‍, ദളിത് കമ്മീഷന്‍ എന്നിവപോലെ തങ്ങളുടെ സംരക്ഷണത്തിനായി സവര്‍ണ്ണ കമ്മീഷന്‍ ആരംഭിക്കണമെന്നും ബ്രാഹ്മിണ്‍ മഹാസഭ ദേശീയ പ്രസിഡന്റ് കമലേഷ് തിവാരി ആവശ്യപ്പെട്ടു. ബി.ജെ.പി രാജ്യത്തെ 85 ശതമാനം ജനങ്ങളെ വഞ്ചിച്ചതായും ഇതിന്‍റെ പ്രത്യാഘാതം അനുഭവിക്കേണ്ടിവരുമെന്നും സംഘടനകള്‍ മുന്നറിയിപ്പ് നല്‍കി.
ബി.ജെ.പിയുടെ പതനം പൂര്‍ത്തിയാകും വരെ പ്രക്ഷോഭം തുടരുമെന്നും തിവാരി വ്യക്തമാക്കി. ആര്‍.എസ്.എസ് മേധാവി മോഹന്‍ ഭാഗവതിനെയുംതിവാരി നിശിതമായി വിമര്‍ശിച്ചു. ജനങ്ങളുടെ താല്‍പര്യങ്ങള്‍ മനസിലാക്കാന്‍ കഴിവില്ലാത്ത ഭാഗവതിന്‍റെ മാനസികനില പരിശോധിക്കണമെന്നും തിവാരി കൂട്ടിച്ചേര്‍ത്തു.
