കേന്ദ്രമന്ത്രി സുരേഷ് ഗോപി സി.പി.എം. കോഴിക്കോട് ജില്ലാ കമ്മിറ്റി അംഗമായ പി.കെ. ദിവാകരനെതിരെ നടത്തിയ പരാമര്‍ശമാണ് ഇപ്പോള്‍ വിവാദമായിരിക്കുന്നത്. ദിവാകരനെ 'മാക്രി' എന്ന് വിളിച്ചുകൊണ്ടാണ് സുരേഷ് ഗോപി തന്റെ രോഷം പ്രകടിപ്പിച്ചത്. നാടിനുവേണ്ടി താന്‍ ഒന്നും ചെയ്യുന്നില്ലെന്ന ദിവാകരന്റെ വിമര്‍ശനത്തിന് മറുപടി പറയുകയായിരുന്നു അദ്ദേഹം. തൃശൂര്‍ എം.പി.ക്കെതിരെ സംസാരിക്കാന്‍ വന്നാല്‍ 'മാന്തി പൊളിക്കും' എന്നും 'ഞോണ്ടാന്‍ വരരുത്' എന്നും സുരേഷ് ഗോപി ശക്തമായി താക്കീത് നല്‍കി.
വടകരയിലെ ഒരു പദ്ധതിക്ക് 95.34 കോടി രൂപ അനുവദിച്ച കാര്യം ചൂണ്ടിക്കാട്ടിയാണ് സുരേഷ് ഗോപി ദിവാകരനെതിരെ തിരിഞ്ഞത്. 'വടകരയില്‍ ഉരാളുങ്കല്‍ സൊസൈറ്റി... അത് ആരുടേതാണെന്ന് അറിയാമല്ലോ. അന്വേഷിച്ച് മനസ്സിലാക്കിക്കോളൂ... പക്ഷേ അവരാണ് യോഗ്യമായ ഒരു പദ്ധതി കൊണ്ടുവന്നത്. അവര്‍ക്ക് ഞാന്‍ കൂടി അംഗീകരിച്ച ഒരു പദ്ധതിയാണ് ലഭിച്ചിരിക്കുന്നത്. 95.34 കോടിരൂപയുടെ പദ്ധതി. ആ മാക്രിയുടെ മൂക്കിനു താഴെയാണ് കൊടുത്തിരിക്കുന്നത്. അയാള്‍ക്ക് എന്താണ് ഇതില്‍ കൂടുതല്‍ അറിയേണ്ടത്,' സുരേഷ് ഗോപി പറഞ്ഞു.
മണ്ഡലത്തില്‍ നടപ്പാക്കിയ മറ്റ് വികസന പ്രവര്‍ത്തനങ്ങളെക്കുറിച്ചും മന്ത്രി വിശദീകരിച്ചു. കൊല്ലത്തെ അഷ്ടമുടിയിലെ പദ്ധതിക്ക് 59.73 കോടിരൂപ അനുവദിച്ച കാര്യവും മന്ത്രിയെന്ന നിലയില്‍ താന്‍ കൃത്യമായി കാര്യങ്ങള്‍ ചെയ്തിട്ടുണ്ടെന്നും അദ്ദേഹം വ്യക്തമാക്കി. കൂടാതെ, തൃശ്ശൂരില്‍ ഫോറന്‍സിക് ലാബും റിസര്‍ച്ച് ഇന്‍സ്റ്റിറ്റ്യൂട്ടും ട്രെയ്‌നിങ് കോളജും അനുവദിച്ചതായും അദ്ദേഹം അറിയിച്ചു. ഈ പദ്ധതികള്‍ക്കായി 8 ഏക്കര്‍ ഭൂമി സംസ്ഥാന സര്‍ക്കാര്‍ നല്‍കണം. എന്നാല്‍, തിരുവനന്തപുരത്തേ നല്‍കൂ എന്ന് പറയുന്നത് ദുഷിച്ച രാഷ്ട്രീയ ചിന്താഗതിയാണ് എന്നും സുരേഷ് ഗോപി വിമര്‍ശിച്ചു.
സുരേഷ് ഗോപിയുടെ രൂക്ഷവിമര്‍ശനം: സി.പി.എം. നേതാവിനെ 'മാക്രി' എന്ന് വിളിച്ച് കേന്ദ്രമന്ത്രി
Jaihind TV News Report
Jaihind TV Web Desk
Updated Oct 05, 2026
2 min read
27 reads
കേന്ദ്രമന്ത്രി സുരേഷ് ഗോപി സി.പി.എം. കോഴിക്കോട് ജില്ലാ കമ്മിറ്റി അംഗമായ പി.കെ. ദിവാകരനെതിരെ നടത്തിയ പരാമര്‍ശമാണ് ഇപ്പോള്‍ വിവാദമായിരിക്കുന്നത്. ദിവാകരനെ 'മാക്രി' എന്ന് വിളിച്ചുകൊണ്ടാണ് സുരേഷ് ഗോപി തന്റെ രോഷം പ്രകടിപ്പിച്ചത്. നാടിനുവേണ്ടി താന്‍ ഒന്നും ചെയ്യുന്നില്ലെന്ന ദിവാകരന്റെ വിമര്‍ശനത്തിന് മറുപടി പറയുകയായിരുന്നു അദ്ദേഹം. തൃശൂര്‍ എം.പി.ക്കെതിരെ സംസാരിക്കാന്‍ വന്നാല്‍ 'മാന്തി പൊളിക്കും' എന്നും 'ഞോണ്ടാന്‍ വരരുത്' എന്നും സുരേഷ് ഗോപി ശക്തമായി താക്കീത് നല്‍കി.
വടകരയിലെ ഒരു പദ്ധതിക്ക് 95.34 കോടി രൂപ അനുവദിച്ച കാര്യം ചൂണ്ടിക്കാട്ടിയാണ് സുരേഷ് ഗോപി ദിവാകരനെതിരെ തിരിഞ്ഞത്. 'വടകരയില്‍ ഉരാളുങ്കല്‍ സൊസൈറ്റി... അത് ആരുടേതാണെന്ന് അറിയാമല്ലോ. അന്വേഷിച്ച് മനസ്സിലാക്കിക്കോളൂ... പക്ഷേ അവരാണ് യോഗ്യമായ ഒരു പദ്ധതി കൊണ്ടുവന്നത്. അവര്‍ക്ക് ഞാന്‍ കൂടി അംഗീകരിച്ച ഒരു പദ്ധതിയാണ് ലഭിച്ചിരിക്കുന്നത്. 95.34 കോടിരൂപയുടെ പദ്ധതി. ആ മാക്രിയുടെ മൂക്കിനു താഴെയാണ് കൊടുത്തിരിക്കുന്നത്. അയാള്‍ക്ക് എന്താണ് ഇതില്‍ കൂടുതല്‍ അറിയേണ്ടത്,' സുരേഷ് ഗോപി പറഞ്ഞു.
മണ്ഡലത്തില്‍ നടപ്പാക്കിയ മറ്റ് വികസന പ്രവര്‍ത്തനങ്ങളെക്കുറിച്ചും മന്ത്രി വിശദീകരിച്ചു. കൊല്ലത്തെ അഷ്ടമുടിയിലെ പദ്ധതിക്ക് 59.73 കോടിരൂപ അനുവദിച്ച കാര്യവും മന്ത്രിയെന്ന നിലയില്‍ താന്‍ കൃത്യമായി കാര്യങ്ങള്‍ ചെയ്തിട്ടുണ്ടെന്നും അദ്ദേഹം വ്യക്തമാക്കി. കൂടാതെ, തൃശ്ശൂരില്‍ ഫോറന്‍സിക് ലാബും റിസര്‍ച്ച് ഇന്‍സ്റ്റിറ്റ്യൂട്ടും ട്രെയ്‌നിങ് കോളജും അനുവദിച്ചതായും അദ്ദേഹം അറിയിച്ചു. ഈ പദ്ധതികള്‍ക്കായി 8 ഏക്കര്‍ ഭൂമി സംസ്ഥാന സര്‍ക്കാര്‍ നല്‍കണം. എന്നാല്‍, തിരുവനന്തപുരത്തേ നല്‍കൂ എന്ന് പറയുന്നത് ദുഷിച്ച രാഷ്ട്രീയ ചിന്താഗതിയാണ് എന്നും സുരേഷ് ഗോപി വിമര്‍ശിച്ചു.
